14 mamyrǵa arnalǵan aýa raıy boljamy
ASTANA. 14 mamyr. QazAqparat - Búgin elimizdiń soltústik aımaqtarynda keı jerlerde jańbyr jaýady, naızaǵaı oınap, túngi jáne tańǵy ýaqytta tuman turady dep kútilýde.
Bul týraly Qazgıdrometke silteme jasap QR TJM-niń baspasóz qyzmetinen habarlady.
Eldiń qalǵan bólikterinde kún jaýyn-shashynsyz ótedi. Respýblıkanyń keı jerlerinde jel kóterilip, batysta oǵan shańdy daýyl aralasady.
Atap aıtqanda, Aqmola, Soltústik Qazaqstan, Atyraý, Jambyl, kúndiz Qostanaı, Pavlodar, Mańǵystaý oblystarynda jel kúsheıedi, Mańǵystaý men Atyraý óńirlerinde shańdy daýyl turady.
Soltústik Qazaqstan men Qostanaı oblystarynyń keı aýmaqtaryn túnde tuman basady. Elimizdiń batysynda, ońtústiginde, shyǵysy men ortalyǵynda keı jerlerde joǵary órt qaýpi saqtalady.
Jaqyn táýlikterde respýblıkanyń ońtústik jáne ońtústik-shyǵysyndaǵy taýly ózenderde sýdyń kólemi aýytqıdy. Batys Altaı ózenderiniń deninde sý deńgeıiniń tómendeýi jalǵasady.
Syrdarııa ózenine Qaıraqqum sý qoımasynan keletin sýdyń kólemi azaıǵandyqtan, Shardara sý qoımasyna aǵylatyn sýdyń kólemi de tómendeıdi. Boljam boıynsha, elimizdiń basqa sý nysandarynda gıdrologııalyq rejimde eleýli ózgerister oryn almaıdy.
