14 maýsymda ótetin mańyzdy sharalar ańdatpasy
NUR-SULTAN
10.00-de Úkimettiń kezekti otyrysy ótedi. Kún tártibinde Qazaqstan Respýblıkasynyń 2022 jylǵy qańtar-mamyr aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy, elimizde medıtsına jáne farmatsevtıka ónerkásibin damytý máseleleri qaralady.
10.00-de «Etalon» ortalyǵynda elektr samokattarynyń tehnıkalyq talaptary talqylanady. Basty taqyryp – elektr samokattaryn paıdalanýda qaýipsizdik deńgeıin arttyrý, olarǵa qoıylatyn talaptar, maksımaldy jyldamdyq jáne tańbalaý.
14.00-de Nur-Sultan qalasy fılarmonııasynyń kontsert zalynda «Altybaqan» oıyn-saýyq keshi ótedi.
15.00-de «Nýrsáýlet-2» bıznes ortalyǵynda Astana medıtsına ýnıversıtetiniń «Farmatsııa» mamandyǵynyń stýdentteri úshin ashyq esik kúni ótedi.
17.00-de Qalıbek Qýanyshbaev atyndaǵy memlekettik akademııalyq qazaq mýzykalyq drama teatrynda «Baıan Sulý – Qozy Kórpesh» qoıylymynyń BAQ ókilderi úshin premera aldyndaǵy kórsetilimi ótedi.
17.30-da Astana Opera Halyqaralyq opera akademııasy daıyndaǵan «Don Jýan» operasyna arnalǵan baspasóz máslıhaty jáne qoıylym premerasy ótedi.
ALMATY
08.00-de Qalalyq qan ortalyǵynda donorlarǵa arnalǵan jyl saıynǵy saltanatty shara ótedi.
10.00-de Kazzhol Park qonaqúıinde qazaqstandyqtardyń tamaqtaný ádetine qatysty ótkizilgen zertteý nátıjeleri jarııalanady. Uıymdastyrýshy - «Densaýlyq» ulttyq qaýymdastyǵy.