14 mamyrda Jer reformasy boıynsha komıssııanyń alǵashqy otyrysy ótedi

ASTANA. QazAqparat - Qazaqstanda Jer reformasy boıynsha komıssııanyń alǵashqy otyrysy Astanada 14 mamyr kúni ótedi. Bul týraly QR Premer-mınıstriniń birinshi orynbasary Baqytjan Saǵyntaev málim etti.

Nursultan Nazarbaevtyń tapsyrmasy boıynsha jasaqtalǵan komıssııanyń quramyna Parlamenttiń qos palatasynyń depýtattary, Úkimet músheleri, memlekettik organdar, saıası partııalar, agrobıznes ókilderi, ǵalymdar men azamattyq belsendiler atynan barlyǵy 75 adam endi. Sondaı-aq komıssııada ár óńirden bir-bir ókilden bolady.

«Biz elimiz, onyń beıbit bolashaǵy úshin alańdaıtyn azamattardy yntymaqtasýǵa shaqyrdyq. Halyqty barynsha qamtý úshin oblystyq ákimdiktiń janynan qurylǵan qoǵamdyq keńester jumysqa jumyldyryldy. Komıssııa bizdiń azamattarymyzǵa barynsha pikirtalastar barysy týraly durys aqparatty BAQ rejıminde ashyq túrde alýy úshin jumys isteıtin bolady», - dep atap ótti B. Saǵyntaev.

Buǵan deıin habarlanǵandaı, arnaıy Jerturaly.kz portaly iske qosyldy. Portalda Komıssııanyń jumysy týraly barlyq aqparat jarııalanady. Munda qoldanýshylar kókeıtesti suraqtaryn qoıyp, óz usynystaryn qaldyra alady. Qosymsha arnaıy Call-tsentr jumys jasaıtyn bolady.