14 mln teńgeni shekaradan alyp ótpek bolǵan qazaqstandyq áıel ustaldy
ASTANA. QazAqparat - Qorǵas beketinde deklaratsııalanbaǵan aqshamen shekaradan ótpek bolǵan qazaqstandyq áıel ustaldy, dep habarlaıdy QazAqparat UQK shekara qyzmetine silteme jasap.
«Qorǵas shekara jasaǵynyń jaýapkershilik aýmaǵynda ornalasqan Halyqaralyq shekara boıy yntymaqtastyǵynda 1981 jyly týǵan qazaqstandyq áıel ustaldy. Ol 2019 jylǵy 23 qańtarda, saǵat 8-der shamasynda qaltasyndaǵy 14 mln teńgemen ortalyq aýmaǵyna kirmekshi bolǵan. Biraq qolyndaǵy aqshasy deklaratsııalanbaǵan bolyp shyqty. Tárkilengen aqsha aktilenip «Altynkól» keden beketiniń qyzmetkerlerine tapsyryldy» delingen habarlamada.
Dál osyndaı jaǵdaı úsh kún buryn Almaty qalasynyń halyqaralyq áýejaıynda da bolǵan edi. 20 qańtar kúni saǵat 10.00 shamasynda «Almaty» shekaralyq baqylaý jasaǵynyń shekarashylary «Almaty - Ystanbul» baǵytymen ushqaly turǵan TK - 353 áýe reısiniń jolaýshylaryn tekserý barysynda 36 jastaǵy qazaqstandyqtan deklaratsııalanbaǵan 13 myń AQSh dollaryn taýyp, aktilep, «Jetisý» keden beketiniń qyzmetkerlerine tapsyrǵan bolatyn.
