14 maýsymǵa arnalǵan aýa raıy boljamy
ASTANA. 14 maýsym. QazAqparat - Búgin elimizdiń basym aýmaǵynda kún raıy turaqsyz, jekelegen aýdandarda jańbyr jaýady, naızaǵaı oınap, jel kúsheıedi.
Tek ońtústik, ońtústik-batys jáne ońtústik-shyǵysta qatty ystyq bolady dep kútiledi. Bul týraly Qazgıdrometke silteme jasap, QR TJM baspasóz qyzmetinen habarlady.
Aqmola, Almaty, Ońtústik Qazaqstan, Qostanaı, Soltústik Qazaqstan, Shyǵys Qazaqstan, kúndiz Atyraý, Batys Qazaqstan, Aqtóbe, Pavlodar oblystarynda jeldiń ekpini sekýndyna 15-20 metrge jetedi, Batys Qazaqstanda shańdy daýyl turady.
Boljam boıynsha, Mańǵystaý oblysynda jáne Atyraý men Batys Qazaqstan oblystarynyń jekelegen aýmaqtarynda aptap ystyqtar saqtalady.
Elimizdiń batysynda, soltústik-batysynda, ońtústigi men ortalyǵynda keı jerlerde joǵary órt qaýpi saqtalady.
Jaqyn táýlikter ishinde ońtústiktiń, ońtústik-batystyń jáne shyǵystyń taý mańyndaǵy basym ózenderinde sý kóleminiń aýytqýy baıqalady. Buqtyrma, Kúrshim, Turǵysyn ózenderinde jáne olardyń aǵysynda sý kóleminiń artýy saqtalady, sý basý qaýpi týyndaýy yqtımal. Elimizdiń basqa sý nysandarynda gıdrologııalyq rejımde aıtarlyqtaı ózgerister baıqalmaıdy dep kútilýde.
