14 myńnan astam sheteldik Qazaqstannyń kóshi-qon zańnamasyn buzǵan
NUR-SULTAN. QazAqparat – Sheteldikterdiń elimizdiń kóshi-qon zańnamasyn buzýynyń 14 116 faktisi anyqtaldy. Bul týraly QR ІІM Kóshi-qon qyzmetiniń erekshe tapsyrmalar jónindegi aǵa ınspektory Baýyrjan Omarov málim etti, dep habarlaıdy QazAqparat tilshisi.
«11-18 qazan aralyǵynda elimizde «Nelegal Kordon» óńirlik opeartsııasynyń ekinshi kezeńi ótti. Polıtsııa qyzmetkerleri sheteldikter tyǵyz turatyn oryndardy, turǵyn úı sektorlaryn, qurylys alańdaryn, bazarlardy, sheteldik eńbek kúshin zańsyz paıdalanatyn uıymdar men jumys berýishilerdi tekserip shyqty. Operatsııa barysynda kóshi-qon zańnamasyn buzýdyń 14 116 faktisi anyqtaldy. Onyń ishinde 10 282 sheteldik elde júrip-turý merzimin buzǵan. Sonymen qatar sheteldikterdiń eńbek qyzmetimen zańsyz aınalysýynyń 3 641 faktisi anyqtaldy», - dedi ol Іshki ister mınıstrliginde ótken brıfıng barysynda.
Onyń dereginshe, 613 jumys berýshi sheteldik jumys kúshin zańsyz paıdalanǵany, 5 453 zańdy jáne jeke tulǵa polıtsııaǵa ózderine sheteldikterdiń kelgeni týraly aqparatty der ýaqytynda bermegeni jáne 53 sheteldik qaıyr suraǵany úshin ákimshilik jaýapkershilikke tartyldy.
«Sot kóshi-qon zańnamasyn buzǵany úshin elden shyǵarý týraly 936 sheshim shyǵardy», - dedi Baýyrjan Omarov.
