14 naýryzǵa arnalǵan aýa raıy boljamy
NUR-SULTAN. QazAqparat - «Qazgıdromet» sınoptıkteri 14 naýryzda aýa raıy qandaı bolatynyn aıtty, dep habarlaıdy QazAqparat.
Qazaqstan aýmaǵynyń ońtústik, ońtústik-shyǵys jáne shyǵys aýdandarynda atmosferalyq fronttarǵa baılanysty turaqsyz aýa raıy saqtalady: keı jerlerde jańbyr men qar jaýady, burqasyn soǵady, kóktaıǵaq bolyp, jel kúsheıedi.
Respýblıkanyń qalǵan óńirlerinde antıtsıklon áserinen jaýyn-shashynsyz aýa raıy saqtalady. Keı jerlerde tuman túsedi.
Túrkistan, Jambyl oblystarynyń keı jerlerinde - tuman, kóktaıǵaq, burqasyn. Jeldiń kúshi 23-28 m/s jetedi.
Almaty oblysynyń keı jerlerinde tuman túsedi, kóktaıǵaq bolady. Túnde keı jerlerde jel ekpini - 20 m/s.
Qyzylorda oblysynyń keı jerlerinde kóktaıǵaq pen boran soǵady. J el jyldamdyǵy 15-20 m/s jetedi.
Shyǵys Qazaqstan oblysynyń keı jerlerinde tuman túsedi, jaıaý burqasyn soǵady. Jel qarqyny 15-20 m/s deıin kúsheıedi. Kúndiz keı jerlerde kóktaıǵaq bolady.
Batys Qazaqstan, Qostanaı, Aqtóbe, Qaraǵandy, Aqmola oblystarynyń keı jerlerinde tuman túsedi.
