14 naýryz kúni elordada ótetin mańyzdy sharalar ańdatpasy
10.00-de Úkimet úıinde kezekti Úkimet otyrysy ótedi. Kún tártibinde 2023 jylǵy qańtar-aqpan aılaryndaǵy áleýmettik-ekonomıkalyq damý qorytyndysy jáne respýblıkalyq bıýdjettiń atqarylýy, jastar saıasatyn damytý tujyrymdamasy, sonymen birge nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi jospar qaralady.
10.00-de L. N. Gýmılev atyndaǵy Eýrazııa ulttyq ýnıversıtetinde qazaq televızııasynyń 65 jyldyǵyna arnalǵan halyqaralyq konferentsııa ótedi.
11.00-de Astana qalasynyń Kommýnıkatsııalar qyzmetinde «Astana qalasyndaǵy mektepke deıingi bilim berý uıymdarynyń qyzmeti» taqyrybynda onlaın brıfıng ótedi. Spıker: Bilim basqarmasy basshysynyń orynbasary Serik Ádilbaev.
Onlaın baspasóz-konferentsııasynyń siltemeleri: «Astana qalasy kommýnıkatsııalar qyzmetiniń» Facebook-tegi jáne Instagram-daǵy resmı paraqshalarynda tikeleı efırde ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Aýyl aýmaqtaryn damytýdyń tujyrymdamasy jáne jergilikti ózin-ózi basqarý» taqyrybynda baspasóz máslıhaty ótedi. Spıker: Ulttyq ekonomıka vıtse-mınıstri Baýyrjan Omarbekov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
15.00-de QR Ulttyq mýzeıinde Naýryz merekesine oraı «Naýryz – El ulyqtaǵan Uly kún» atty dóńgelek ústel (ǵylymı semınar) otyrysy uıymdastyrylady.
19.00-de Astana Opera teatrynda «Mahabbat sýsyny» operasy qoıylady.
19.00-de Jastar teatrynda «Qaryz ben Qaspaq» komedııasy sahnalanady.