14 qyrkúıek kúngi aýa raıy boljamy
NUR-SULTAN. QazAqparat – 14 qyrkúıek kúni elimizdiń barlyq aýmaǵynda jaýyn-shashynsyz jyly aýa raıy kútiledi. Alaıda, kezekti tsıklonnyń jyrasy Batys Qazaqstan oblysyna yqpal ete bastaıdy, óńirdiń keı jerlerinde naızaǵaı, jańbyr, ekpindi jel boljanady. Respýblıkanyń soltústik-batysy men qıyr soltústiginde túńgi jáne tańǵy saǵattarda tuman bolady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Batys Qazaqstan oblysynyń keı jerlerinde kúndiz naızaǵaı oınap, jeldiń kúshi 15-20 m/s artady.
Qyzylorda oblysynyń kúndiz keı jerlerinde jel 15-20 m/s kúsheıedi.
Qostanaı, Soltústiq Qazaqstan oblystarynda túnde jáne tańerteń keı jerlerde tuman boljanady.
Sondaı-aq Qyzylorda oblysynyń basym bóliginde, Qaraǵandy, Túrkistan oblystarynyń keı jerlerinde, Atyraý oblysynyń ońtústiginde, Almaty oblysynyń batysynda tótenshe órt qaýpi saqtalady.
