14 oblysta aýa raıyna baılanysty eskertý jarııalandy

ASTANA. KAZINFORM – Qazgıdromet erteń eldiń 14 óńirinde aýa raıyna baılanysty eskertý jarııalady.

Shymkent qalasynda kóktaıǵaq pen tuman kútiledi.

Ulytaý oblysynda soltústik-shyǵys, shyǵys baǵyttaǵy jel soǵady. Túnde oblystyń soltústiginde, ońtústiginde jáne ortalyǵynda jeldiń ekpini 15–20 m/s-qa deıin jetýi múmkin.

Qaraǵandy oblysynyń batysy men shyǵysynda túnde qatty aıaz bolady, aýa temperatýrasy -35 gradýsqa deıin tómendeıdi.

Túrkistan oblysynyń taýly aýdandarynda túnde jáne tańerteń qalyń qar jaýyp, kóktaıǵaq bolady. Oblystyń batysynda, soltústiginde, ońtústiginde jáne taýly aımaqtarynda tuman kútiledi. Taýly aýdandarda soltústik-shyǵys jeli soǵyp, ekpini 15–20 m/s-qa deıin jetedi.

Atyraý oblysynyń batysynda túnde qar jaýyp, jaıaý burqasyn bolady. Oblystyń soltústigi men ońtústiginde tuman men kóktaıǵaq kútiledi.

Almaty oblysynyń soltústigi men ortalyǵynda túnde qatty aıaz bolady, aýa temperatýrasy -25 gradýsqa deıin tómendeıdi.

Mańǵystaý oblysynda túnde jaýyn-shashyn (negizinen qar) jaýyp, kóktaıǵaq bolady. Oblystyń batysy men ońtústiginde jaıaý burqasyn, ortalyǵynda tuman kútiledi. Shyǵystan soǵatyn jeldiń ekpini batysy men ońtústiginde 15–20 m/s-qa deıin jetedi.

Jambyl oblysynyń batysynda, ońtústiginde jáne taýly aýdandarynda qar jaýyp, jaıaý burqasyn bolady, keı ýaqyttarda tuman men kóktaıǵaq kútiledi. Soltústik-shyǵys baǵyttaǵy jel oblystyń ońtústik-batysynda, soltústik-shyǵysynda jáne taýly aýdandarynda 15–20 m/s-qa deıin kúsheıedi.

Aqmola oblysynyń soltústik-batysynda kúndiz jaıaý burqasyn kútiledi. Jel ońtústik-shyǵystan ońtústik-batysqa aýysyp, oblystyń batysy men soltústiginde ekpini 15–20 m/s-qa deıin jetedi.

Shyǵys Qazaqstan oblysynyń soltústigi men shyǵysynda tuman bolady. Túnde oblys aýmaǵynda qatty aıaz bolyp, aýa temperatýrasy -40 gradýsqa deıin tómendeıdi.

Abaı oblysynda soltústik-shyǵystan ońtústik-shyǵysqa aýysatyn jel soǵady. Túnde jáne tańerteń Aıagóz aýdanynda jeldiń ekpini 15–20 m/s-qa deıin jetedi. Oblystyń soltústigi men ortalyǵynda túnde qatty aıaz bolady, -41 gradýsqa deıin.

Jetisý oblysynyń taýly aýdandarynda tuman men kóktaıǵaq bolady. Soltústik-shyǵys jeli oblystyń shyǵysynda 15–20 m/s-qa deıin kúsheıedi. Túnde qatty aıaz bolady — -25…-28 gradýs.

Aqtóbe oblysynyń ońtústigi men ortalyǵynda túnde jel shyǵystan batysqa aýysyp, ekpini 15–18 m/s-qa deıin jetedi.

Soltústik Qazaqstan oblysynyń batysy men soltústiginde kúndiz qar jaýyp, jaıaý burqasyn bolady.

Qyzylorda oblysynyń ońtústiginde túnde kóktaıǵaq kútiledi. Soltústik-shyǵys baǵyttaǵy jel oblystyń ortalyǵy men shyǵysynda 15–20 m/s-qa deıin kúsheıedi.

Buǵan deıin demalys kúnderi Sibir ústinde qalyptasqan keń antıtsıklon Qazaqstannyń birqatar óńirinde aıazdy aýa raıyn saqtap turatyny habarlanǵan bolatyn.