14 mamyr. Kazinform kúntizbesi. Tulǵalar týǵan kún

ESІMDER

85 jyl buryn (1941) belgili akter, Qazaqstan Respýblıkasynyń halyq ártisi, KSRO Memlekettik syılyǵynyń laýreaty, Gollıvýdta kınoǵa túsken alǵashqy qazaqstandyq akter Nurjuman Baıjumanuly YQTYMBAEV dúnıege keldi.

Almaty oblysy Kerbulaq aýdanynda týǵan. Almaty mýzyka ýchılışesin, Panfılov pedagogıkalyq ýchılışesin jáne «Qazaqfılm» stýdııasy janyndaǵy akterlik stýdııany bitirgen, Qazaq Memlekettik pedagogıkalyq ınstıtýtyn támamdaǵan.

Kınodaǵy mansaby kezdeısoq bastalǵan. Bolashaq kınoakterdiń aýylyna kelgen «Mazasyz tań» fılminiń túsirý toby ony fılmge túsirýge shaqyrady. 1968 jyldan «Qazaqfılm» kınostýdııasynyń akteri.

Akter kınoda árqıly bolmysty, minezdi keıipkerler beınesin jasady, mysaly, «Adamdar arasyndaǵy bóltiriktegi» tuıyq, qatań minezdi, «Stalınge syılyqtaǵy» jumsaq minezdi, biraq birbetkeı, al «Barlaýshydaǵy» qarapaıym, shyǵysqa tán danalyq kórinetin keıipkerler, taǵy basqalar.

Akterdiń sońǵy jumystarynan frantsýz akteri J.Depardemen birge túsken «Kesh oıanǵan mahabbat» fılmin ataýǵa bolady.

Akter anımatsııalyq lentalardy dybystaýǵa da qatysady («Qadyrdyń baqyty», 2000).

2007 jyly «Jol qaraýshy» fılmindegi roli úshin «Adal júrek» kınofestıvalinde bas júldeni, 2009 jyly «Sháken juldyzdary» festıvaliniń eń úzdik akteri, 2009 jyly Cheboksarydaǵy MKF — «Stalınge syılyq», «eń úzdik er adam roli úshin» syılyǵyn, Qasym roli úshin Búkilamerıkalyq ónerdi qoldaý qaýymdastyǵynyń arnaıy júldesine («Stalınge syılyq») ıe bolǵan.

68 jyl buryn (1958) «Bank TsentrKredıt» AQ Dırektorlar keńesiniń tóraǵasy Baqytbek Rymbekuly BAISEIІTOV dúnıege keldi.

Almaty qalasynda týǵan. 1979 jyly Máskeý qarjy ınstıtýtyn, 1981 jyly Almaty halyq sharýashylyǵy ınstıtýtyn, 1986 jyly Almaty halyq sharýashylyǵy ınstıtýtynda «Aqsha aınalymy men nesıe» kafedrasynyń aspırantýrasyn, 1987 jyly Plehanov atyndaǵy Máskeý halyq sharýashylyǵy ınstıtýtyn bitirgen.

Eńbek joly: 1979-1980 jyldary KSRO Memlekettik bankiniń Almaty oblystyq kontorasynyń ekonomısi, 1981-1987 jyldary KSRO Memlekettik bankiniń Qazaq respýblıkalyq kontorasynyń aǵa ekonomısi, Bólim bastyǵy, Basqarma bastyǵynyń orynbasary, 1988 jyly KSRO Turǵyn úı áleýmettik bankiniń Qazaq respýblıkalyq kontorasynyń Basqarma bastyǵy, Basqarma múshesi, 1988-1991 jyldary «Tsentrbank» Almaty ortalyq kooperatıvtik bankiniń Basqarma Tóraǵasy, 1991-1997 jyldary «Tsentrbank» Qazaq ortalyq aktsıonerlik bankiniń Basqarma Tóraǵasy, Dırektorlar keńesiniń Tóraǵasy, 1993-2004 jyldary «Qazaqstan ınternatsıonaldyq banki» JAQ Qadaǵalaý keńesiniń Tóraǵasy laýazymyn atqarǵan. 1993 jyldan bastap – «Tsentrbank» Qazaq ortalyq aktsıonerlik banki Baqylaý keńesiniń tóraǵasy (1997 jyldan bastap – «BankTsentrKredıt» AQ) qyzmetinde. 1997 jyldan bastap qazirgi ýaqytqa deıin «Bank TsentrKredıt» AQ Baqylaý komıtetiniń Tóraǵasy, QR bankteri qaýymdastyǵynyń Dırektorlar keńesiniń Tóraǵasy, «Bank TsKB-Máskeý» JShQ Prezıdenti, Dırektorlar keńesiniń Tóraǵasy.

64 jyl buryn (1962) kompozıtor, ánshi, dırıjer, mýzykalyq prodıýser, Qazaqstan Respýblıkasynyń eńbek sińirgen qaıratkeri Jeńis SEIDÝLLAULY dúnıege kelgen.

Qyzylorda oblysynda týǵan.

Eńbek joly: 1984-1987 jyldary «Gúlder» memlekettik ansambliniń orkestr ártisi, 1989-1994 jyldary Súıinbaı atyndaǵy Almaty oblystyq fılarmonııa orkestriniń ártisi, 1994-1997 jyldary «Gúlder» memlekettik ansambliniń bas dırıjeri, 1998-2004 jyldary Súıinbaı atyndaǵy Almaty oblystyq fılarmonııasynyń ánshisi jáne uıymdastyrýshysy, 2005 jyly «Otan» Respýblıkalyq saıası partııasynyń Ortalyq apparatynda «Ideologııa» bólimi meńgerýshisiniń orynbasary qyzmetin atqarǵan. 2006-2013 jyldary «Qazaq áýenderi» AQ fılıaly «Gúlder» ansambliniń dırektory, 2013 jyly «Qazaq áýenderi» AQ Almaty qalasyndaǵy Aımaqtyq dırektory, 2013-2014 jyldary T.Júrgenov atyndaǵy Qazaq Ulttyq óner akademııasynda shyǵarmashylyq jumystar jáne syrtqy baılanystar jónindegi prorektory, 2014 jyly «J.Elebekov atyndaǵy Respýblıkalyq estrada-tsırk kolledji» RMQK dırektory, 2016-2018 jyldary Jambyl atyndaǵy Qazaq memlekettik fılarmonııasynyń dırektory laýazymyn atqarǵan. 2018 jyldyń aqpan aıynan bastap «Qazaqkontsert» memlekettik kontserttik uıymynyń dırektory bolyp eńbek etýde.

Qazaqstannyń eńbek sińirgen qaıratkeri (2006), «Qurmet» ordeniniń ıegeri (2015). «Qarmaqshy aýdanynyń qurmetti azamaty» (2007), «Almaty oblysy Qaratal aýdanynyń qurmetti azamaty» (2015).

«Qazaqstan Respýblıkasynyń Táýelsizdigine 20 jyl» (2011), «Qazaqstan Konstıtýtsııasyna 20 jyl» (2015), «Astana 20 jyl» (2018) merekelik medaldarymen marapattalǵan.

46 jyl buryn (1980) Almaty oblysy polıtsııa departamenti bastyǵynyń tergeý jumystary jónindegi orynbasary Rýstam Turalyuly ÁBDІRAHMANOV dúnıege keldi.

2001 jyly Qazaq memlekettik zań akademııasyn, 2009 jyly Qazaq Eńbek jáne áleýmettik qatynastar akademııasyn, 2011 jyly B.Beısenov atyndaǵy QR ІІM Qaraǵandy akademııasyn, 2016 jyly D.Qonaev atyndaǵy Kólik jáne quqyq gýmanıtarlyq ýnıversıtetin, 2018 jyly Reseı Federatsııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn MVA baǵdarlamasy boıynsha bitirdi.

Eńbek joly: 2002-2010 jyldary Almaty qalasy Іshki ister bólinisterinde tergeýshiden basqarma bastyǵyna deıin qyzmet ótkerdi. 2010-2011 jyldary QR ІІM B.Beısenov atyndaǵy Qaraǵandy akademııasynyń joǵary oqý ornynan keıingi bilim berý ınstıtýtynyń magıstranty (birinshi fakýlteti), QR ІІM M.Esbolatov atyndaǵy Almaty akademııasynyń esirtki bıznesine qarsy kúres jónindegi vedomstvoaralyq oqý ortalyǵynyń bastyǵy, 2011-2013 jyldary Almaty qalasy Іshki ister departamenti Tergeý basqarmasynyń múliktik qylmystardy tergeý bóliminiń bastyǵy, 2013-2014 jyldary QR ІІM Tergeý komıteti áskerı-tergeý basqarmasy bastyǵynyń orynbasary, 2014-2024 jyldary Almaty qalasy jáne Almaty oblysynda basqarma bastyǵynan departament bastyǵynyń orynbasaryna deıingi laýazymdarda qyzmet atqarǵan. 2024-2025 jyldary QR Іshki ister mınıstrligi Jedel-krımınalıstıkalyq departamentiniń bastyǵy laýazymyn atqardy.

Qazirgi qyzmetin atqarýǵa 2025 jylǵy qyrkúıek aıynda kiristi.

«QR ІІM eńbegi sińgen qyzmetkeri», «Іshki áskerler qyzmetiniń úzdigi», «Qazaqstan polıtsııasyna 30 jyl» tósbelgilerimen. І, ІІ jáne ІІІ dárejeli «Іshki ister organdaryndaǵy minsiz qyzmeti úshin», «Quqyq tártibin qamtamasyz etýge qosqan úlesi úshin», «Tergeý qyzmetine 60 jyl» medaldarymen marapattalǵan.

41 jyl buryn (1985) Qostanaı oblysy tótenshe jaǵdaılar departamenti bastyǵynyń ýaqytsha mindetin atqarýshy Nazaralı Gadjımagomedovıch SELIMOV dúnıege keldi.

Reseı Federatsııasynda týǵan, balalyq jáne jastyq shaǵy Mańǵystaý oblysynda ótti.

2007 jyly QR TJM Kókshetaý tehnıkalyq ınstıtýtyn «Órt qaýipsizdigi» mamandyǵy boıynsha aıaqtaǵan.

Azamattyq qorǵaý júıesinde basshylyq qyzmette úlken tájirıbesi bar. Eldiń birneshe óńirinde jaýapty laýazymdardy atqarǵan. Mańǵystaý, Batys Qazaqstan, Atyraý oblystary men Astana qalasyndaǵy TJM aýmaqtyq bólimshelerinde basshylyq qyzmetter atqarǵan. 2025 jyly Atyraý oblysy TJD bastyǵynyń birinshi orynbasary qyzmetinde boldy.