14 mamyr. Tulǵalar týǵan kún

ASTANA. QazAqparat – Búgin, 14 mamyrda tulǵalardan kimder dúnıege kelgen? QazAqparat oqyrman nazaryna esimder kúntizbesin usynady.

ESІMDER

82 jyl buryn (1941) belgili akter, Qazaqstan Respýblıkasynyń halyq ártisi, SSSR Memlekettik syılyǵynyń laýreaty Nurjuman Baıjumanuly YQTYMBAEVdúnıege keldi.

Almaty oblysy Kerbulaq aýdanynda týǵan. Almaty mýzyka ýchılışesin, Panfılov pedagogıkalyq ýchılışesin jáne «Qazaqfılm» stýdııasy janyndaǵy akterlik stýdııany bitirgen, Qazaq Memlekettik pedagogıkalyq ınstıtýtyn támamdaǵan.

Kınodaǵy mansaby kezdeısoq bastalǵan. Bolashaq kınoakterdiń aýylyna kelgen «Mazasyz tań» fılminiń túsirý toby ony fılmge túsirýge shaqyrady. 1968 jyldan «Qazaqfılm» kınostýdııasynyń akteri.

Akter kınoda árqıly bolmysty, minezdi keıipkerler beınesin jasady, mysaly, «Adamdar arasyndaǵy bóltiriktegi» tuıyq, qatań minezdi, «Stalınge syılyqtaǵy» jumsaq minezdi, biraq birbetkeı, al «Barlaýshydaǵy» qarapaıym, shyǵysqa tán danalyq kórinetin keıipkerler, taǵy basqalar.

Akterdiń sońǵy jumystarynan frantsýz akteri J. Depardemen birge túsken «Kesh oıanǵan mahabbat» fılmin ataýǵa bolady.

Akter anımatsııalyq lentalardy dybystaýǵa da qatysady («Qadyrdyń baqyty», 2000).

2007 jyly «Jol qaraýshy» fılmindegi roli úshin «Adal júrek» kınofestıvalinde bas júldeni, 2009 jyly «Sháken juldyzdary» festıvaliniń eń úzdik akteri, 2009 jyly Cheboksarydaǵy MKF - «Stalınge syılyq», «eń úzdik er adam roli úshin» syılyǵyn, Qasym roli úshin Búkilamerıkalyq ónerdi qoldaý qaýymdastyǵynyń arnaıy júldesine («Stalınge syılyq») ıe bolǵan.

6 1 jyl buryn (1962) kompozıtor, ánshi, dırıjer, mýzykalyq prodıýser, Qazaqstan Respýblıkasynyń eńbek sińirgen qaıratkeri Jeńis SEIDÝLLAULY dúnıege kelgen.

Qyzylorda oblysynda týǵan.

Eńbek joly: 1984-1987 jyldary - «Gúlder» memlekettik ansambliniń orkestr ártisi; 1989-1994 jyldary - Súıinbaı atyndaǵy Almaty oblystyq fılarmonııa orkestriniń ártisi; 1994-1997 jyldary - «Gúlder» memlekettik ansambliniń bas dırıjeri; 1998-2004 jyldary - Súıinbaı atyndaǵy Almaty oblystyq fılarmonııasynyń ánshisi jáne uıymdastyrýshysy; 2005 jyly - «Otan» Respýblıkalyq saıası partııasynyń Ortalyq apparatynda «Ideologııa» bólimi meńgerýshisiniń orynbasary; 2006-2013 jyldary - «Qazaq áýenderi» AQ fılıaly «Gúlder» ansambliniń dırektory; 2013 jyly - «Qazaq áýenderi» AQ Almaty qalasyndaǵy Aımaqtyq dırektory; 2013-2014 jyldary - T.Júrgenov atyndaǵy Qazaq Ulttyq óner akademııasynda shyǵarmashylyq jumystar jáne syrtqy baılanystar jónindegi prorektory; 2014 jyly - «J.Elebekov atyndaǵy Respýblıkalyq estrada-tsırk kolledji» RMQK dırektory; 2016-2018 jyldary - Jambyl atyndaǵy Qazaq memlekettik fılarmonııasynyń dırektory. 2018 jyldyń aqpan aıynan bastap «Qazaqkontsert» memlekettik kontserttik uıymynyń dırektory bolyp eńbek etýde.

Qazaqstannyń eńbek sińirgen qaıratkeri (2006), «Qurmet» ordeniniń ıegeri (2015). «Qarmaqshy aýdanynyń qurmetti azamaty» (2007), «Almaty oblysy Qaratal aýdanynyń qurmetti azamaty» (2015).

«Qazaqstan Respýblıkasynyń Táýelsizdigine 20 jyl» (2011), «Qazaqstan Konstıtýtsııasyna 20 jyl» (2015), «Astana 20 jyl» (2018) merekelik medaldarymen marapattalǵan.

52 jyl buryn (1971) Qostanaı qalasy ákiminiń orynbasary Májıt Maqsutuly ShÚLENOV dúnıege keldi.

Qostanaı oblysynda týǵan. A.Baıtursynov atyndaǵy Qostanaı memlekettik ýnıversıtetin ulttyq mekteptegi qazaq tili men ádebıeti mamandyǵy boıynsha bitirgen (2000); M.Dýlatov atyndaǵy Qostanaı ınjenerlik-ekonomıkalyq ýnıversıteti, ekonomıka.

Eńbek joly: Qamysty aýdany, «Urqash» keńsharynda kombaınshy (1988-1989); Qamysty aýdany «Ýrkashskıı» sovhozynyń №2 bóliminiń qurylysshysy (1991-1992); Taranov aýdany Evgenov orta mektebiniń muǵalimi (1993-1994); Taranov aýdany O.Dosjanov sovhozynyń jasaqshysy (1994-1996); «TSL-TV» JShS telebaǵdarlamalarynyń redaktory (1994-1996); Qostanaı oblysy Іshki ister basqarmasynyń aqparat jáne qoǵammen baılanys tobynyń ınspektory (1998-2000); Qostanaı oblysy ákiminiń baspasóz qyzmetiniń bas mamany, bas ınspektor-baspasóz hatshysy, bas ınspektor-kómekshisi (2000-2006); Qostanaı oblysy ákimdiginiń ishki saıasat basqarmasynyń aqparattyq saıasat jáne BAQ monıtorıngi bóliminiń basshysy (2006-2007); «Agromashholdıng» AQ Prezıdentiniń qoǵammen baılanys jónindegi keńesshisi (2007-2008); «Tobyl» ÁKK» AQ jarnamany ilgeriletý departamentiniń qoǵammen baılanys jónindegi mamany, jarnamany ilgeriletý jónindegi qoǵammen baılanys departamentiniń dırektory, «Tobyl» ÁKK» AQ uıymdastyrý-baqylaý bóliminiń bastyǵy (2008-2015); Qostanaı oblysy ákimdiginiń ishki saıasat basqarmasynyń basshysy (2016-2017); Qostanaı oblystyq Qazaqstan halqy assambleıasy hatshylyǵynyń meńgerýshisi (2017-2018); «Bilimdi El» respýblıkalyq oqý-ádistemelik qoǵamdyq-saıası gazetiniń damý jónindegi dırektory (2018-2022); Qostanaı qalasy ákiminiń keńesshisi (2022-2023).

2023 jyldyń qańtar aıynan beri qazirgi qyzmetinde.

5 1 jyl buryn (1972) Qazaqstan Respýblıkasy Ulttyq olımpıada komıtetiniń bas hatshysy Andreı Aleksandrovıch KRıÝKOV dúnıege keldi.

Almaty qalasynda týǵan.

Almaty qalasyndaǵy Olımpıada rezerviniń № 2 ýchılışesin (1990); Qazaq deneshynyqtyrý ınstıtýtyn deneshynyqtyrý jáne sport mamandyǵy boıynsha(1994); RF prezıdenti janyndaǵy Reseı halyq sharýashylyǵy jáne memlekettik qyzmet akademııasy korporatıvtik basqarmasynyń Joǵary mektebin (2011), T.Rysqulov atyndaǵy Qazaq ekonomıka ýnıversıtetin, marketıng (2011) bitirdi.

Eńbek joly: Qazaqstan Respýblıkasynyń júzý federatsııasy (1996-2001); QR Júzý federatsııasynyń sporttyq dırektory (2001-2005); QR sýdaǵy sport túrleri federatsııasynyń Bas dırektory (2005-2008); Azııanyń júzý federatsııasynyń (AASF) vıtse-prezıdenti (2006 jyldan bastap); QR Sýdaǵy sport túrleri federatsııasynyń Bas hatshysy (2008); Azııa Olımpıada komıtetiniń Qysqy Azııa oıyndarynyń Bas úılestirýshisi (2011 jyldan bastap); QR Ulttyq Olımpıada komıtetiniń Halyqaralyq yntymaqtastyq máseleleri jónindegi vıtse-prezıdenti (2015, 2020 jyly qaıta saılandy); QR Premer-mınıstri orynbasarynyń keńesshisi (2015-2016); QR Sýdaǵy sport túrleri federatsııasynyń prezıdenti (2019 jyldan beri).

Qazirgi qyzmetin 2020 jyldyń mamyr aıynan beri atqaryp keledi.

«Qurmet» ordenimen (2014); «Qazaqstan Respýblıkasynyń táýelsizdigine 20 jyl» (2012), «Qazaqstan Respýblıkasynyń táýelsizdigine 25 jyl» (2016) medaldarimen marapattaldy. KSRO sport sheberi (1989), Qazaqstan Respýblıkasynyń sý doby boıynsha Halyqaralyq klastaǵy sport sheberi (1994), Qazaqstan Respýblıkasynyń eńbek sińirgen jattyqtyrýshysy (2010); Qazaqstannyń sý doby boıynsha talaı dúrkin chempıonat júldegeri men Kýbok ıegeri. Azııa oıyndarynyń jeńimpazy (Hırosıma, ıAponııa, 1994).