14 mamyr. Týǵan kún ıeleri

NUR-SULTAN. QazAqparat - Búgin, ıaǵnı 14 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

78 jyl buryn (1941) belgili akter, Qazaqstan Respýblıkasynyń halyq ártisi, SSSR Memlekettik syılyǵynyń laýreaty Nurjuman Baıjumanuly YQTYMBAEV dúnıege keldi.

Almaty oblysy Kerbulaq aýdanynda týǵan. Almaty mýzyka ýchılışesin, Panfılov pedagogıkalyq ýchılışesin jáne «Qazaqfılm» stýdııasy janyndaǵy akterlik stýdııany bitirgen, Qazaq Memlekettik pedagogıkalyq ınstıtýtyn támamdaǵan. Kınodaǵy mansaby kezdeısoq bastalǵan. Bolashaq kınoakterdiń aýylyna kelgen «Mazasyz tań» fılminiń túsirý toby ony fılmge túsirýge shaqyrady. 1968 jyldan «Qazaqfılm» kınostýdııasynyń akteri.

Akter kınoda árqıly bolmysty, minezdi keıipkerler beınesin jasady, mysaly, «Adamdar arasyndaǵy bóltiriktegi» tuıyq, qatań minezdi, «Stalınge syılyqtaǵy» jumsaq minezdi, biraq birbetkeı, al «Barlaýshydaǵy» qarapaıym, shyǵysqa tán danalyq kórinetin keıipkerler, taǵy basqalar. Akterdiń sońǵy jumystarynan frantsýz akteri J. Depardemen birlesip túsken «Kesh oıanǵan mahabbat» fılmin ataýǵa bolady. Akter anımatsııalyq lentalardy dybystaýǵa da qatysady («Qadyrdyń baqyty», 2000).

2007 jyly «Jol qaraýshy» fılmindegi roli úshin «Adal júrek» kınofestıvalinde Bas júldeni, 2009 jyly «Sháken juldyzdary» festıvaliniń eń úzdik akteri, 2009 jyly Cheboksarydaǵy MKF - «Stalınge syılyq», «eń úzdik er adam roli úshin» syılyǵyn, Qasym roli úshin Búkilamerıkalyq ónerdi qoldaý qaýymdastyǵynyń arnaıy júldesine («Stalınge syılyq») ıe bolǵan.

63 jyl buryn (1956) Qazaqstan Respýblıkasy Parlamenti Senatynyń Aqmola oblysynan saılanǵan depýtaty, Qarjy jáne bıýdjet komıtetiniń múshesi Dáýren Zekenuly ÁDІLBEKOV dúnıege keldi.

Novosibir elektrotehnıkalyq ınstıtýtyn, Máskeýdiń halyq sharýashylyǵy akademııasyn bitirgen. Eńbek jolyn 1974 jyly Semeı oblysy Úrjar aýdany «Bahty» keńsharynda bastaǵan. Keıinnen Almaty qalasyndaǵy №1 Trolleıbýs parkinde sheber, aǵa sheber, tseh bastyǵy, Tramvaı deposynyń bas ınjeneri, dırektory bolǵan. 1989-1992 jyldary - Almaty qalasy Sovet aýdandyq atqarý keńesi tóraǵasynyń orynbasary. 1992-1994 jyldary - Almaty qalasy Sovet aýdandyq ákimshiligi basshysynyń birinshi orynbasary. 1994 jyly Qazaqstan Respýblıkasy Joǵarǵy Keńesiniń depýtaty bolyp saılanǵan. 1995-1997 jyldary - Qazaqstannyń kásipkerlikti damytý jáne qoldaý ortalyǵy bas dırektorynyń birinshi orynbasary. 1997-1998 jyldary - Kókshetaý oblysy ákiminiń birinshi orynbasary, Soltústik Qazaqstan oblystyq ekonomıka basqarmasynyń bastyǵy, Qazaqstan Respýblıkasy Premer-Mınıstri Keńsesi Saraptama-taldaý bóliminiń sektor meńgerýshisi. 1998-2004 jyldary - Aqmola oblysy ákiminiń orynbasary, Kókshetaý qalasynyń ákimi. 2004-2005 jyldary - Aqmola oblysy ákiminiń orynbasary. 2005-2006 jyldary - Kókshetaý ekonomıka jáne menedjment ınstıtýty kafedrasynyń professory. 2006-2008 jyldary - «Qazaqstan temir joly» ulttyq kompanııasy» aktsıonerlik qoǵamy «Temir jol jylý» aktsıonerlik qoǵamynyń vıtse-prezıdenti, Qazaqstan Respýblıkasy Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń Esil departamenti bastyǵynyń mindeti atqarýshysy, Kókshetaý ekonomıka jáne menedjment ınstıtýty kafedrasynyń professory qyzmetterin atqarǵan. 2008-2017 jyldary Aqmola oblysy ákiminiń orynbasary. Qazirgi qyzmetinde 2017 jyldan bastap.

«Qurmet» ordenimen, «Astana» medalimen marapattalǵan.

36 jyl buryn (1983) Qazaqstan Respýblıkasy Densaýlyq saqtaý vıtse-mınıstri Oljas Amangeldiuly ÁBІShEV dúnıege keldi.

Qyzylorda qalasynda týǵan. Qyzylorda memlekettik ýnıversıtetin, aqparattyq júıeler mamandyǵy boıynsha (2004) bitirdi; Áýlıe Ata ýnıversıteti (2005); Andong Ulttyq ýnıversıteti (magıstratýra, doktorantýra, Ońtústik Koreıa), Aqparattyq jáne kommýnıkatsııalyq tehnıka (2006, 2010).

Eńbek joly: «Kazvtorchermet» AAQ operator-baǵdarlamashy, Qyzylorda qalasy (2000-2004); Qyzylorda oblysyndaǵy «Jyljymaıtyn múlik ortalyǵy» respýblıkalyq memlekettik kásipornynyń aqparattyq tehnologııalar departamentiniń dırektory (06.2004-08.2004); Man & Tel LTD kompanııasynda ıgerýshi ınjener, Gýmı qalasy, Ońtústik Koreıa (2006-2007); Ýnıversıtettiń aımaqtyq ınnovatsııalar boıynsha assıstenti (NURI) (2004-2009); «Qazagromarketıng» AQ Basqarýshy dırektory (04.2010-08.2010); «Qazaqstan Ǵarysh Sapary» UK» AQ Utqyr dıfferentsıaldy stantsııasynyń bastyǵy (2010-2011); «Elektrondyq úkimet» AQ Ulttyq aqparattyq tehnologııalar ortalyǵy (2011-2012) quzyrettiligi ortalyǵynyń bas taldaýshysy; «Ulttyq medıtsınalyq holdıng» AQ janyndaǵy «Demeý-ÝMH» JShS aqparattyq tehnologııalar departamentiniń dırektory (03.2012-11.2012); «Ulttyq medıtsınalyq holdıng» AQ ákimshilik departamentiniń dırektory (2012-2013); «Aqparattyq júıeler» konsýltanty, «Medıtsınalyq tehnologııalar jáne aqparattyq júıeler ortalyǵy» AQ (2013-2014); «Áskerı-strategııalyq zertteýler ortalyǵy» AQ-nyń aldyńǵy qatarly tehnologııalar jáne ınnovatsııalar departamentiniń dırektory (2013-2015); «Astana Innovations» AQ basqarýshy dırektory (03.2015-08-2015); Qazaqstan Respýblıkasy Densaýlyq saqtaý jáne áleýmettik damý mınıstrliginiń «Elektrondyq densaýlyq saqtaýdyń respýblıkalyq ortalyǵy» RMQK bas dırektorynyń orynbasary (2015-2017); Qazaqstan Respýblıkasy Densaýlyq saqtaý jáne áleýmettik damý mınıstrliginiń «Elektrondyq densaýlyq saqtaýdyń respýblıkalyq ortalyǵy» RMQK bas dırektorynyń m.a. (02.2017-09.2017); Qazaqstan Respýblıkasy Densaýlyq saqtaý mınıstrliginiń «Elektrondyq densaýlyq saqtaýdyń respýblıkalyq ortalyǵy» RMK-nyń bas dırektory (2017-2018).

2018 jyldyń maýsym aıynan bastap qazirgi qyzmetinde.

57 jyl buryn (1962)«Qazaqkontsert» memlekettik kontserttik uıymynyń dırektory,kompozıtor, ánshi Jeńis Seıdýllauly dúnıege kelgen.

Qyzylorda oblysynda týǵan.

Eńbek joly: 1984-1987 jyldary - «Gúlder» memlekettik ansambliniń orkestr ártisi; 1989-1994 jyldary - Súıinbaı atyndaǵy Almaty oblystyq fılarmonııa orkestriniń ártisi; 1994-1997 jyldary - «Gúlder» memlekettik ansambliniń bas dırıjeri; 1998-2004 jyldary - Súıinbaı atyndaǵy Almaty oblystyq fılarmonııasynyń ánshisi jáne uıymdastyrýshysy; 2005 jyly - «Otan» Respýblıkalyq saıası partııasynyń Ortalyq apparatynda «Ideologııa» bólimi meńgerýshisiniń orynbasary; 2006-2013 jyldary - «Qazaq áýenderi» AQ fılıaly «Gúlder» ansambliniń dırektory; 2013 jyly - «Qazaq áýenderi» AQ Almaty qalasyndaǵy Aımaqtyq dırektory; 2013-2014 jyldary - T.Júrgenov atyndaǵy Qazaq Ulttyq óner akademııasynda shyǵarmashylyq jumystar jáne syrtqy baılanystar jónindegi prorektory; 2014 jyly - «J.Elebekov atyndaǵy Respýblıkalyq estrada-tsırk kolledji» RMQK dırektory; 2016-2018 jyldary - Jambyl atyndaǵy Qazaq memlekettik fılarmonııasynyń dırektory. 2018 jyldyń aqpan aıynan bastap «Qazaqkontsert» memlekettik kontserttik uıymynyń dırektory bolyp eńbek etýde.

Qazaqstannyń eńbek sińirgen qaıratkeri (2006), «Qurmet» ordeniniń ıegeri (2015). «Qarmaqshy aýdanynyń qurmetti azamaty» (2007), «Almaty oblysy Qaratal aýdanynyń qurmetti azamaty» (2015). «Qazaqstan Respýblıkasynyń Táýelsizdigine 20 jyl» (2011), «Qazaqstan Konstıtýtsııasyna 20 jyl» (2015), «Astana 20 jyl» (2018) merekelik medaldarymen marapattalǵan.