14 mamyrda elimizdiń 16 óńirinde aýa raıyna qatysty eskertý jasaldy
ASTANA. KAZINFORM — Qazaqstannyń basym bóliginde aýa raıyna baılanysty eskertý jarııalandy, dep habarlaıdy «Qazgıdromet» RMK baspasóz qyzmeti.
Aqmola oblysy aýmaǵynda túnde jáne tańerteń tuman túsip, keı jerlerde 2 gradýsqa deıin úsik júredi dep kútiledi. Óńirdiń ońtústik-shyǵysynda joǵary órt qaýpi saqtalady.
Jetisý oblysy aýmaǵyndaǵy Alakól kólderi mańynda jeldiń ekpini 15-20 m/s-qa deıin jetedi. Taýly aýdandarda túnde 2 gradýs úsik bolýy múmkin. Oblystyń ońtústik-shyǵysynda tótenshe órt qaýpi saqtalady.
Qyzylorda oblysynyń ortalyǵy, soltústigi jáne ońtústiginde kúndiz shańdy daýyl kútiledi. Jeldiń jyldamdyǵy keı jerlerde 23 m/s-qa deıin kúsheıedi. Óńirde joǵary jáne tótenshe órt qaýpi saqtalady.
Ulytaý oblysy aýmaǵynda soltústik-shyǵystan jáne shyǵystan jel soǵady. Kúndiz oblystyń soltústigi men ortalyǵynda jel ekpini 15 m/s-qa deıin jetedi. Óńirde joǵary órt qaýpi saqtalady.
Batys Qazaqstan oblysynyń batysy men ońtústiginde jańbyr jaýyp, naızaǵaı oınaıdy. Keı jerlerde jeldiń ekpini 15-20 m/s bolady.
Pavlodar oblysynyń shyǵysynda kúndiz jańbyr jaýyp, naızaǵaı kútiledi. Túnde jáne tańerteń oblystyń shyǵysy men ońtústiginde tuman bolady. Soltústik-shyǵystan soǵatyn jeldiń ekpini kúndiz oblystyń shyǵysynda, batysynda jáne ońtústiginde 18 m/s-qa deıin jetedi. Túnde oblystyń soltústigi men shyǵysynda 3 gradýsqa deıin úsik júredi. Batysynda, ońtústiginde jáne shyǵysynda joǵary órt qaýpi saqtalady.
Qaraǵandy oblysynyń soltústigi men shyǵysynda túnde jáne tańerteń tuman kútiledi. Túnde oblystyń soltústigi men shyǵysynda 1 gradýsqa deıin úsik júredi. Óńirdiń batysynda, soltústiginde jáne ońtústiginde joǵary órt qaýpi saqtalady.
Almaty oblysynyń batysynda joǵary órt qaýpi saqtalady.
Aqtóbe oblysynyń aýmaǵynda ońtústik-shyǵystan soǵatyn jel kútiledi. Kúndiz oblystyń batysynda, ońtústiginde jáne soltústiginde jel ekpini 15–20 m/s-qa deıin jetedi. Ońtústiginde joǵary órt qaýpi saqtalady, al ońtústik-shyǵysynda tótenshe órt qaýpi kútiledi.
Atyraý oblysynyń aýmaǵynda shańdy daýyl soǵyp, jeldiń ekpini 15-20 m/s-qa jetedi.
Soltústik Qazaqstan oblysynyń batysy men soltústiginde naızaǵaı kútiledi. Túnde jáne tańerteń oblystyń batysynda tuman bolady. Ońtústik-shyǵystan soǵatyn jel kúndiz batys jáne soltústik bólikterde 15–20 m/s-qa deıin kúsheıedi. Túnde oblystyń shyǵysynda 1 gradýsqa deıin úsik kútiledi.
Shyǵys Qazaqstan oblysynda túnde jaýyn-shashyn (jańbyr, qar) bolady. Kúndiz oblystyń soltústigi men shyǵysynda keı jerlerde qatty jaýyn-shashyn (jańbyr, qar) kútiledi. Túnde jáne tańerteń soltústiginde tuman túsedi. Batystan jáne soltústik-batystan soǵatyn jel kúndiz oblystyń batysynda, soltústiginde jáne ońtústiginde 15–20 m/s-qa deıin kúsheıedi. Túnde soltústigi men shyǵysynda 3 gradýsqa deıin úsik kútiledi. Ortalyǵynda joǵary órt qaýpi saqtalady.
Abaı oblysynda túnde oblystyń soltústiginde, shyǵysynda jáne ortalyǵynda negizinen jańbyr túrinde jaýyn-shashyn kútiledi. Túnde jáne tańerteń soltústiginde tuman túsedi. Soltústik-batys jáne soltústik baǵyttaǵy jel kúndiz batysta, soltústikte jáne ortalyqta 15–20 m/s-qa deıin kúsheıedi. Túnde batysynda 2 gradýsqa deıin úsik kútiledi. Shyǵysynda joǵary órt qaýpi saqtalady.
Mańǵystaý oblysynyń batysynda, ońtústiginde jáne ortalyǵynda azdaǵan jańbyr men naızaǵaı kútiledi. Soltústigi men ońtústiginde shańdy daýyl bolýy múmkin. Ońtústik-shyǵystan soǵatyn jel oblystyń soltústiginde, ońtústiginde jáne ortalyǵynda 15–20 m/s-qa deıin kúsheıedi. Soltústik-shyǵysynda joǵary órt qaýpi saqtalady.
Jambyl oblysynyń taýly aımaqtarynda tuman kútiledi. Soltústik-shyǵystan soǵatyn jel ońtústik-batysta, soltústik-shyǵysta jáne taýly jerlerde 15–20 m/s, keı jerlerde 25 m/s-qa deıin jetedi. Batysynda joǵary órt qaýpi saqtalady.
Qostanaı oblysynyń soltústigi men shyǵysynda túnde jáne tańerteń tuman bolady.
Budan buryn Almatyda jáne taǵy bes qalada aýa sapasy tómendeıtinin jazǵanbyz.
