14 qyrkúıek kúni respýblıkanyń basym bóliginde jańbyr jaýyp, jel kúsheıedi
ASTANA. QazAqparat - 14 qyrkúıek kúni respýblıkanyń kóptegen bólikterinde atmosferalyq fronttardyń ótýine baılanysty jańbyr jaýady, respýblıka ortalyǵynyń keı jerlerinde jaýyn-shashyn bolyp, jel kúsheıedi. Ońtústiginde, batysynda, soltústik-batysynda aýa raıy jaýyn-shashynsyz bolady, dep habarlaıdy Qazgıdromet.
Qostanaı, Pavlodar oblystarynda, túnde Almaty oblysynda, kúndiz Soltústik Qazaqstan oblysynyń keı jerlerinde jel 15-20 m/s kúsheıedi. Túnde Mańǵystaý oblysynyń keı jerlerinde naızaǵaı oınaıdy, jel 15-20 m/s kúsheıedi. Batys Qazaqstan, Aqtóbe oblysynyń keı jerlerinde tuman kútiledi. Qyzylorda oblysynda, Ońtústik Qazaqstan, Jambyl, Batys Qazaqstan, Qaraǵandy, Qostanaı oblystarynyń keı jerlerinde óte joǵary órt qaýpi saqtalady.
