14 MAMYR. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

14 mamyr, DÚISENBІ

Grýzııada Tamara hanshaıymdy eske alý- Tamaroba kúni. 1917 jyldan bastap ulttyq mereke retinde atap ótiledi.

Paragvaı Respýblıkasynyń Ulttyq meıramy - Táýelsizdik kúni (1811). 1811 jyldan bastap atap ótiledi. Halyqtyń qysymymen ıspan gýbernatory óz ókilettiligin toqtatyp, Ispanııanyń Paragvaıǵa bıligi júrmeıtin boldy. Paragvaı - Ońtústik Amerıkanyń ortalyq bóliginde ornalasqan memleket. Soltústigi jáne soltústik-batysynda Bolıvııamen, soltústik-shyǵysy jáne shyǵysy Brazılııamen, ońtústik-shyǵysy, ońtústik jáne ońtústik-batysy Argentınamen shektesedi. Ákimshilik jaǵynan 19 departamentke bólinedi. Astanasy - Asýnson qalasy. Resmı tili - ıspan tili. Aqsha birligi - gvaranı. Eldi Prezıdent basqarady. Ol jalpy halyqtyq saılaý arqyly 5 jylǵa saılanady. Prezıdent ekinshi márte qaıta saılaýǵa túse almaıdy. Joǵary zań shyǵarýshy organy - Kongress. Ol eki palataly senat jáne depýtattar palatasynan turady.

Islandııa prezıdentiniń kúni. 14 mamyrda Islandııanyń besinshi prezıdenti Olavýr (Ýlafýr) ragnara Grımmsonnyń týǵan kúni (1943 jyl). Bul kún memlekette Tý-kúni dep atalady. Tý-kúni - zańmen belgilengen oryndarda memlekettik tý kóteriletin merekeler men estelik datalar.

ESTE QALAR OQIǴALAR

143 jyl buryn (1869) Aqtóbe qalasynyń irgetasy qalandy.

10 jyl buryn (2002) Máskeýde Astananyń mádenı kúnderi ótti.

64 jyl buryn (1948) Birikken Ulttar Uıymy Bas Assambleıasy qararynyń negizinde Palestınada Izraıl memleketi quryldy. Izraıl - Taıaý Shyǵystaǵy memleket. Batys Azııada, Jerorta teńiziniń ońtústik-shyǵys jaǵalaýynda ornalasqan. Soltústiginde Lıvanmen, soltústik-shyǵysynda Sırııamen, shyǵysynda Iordanııamen, ońtústik-batysynda Egıpetpen shektesedi. Basty ekonomıkalyq jáne mádenı ortalyǵy - Tel-Avıv qalasy. El aýmaǵy ákimshilik jaǵynan 6 okrýgqa bólinedi.

58 jyl buryn (1954) BUU-ǵa múshe elder Gaagada ótken konferentsııada Rerıh paktisi (1953) negizinde ázirlengen «Qarýlanǵan janjal jaǵdaıynda mádenı qundylyqtardy saqtaý týraly konventsııany» qabyldady. Kúshine 1954 jyly 7 tamyzda endi.

5 jyl buryn (2007) Qaraǵandy oblysynyń ákimdigi men Tabıǵı resýrstardyń Eýrazııalyq korporatsııasy yntymaqtastyq týraly memorandýmǵa qol qoıdy.

3 jyl buryn (2009) Semeıde Shyǵys Qazaqstandaǵy tuńǵysh «Kókserek» atty aýdıokitap shyqty. Kitapty «Alfa Marıno» jarnama stýdııasy qazaq ádebıetiniń klassıgi Muhtar Áýezovtyń hıkaıasy boıynsha shyǵardy.

Ideıanyń avtory «Qazaqstan - Semeı» telearnasynyń qyzmetkeri Qýat Ahmedjanov. Uzaqtyǵy 1 saǵat 5 mınýttyq ádebı shyǵarmany dybystandyrǵan da ózi. Shyǵarýshylar aýdıokitaptyń alǵashqy jıyntyǵyn qaladaǵy mektep-ınternattarǵa syılyq retinde tabystady.

3 jyl buryn (2009) Kıev qalalyq keńesiniń 2008 jylǵy jeltoqsannyń 18-degi sheshimimen Shevchenko aýdanyndaǵy Kýzmınskaıa kóshesi qazaq poezııasynyń alyby Jambyl Jabaevtyń esimine aýystyryldy. 2009 jylǵy mamyrdyń 8-de osy kóshede Jambyl Jabaevtyń memorıaldyq taqtasy resmı túrde saltanatpen ashyldy.

ESІMDER

118 jyl buryn (1894-1938) qazaqtyń kórnekti jazýshysy, qazaq ádebıetiniń negizin qalaýshylardyń biri JANSÚGІROV Іlııas dúnıege keldi.

Almaty oblysynyń Aqsý aýdanynda týǵan. Tashkenttegi eki jyldyq muǵalimdik kýrsty bitirip, óz aýylynda muǵalim bolǵan. Odan keıin az ýaqyt «Tilshi» gazetinde istep, Vernyıdaǵy Qazaq aǵartý ınstıtýtynyń meńgerýshiligine taǵaıyndaldy. Máskeýdegi Kommýnıstik jýrnalıstıka ınstıtýtyn bitirgen, soń «Eńbekshi qazaq» gazetinde qyzmet atqardy. 1932-1934 jyldary - Qazaqstan Jazýshylar odaǵy uıymdastyrý komıssııasynyń tóraǵasy. 1933-1936 jyldary Qazaq KSR Ortalyq atqarý komıtetiniń múshesi boldy. 1938 jyly saıası qýǵyn-súrgin qurbany boldy.

І.Jansúgirovtyń shyǵarmashylyǵy kóp qyrly, alýan syrly. Ol poezııa, proza, drama salasynda ónimdi eńbektenip, ózindik qoltańbasy aıqyn kórkem shyǵarmalardyń marjan shoǵyryn dúnıege keltirgen qunarly da tegeýrindi qalamger. Onyń shyǵarmalaryna arqaý bolǵan taqyryp óristeri de alýan túrli. Poezııa, proza, drama salalaryndaǵy shyǵarmalaryna ózi ǵumyr keshken ortadaǵy naqtyly ómir kórinisterinen bastap, tarıhı taqyrypqa deıin arqaý bolyp otyrady. Qandaı taqyrypqa qalam terbese de el qamy, halyq taǵdyry, ulttyń bolmys qasıeti onyń shyǵarmalarynyń altyn arqaýy. Onyń qalamynan týǵan «Kúı», «Dala», «Kúıshi», «Qulager» sııaqty on beske jýyq kólemdi poema qazaq poezııasynyń injý marjany bolyp tabylady. І.Jansúgirovtyń prozalyq shyǵarmalarynyń ishindegi kólemdisi - «Joldastar» romany. Munda qazaq saharasyndaǵy eńbek adamdarynyń turmys tirshiligin, azattyqty kóksegen arman ańsaryn, 1916 jylǵy ult-azattyq kóterilisiniń dúmpýin sýretkerlikpen ashyp kórsetedi. Qalamger ádebıet syny men aýdarma salasynda da ónimdi eńbektendi. A.Pýshkınniń kóptegen óleńderine qosa, «Evgenıı Onegın» romanyn qazaq tiline alǵash ret tolyq aýdardy. Sondaı-aq, M.Lermontovtyń, A.Gorkııdiń, N.Nekrasovtyń, V.Maıakovskııdiń kóptegen shyǵarmalaryn qazaq tiline tárjimalady.

Elimizde birneshe mektepke, kóshege, aýdanǵa, eldi mekenge, Taldyqorǵan qalasyndaǵy Jetisý memlekettik ýnıversıtetine І.Jansúgirovtyń  esimi berildi. 1994 jyly ýnıversıtettiń qarsy aldyndaǵy alańǵa aqynnyń qoladan quıylǵan eskertkishi ornatyldy. Taldyqorǵanda aqynnyń ómiri men shyǵarmalaryna arnalǵan ádebı-memorıaldyq murajaı jumys isteıdi.  

58 jyl buryn Qazaqstan Respýblıkasy Prezıdenti Ákimshiligi Іshki saıasat bóliminiń meńgerýshisi QÝANYShEV Japsarbaı Іlııasuly dúnıege keldi.

1954 jylǵy 14 mamyrda Almaty oblysynyń, Kóksý aýdanyndaǵy Muqry aýylynda dúnıege kelgen. 1979 jyly Abaı atyndaǵy Qazaq pedagogıkalyq ınstıtýtyn tarıh jáne qoǵamtaný pániniń muǵalimi mamandyǵy boıynsha bitirgen; saıasat ǵylymynyń doktory; tarıh ǵylymynyń kandıdaty. 1979 jylǵy qyrkúıekten - 1981 jylǵy jeltoqsanǵa deıin - Qazaq KSRO Ǵylym akademııasynyń Sh.Sh. Ýálıhanov atyndaǵy tarıh, arheologııa jáne etnografııa ınstıtýtynyń laboranty, aǵa laboranty. 1982 jylǵy jeltoqsannan - 1986 jylǵy jeltoqsanǵa deıin - KSRO ǵylym akademııasynyń KSRO tarıhy ınstıtýtynyń stajery, aspıranty (Máskeý qalasy). 1986 jylǵy jeltoqsannan - 1989 jylǵy qańtarǵa deıin - Qazaq KSRO Ǵylym akademııasynyń Sh.Sh. Ýálıhanov atyndaǵy tarıh, arheologııa jáne etnografııa ınstıtýtynyń kishi ǵylymı qyzmetkeri, aǵa ǵylymı qyzmetkeri. 1989 jylǵy qańtardan - 1992 jylǵy qańtarǵa deıin - Qazaqstan Respýblıkasy Ǵylym akademııasynyń Sh.Sh. Ýálıhanov atyndaǵy tarıh jáne etnologııa ınstıtýtynyń ǵalym-hatshysy. 1992 jylǵy qańtardan - 1993 jylǵy tamyzǵa deıin - Qazaqstan Respýblıkasy Prezıdenti jáne Mınıstrler Kabıneti Apparaty Іshki saıasat bóliminiń referenti. 1993 jylǵy tamyzdan - 1994 jylǵy maýsymǵa deıin - Qazaqstan Respýblıkasy Prezıdenti Apparaty jáne Mınıstrler Kabınetiniń Aqparattyq-taldaý ortalyǵynyń sarapshysy, aǵa sarapshysy. 1994 jylǵy maýsymnan - 1995 jylǵy qarashaǵa deıin - Qazaqstan Respýblıkasy Prezıdenti Apparaty Aqparattyq-taldaý ortalyǵynyń aǵa sarapshysy, sektor meńgerýshisi. 1995 jylǵy qarashadan - 1996 jylǵy mamyrǵa deıin - Qazaqstan Respýblıkasy Prezıdenti Ákimshiligi Taldaý jáne strategııalyq zertteýler ortalyǵynyń sektor meńgerýshisi. 1996 jylǵy mamyrdan - 2002 jylǵy aqpanǵa deıin - Qazaqstan Respýblıkasy Memlekettik hatshynyń keńesshisi. 2002 jylǵy qyrkúıekten - 2004 jylǵy jeltoqsanǵa deıin - Qazaqstan Respýblıkasy Memlekettik hatshysy - Syrtqy ister mınıstriniń keńesshisi. 2004 jylǵy jeltoqsannan - 2008 jylǵy naýryzǵa deıin - Qazaqstan Respýblıkasy Prezıdenti Ákimshiligi Basshysy Hatshylyǵynyń meńgerýshisi. 2008 jylǵy naýryzdan - 2008 jylǵy sáýirge deıin - Qazaqstan Respýblıkasy Prezıdenti Ákimshiligi Іshki saıasat bóliminiń ınspektory. 2008 jylǵy sáýirden - 2010 jylǵy sáýirge deıin - Qazaqstan Respýblıkasy Prezıdenti Ákimshiligi Іshki saıasat bóliminiń sektor meńgerýshisi. 2010 jylǵy sáýirden - 2012 jylǵy qańtarǵa deıin - Qazaqstan Respýblıkasy Prezıdenti Ákimshiligi Іshki saıasat bólimi meńgerýshisiniń orynbasary.

2012 jylǵy qańtardan - qazirgi ýaqytqa deıin - Qazaqstan Respýblıkasy Prezıdenti Ákimshiligi Іshki saıasat bóliminiń meńgerýshisi.

«Qurmet» ordenimen jáne 5 medalmen marapattalǵan. Qazaqstan Respýblıkasy Prezıdentiniń Alǵysy jarııalandy (omyraý belgisi tapsyryldy).

62 jyl buryn (1950) Qazaqstan Respýblıkasynyń Saýd Arabııasy Koroldigindegi  Tótenshe jáne Ókiletti Elshisi Bahtııar Sardarbekuly TASYMOV dúnıege keldi.

2012 jyldyń 7 mamyrynda Memleket basshysy Nursultan Nazarbaevtyń Jarlyǵymen Bahtııar Tasymov Qazaqstan Respýblıkasynyń Kýveıt Memleketindegi, Bahreın Koroldigindegi Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.

47 jyl buryn (1965) Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi Memlekettik sáýlet-qurylys baqylaý, attestattaý jáne akkredıtteý departamentiniń dırektory -ÁBDRÁIІMOV Ǵalymjan Raıyluly dúnıege keldi.

Jambyl oblysynda týǵan. Jambyl gıdromelıoratıvti-qurylys ınstıtýtyn, «Turan» Ýnıversıtetin bitirgen.

Qazaqstan Respýblıkasy Indýstrııa jáne saýda mınıstrliginiń Qurylys jáne turǵyn úı-kommýnaldyq sharýashylyq isteri jónindegi komıteti Memlekettik sáýlet-qurylys baqylaý, akkredıtteý jáne attestattaý basqarmasynyń dırektory qyzmetin atqardy. Qazirgi qyzmetinde - 2009 jyldan.

71 jyl buryn (1941) akter, Qazaqstannyń halyq ártisi, KSRO Kınematografıster odaǵynyń múshesi, KSRO Memlekettik syılyǵynyń laýreaty YQTYMBAEV Nurjuman Baıjumanuly dúnıege keldi.

Taldyqorǵan oblysynyń Kerbulaq aýdanynda týǵan. Almaty mýzyka ýchılışesin, Panfılov pedagogıkalyq ýchılışesin jáne «Qazaqfılm» stýdııasy janyndaǵy akterlik stýdııany bitirgen. 1968 jyldan bastap «Qazaqfılm» stýdııasynyń kınoakteri.

Akter kınoda árqıly bolmysty, minezdi keıipkerler beınesin jasady, mysaly,  «Adamdar arasyndaǵy bóltiriktegi» tuıyq, qatań minezdi,«Stalınge syılyqtaǵy» jumsaq minezdi, biraq birbetkeı, al «Barlaýshydaǵy» qarapaıym, shyǵysqa tán danalyq kórinetin keıipkerler, t.b.  Akterdiń sońǵy jumystarynan frantsýz akteri J.Depardemen birlesip túsken «Kesh oıanǵan mahabbat» fılmin ataýǵa bolady. Akter anımatsııalyq lentalardy dybystaýǵa da qatysady. («Qadyrdyń baqyty», 2000).

Fılmografııa: 1966 - Mazasyz tań; 1967 - Artymyzda Máskeý; 1968 - Myń shaqyrymdyq jol; 1968 -Balalyq shaqqa saıahat; 1969 - Mánshúk  týraly án; 1969 - «Qyzyl tastar» shekarasynda; 1970 - Qyz Jibek ; 1970 - Atamannyń aqyry; 1971 - Ystyqkóldiń alqyzyl gúlderi
1971 -Meniń aǵam; 1971 - Jetinshi aspan; 1972 - Orman balladasy; 1972 - Shoq pen Sher; 1972 - Men - Han Táńiri; 1973 - Baıdyń jaýyz uly; 1974 - Eı baqtashylar!; 1975 - Tańdaý; 1976 - Haıýanattar baǵyndaǵy jaz (qysqa metrajdy); 1976 - Medaldyń úshinshi jaǵy; 1977 - Búrkittiń aqyrǵy jyly; 1977 - Tuz jáne nan (kınoalmanah), «Nan» fılmi; 1978 - Aı tutylǵan tún; 1978 -Balalyq shaǵymnyń Don-Kıhoty; 1978 - Qara taýdaǵy qazyna; 1979 - Nan dámi; 1980 - Bas konstrýktor; 1980 - Jaýshy; 1980 - Múmkin emes balalar; 1981 - Uly samoed; 1982 - Qyzyl otaý; 1982 - On úshinshi nemere; 1982 - Óris jıeginde; 1984 - Toǵyzynshy uldan saqtan; 1984 - Birinshi atty; 1984 - Birinshi; 1984 - Adam faktory; 1985 - Aýylym Kóktóbedeniń bókterinde; 1986 - Túrksib; 1986 - Mototsıkldegi adam; 1987 - Kámeletke kelgenderge arnalǵan asyrandy úı; 1987 - Sulý Aısulý týraly ertegi; 1987 - Jolaıyryq; 1988 - Adamdar arasyndaǵy bóltirik; 1989 - Qaýyshý; 1990 - Qarańǵylyq ámirshisi; 1992 - Ólim alqaby; 1993 - Allajar; 1993 - Shyńǵys han; 1996 - Jambyl; 1997 -Aqsýat; 1999 - Tyńdashy, jańbyr jaýyp tur ma?; 2003 - Sardar; 2004 -Tuzdy kól janyndaǵy úı; 2004 - Mylqaý qońyr salqyn; 2004 - Túngi barlaýshy - Zoar; 2004 - Qaladan kelgen qyz; 2004 - Ańshy; 2005 - Kúndizgi barlaýshy - Zoar; 2006 - Jol qaraýshynyń jazbalary; 2006 - Kúndizgi barlaýshy  (Reseı Kınoakademııasynyń «Altyn qyran» júldesi); 2006 - Taıaýdaǵy soǵys, Gollıvýd; 2008 - Stalınge syılyq; 2009 - Lave; 2009 -Seker; 2010 - Ana jumaǵy; 2010 -Kesh oıanǵan mahabbat.

Marapattar men syılyqtary: 1980 - KSRO Memlekettik syılyǵy («Nannyń dámi»). 2007 - «Jol qaraýshy» fılmindegi róli úshin «Adal júrek» kınofestıvaliniń Bas júldesi, 2009 - Sháken juldyzdary festıvali - eń úzdik akter. 2009 jyly Cheboksarydaǵy MKF - «Stalınge syılyq» fılmindegi «eń úzdik er róli úshin» syılyq. 2009 - Qasym róli úshin Búkilamerıkalyq  ónerdi qoldaý qaýymdastyǵynyń arnaıy júldesi («Stalınge syılyq»).

56 jyl buryn Aqmola oblysy ákiminiń orynbasary - ÁDІLBEKOV Dáýren Zekenuly dúnıege keldi. 1956 jyly 14 mamyrda Semeı oblysy Úrjar aýdanynyń Úrjar aýylynda týdy, qazaq. Ákesi - Ádilbekov Zeken Ýalhanuly, zeınetker, Almaty qalasy Almaly aýdandyq Ardagerler keńesiniń tóraǵasy. Anasy - Kókesheva Saharııa, zeınetker.

Novosibir elektrotehnıkalyq ınstıtýtyn (1979) ınjener-elektr mehanıgi mamandyǵy boıynsha; Halyq sharýashylyq akademııasyn (Máskeý, 1994) joǵary dárejeli menedjer mamandyǵy boıynsha bitirgen. Ekonomıka ǵylymdarynyń doktory (1997). Doktorlyq dıssertatsııasynyń taqyryby: «Іri qalalardyń tirshilik etýin qamtamasyz etý júıelerin úlgileý jáne ońtaılandyrý». QR BǴM Bilim jáne ǵylym salasyndaǵy baqylaý jónindegi komıtetiniń ekonomıka professory (2009 jyldan). «Kásiporyndy basqarýdaǵy ekonomıkalyq-matematıkalyq ádister» (1992), «Kompıýter óndirisi jáne qorshaǵan orta» (1993), «Qalanyń tirshilikpen qamtamasyz etýshi kommýnıkatsııalary» (1994) kitaptarynyń; 40-tan astam ǵylymı jarııalanymnyń avtory. Qazaq, orys jáne aǵylshyn (sózdikpen) tilderin biledi. «Nur Otan» HDP múshesi (2003 jyldan).

1974 jyldyń aqpanynan - Semeı oblysy Úrjar aýdanynyń «Baqty» keńsharynda slesar-elektrık. 1974 jyldyń qyrkúıeginen - Novosibir elektrotehnıkalyq ınstıtýtynyń stýdenti. 1979 jyldan - Almaty qalasynyń №1 trolleıbýs parkinde sheber, aǵa sheber, tseh bastyǵy. 1984 jyldan - Almaty qalalyq tramvaı deposynyń bas ınjeneri, dırektory. 1989 jyldan - Almaty qalasy Sovet aýdandyq atqarý komıteti tóraǵasynyń orynbasary. 1992 jyldan - Almaty  qalasy Sovet aýdandyq ákimshiligi basshysynyń birinshi orynbasary. 1994 jyldan - QR Joǵarǵy Keńesiniń depýtaty. 1995 jyldan - Qazaqstan Kásipkerlikti qoldaý jáne damytý ortalyǵy bas dırektorynyń birinshi orynbasary (Almaty). 1997 jyldyń naýryzynan - Kókshetaý ákiminiń birinshi orynbasary. 1997 jyldyń mamyrynan - Soltústik Qazaqstan oblystyq ekonomıka basqarmasynyń bastyǵy. 1997 jyldyń qarashasynan - QR Premer-Mınıstri Keńsesiniń saraptaý-taldaý bóliminiń sektor meńgerýshisi. 2004 jyldyń mamyrynan - Aqmola oblysy Kókshetaý qalasynyń ákimi. 2004 jyldyń qazanynan - Aqmola oblysy ákiminiń orynbasary. 2005 jyldan - Kókshetaý ekonomıka jáne menedjment ınstıtýty ekonomıka jáne menedjment kafedrasynyń professory. 2006 jyldan - «QTJ» UK» AQ «Temir jol jylý» AQ vıtse-prezıdenti (Kókshetaý). 2008 jyldyń naýryzynan - QR Qorshaǵan ortany qorǵaý mınıstrligi Esil ekologııa departamenti bastyǵynyń m.a. (Astana). 2008 jyldyń shildesinen - Kókshetaý ekonomıka jáne menedjment ınstıtýty ekonomıka jáne menedjment kafedrasynyń professory.

2008 jyldyń qazanynan beri - Aqmola obylysy ákiminiń orynbasary.

QR Joǵarǵy Keńesiniń 13-shi shaqyrylym depýtaty (1994-1995).«Qurmet» ordenimen (2010), «Astana» medalimen (1998) marapattalǵan. Áskerı ataǵy - podpolkovnık. Saıası qaıratker retindegi ıdealy -Abylaı han. Hobbıi - sport. Súıip oqıtyn ádebıeti - saıasat, tarıh. Úılengen. Jubaıy - Dáýrenbekova Botagóz Jumabekqyzy (1955 j.t.). Uly - Ádilbekov Damır Dáýrenuly (1981 j.t.).

54 jyl buryn (1958) «TsentrKredıtBank» AQ Dırektorlar keńesiniń Tóraǵasy - BAISEIІTOV Baqytbek Rymbekuly dúnıege keldi. Máskeý qarjy ınstıtýtynyń, Almaty halyq sharýashylyǵy ınstıtýtynyń túlegi. Eńbek jolyn 1981 jyly KSRO Memlekettik bankiniń Respýblıkalyq bólimshesinde bastady. Baıseıitov 1988 jyly banktiń negizin qalaǵan. 1993 jyldan bastap Banktiń Dırektorlar keńesiniń Tóraǵasy laýazymyn atqaryp keledi.

60 jyl buryn (1952) «Qazaqstan» Respýblıkalyq teleradıokorporatsııasy Basqarma tóraıymynyń keńesshisi Nurtileý IMANǴALIULY dúnıege keldi.

1977 jyly QazMUÝ-di bitirgen. Qazaq televızııasynda tilshi, redaktor, aǵa redaktor, kommentator, bas redaktor, saıası sholýshy, dırektordyń orynbasary, «Habar» agenttiginde moderator-júrgizýshi, odan keıin Úkimet keńsesinde sektor meńgerýshisi, Prezıdent Ákimshiliginde bas maman bolyp istegen. Korrýptsııaǵa qarsy kúres jónindegi memlekettik komıssııasynyń múshesi. «Qazaqstan» RTRK AQ Basqarma Tóraǵasy qyzmetin atqarǵan. N.Imanǵalıuly telejýrnalıstıkadan aınymaǵan tulǵa. Ǵumyrynyń 35 jylyn televızııaǵa arnaǵan. Alǵashqy habarynyń biri «Jadyńda ma, joldas?!». Sodan beri talaıdyń sanasyn qozǵaǵan, saıası-áleýmettik salmaǵymen, ásirese shynshyldyǵymen telekórermenniń esinde saqtalǵan baǵdarlamalary: «Jas jiger», «Kózqaras», «Altybaqan», «Aına», «Zań men zaman», «Aqıqat pen ańyz», «Dıdar», «Jastar daýysy», «Araı», «Kókpar», «Oı-kókpar», «Betpe-bet», «Din men dil», «Arnaıy reportaj», «Dińgek», «Qoltańba» t.b. Qazaqstan Jýrnalıster odaǵy syılyǵynyń eki márte laýreaty, «Altyn Juldyz» syılyǵynyń ıegeri, QR mádenıetine eńbegi sińgen qaıratker, Qazaq Ulttyq Óner akademııasynyń kurmetti professory, Aqsý aýdanynyń «Qurmetti Azamaty».

50 jyl buryn (1962) S.Seıfýllın atyndaǵy Qazaq agrotehnıkalyq ýnıversıtetiniń birinshi prorektory, pedagogıka ǵylymdarynyń doktory, tehnıka ǵylymdarynyń kandıdaty, professor, QPǴA akademıgi - ÁBDІROV Aıtjan Muhamedjanuly dúnıege keldi.  

Ýnıversıtette 1984 jyldan, aýyl sharýashylyǵyn mehanıkalandyrý fakýltetin támámdaǵannan beri qyzmet etip keledi. 140-tan astam ǵylymı eńbektiń, sonyń ishinde 5 elektrondy oqýlyq, 5 oqý quraly, 9 avtorlyq kýálik pen ónertabys patenti jáne 3 ıntellektýaldy menshik kýáliginiń avtory. Magısterlik daıyndyq júrgizedi jáne izdenýshilerdiń ǵylymı jetekshisi bolyp tabylady. «Qazaqstan Respýblıkasy bilim berý salasynyń qurmetti qyzmetkeri» tós belgisimen, Qazaqstan Respýblıkasy Prezıdentiniń alǵyshatymen, Qazaqstan Respýblıkasy Aýyl sharýashylyǵy mınıstrliginiń qurmet gramotasymen, «Astananyń 10 jyldyǵy» mereıtoılyq medali jáne «Akademık A.I.Baraevtyń týǵanyna 100 jyl» medalimen, «Qazaqstan Respýblıkasy qurmet gramotasymen» marapattalǵan.

50 jyl buryn ánshi, Qazaqstannyń eńbek sińirgen qaıratkeri, telejúrgizýshi,  memlekettik «Gúlder» ansambliniń dırektory Jeńis SEIDOLLA dúnıege keldi.