14 myńnan astam qazaqstandyq jeńildetilgen kredıt aldy
NUR-SULTAN. QazAqparat - 2018 jyly 500 mln qazaqstandyq «Eńbek» baǵdarlamasy boıynsha jumysqa ornalasty. Bul týraly búgin halyqpen eseptik kezdesý ótkizgen QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.
«Jumyspen qamtýdy qamtamasyz etý azamattardyń tabysyna jáne jumyssyzdardar men nátıjesiz jumyspen qamtylǵandardyń ómir súrý sapasyn arttyrýǵa tikeleı áser etedi. Bul jumysty kúsheıtý az qamtylǵan otbasylardyń sanyn azaıtyp, jumysqa ornalasqan soń jeke basy men otbasyn óz betinshe qamtamasyz etýge kómektesedi. Bul úshin biz «Eńbek» memelekettik baǵdarlamysyn iske asyryp otyrmyz», - dedi ol.
Onyń málimetinshe, ótken jyly baǵdarlama aıasynda jumyspen qamtýǵa járdemdesýdiń belsendi sharalarymen 628 myń adam qamtyldy. Onyń ishinde 497 myńy jumysqa ornalastyrylyp, onyń 380 myńy turaqty jumys oryndaryna turdy. 14 myńnan astam qazaqstandyq jeńildetilgen mıkrokredıt aldy. Onyń ishinde 10 myńǵa jýyq jumyssyz azamat alǵash ret óz kásipterin ashty.
Mınıstrdiń aıtýynsha, mıkrokredıtteýdiń taǵy bir qosymsha áseri jańa jumys oryndaryn qurý bolyp tabylady. Mıkrokredıt alýshylar 12 myńnan astam jumys ornyn qurdy. Aǵymdaǵy jyly Elbasy tapsyrmasymen baǵdarlama «Jastar - El Tiregi» jalpyulttyq josparymen tolyqtyryldy. Onyń sheńberinde jastardyń jumyspen qamtylýyn qoldaý jónindegi sharalardy kúsheıtýge baǵyttalǵan «Jas Maman» jáne «Jas kásipker» jobalary iske asyrylýda. Osylaısha, úsh jyl ishinde 200 jańǵyrtylǵan oqý oryndarynyń bazasynda eń kóp suranysqa ıe 100 mamandyq boıynsha 200 myń jas maman daıarlanatyn bolady.
«Jastar praktıkasymen qamtý jospary keńeıtildi. 2019 jyly biz qosymsha taǵy da 10 myń adamdy jiberetin bolamyz. Bul 25 myń jas azamatty jumyspen qamtýǵa múmkindik beredi. Úsh jyl ishinde jastardyń keminde 60 myń ókili «Bastaý-Bıznes» kásipkerlik negizderi boıynsha bilim alady», - dedi mınıstr.
