14 myńnan astam áleýmettik az qamtylǵan azamat jaldamaly páterge ıe bolady

ASTANA. KAZINFORM — Bıyl 14 myńnan astam áleýmettik az qamtylǵan azamat jaldamaly páterge ıe bolady. Bul týraly Májilistiń jalpy otyrysynda Premer-mınıstrdiń orynbasary Qanat Bozymbaev aıtty. 

— Turǵyn-úı qurylysty damytý is-sharalary josparly túrde júzege asyrylyp jatyr. 10 aıdyń ishinde 14,6 mln sharty metr paıdalanýǵa berildi. Bul ótken jyldyń dál osyndaı kezeńdegi deńgeıden 4,5 paıyzǵa joǵary. Halyqtyń áleýmettik az qamtylǵan tobyn qoldaý úshin bıyl ákimdikter 222 mlrd teńgeden astam somaǵa 14 myń astam jalǵa beriletin baspana satyp alýdy qarastyrǵan, — dedi ol.

Úkimet basshysy orynbasarynyń aıtýynsha, óńirlerde kezekte turǵan azamattardy baspanamen qamtamasyz etý úshin 140,2 mlrd teńgege 11,2 nesıelik baspana salý jáne satý alý kelisildi.

«Naýryz» ben «Naýryz-jumysker» baǵdarlamalary arqyly jeńildikpen nesıe berý kólemi 2 esege ulǵaıtyldy. Nesıeleýdiń jalpy kólemi 500 mlrd teńgege deıin jetkizildi, — dedi Qanat Bozymbaev.

Aıta keteıik, qazirgi ýaqytta Májilis memlekettik organdardyń el azamattarynyń ótinishin qaraý nátıjesin tyńdap jatyr.