Álemdik munaı baǵasy qaıtadan ósti
ALMATY. KAZINFORM — Apta álemdik energetıka naryǵynda baǵanyń ósýimen bastaldy.
Brent markaly munaı fıýchersteri 2,69% ósip, barreli 107,42 dollarǵa jetti.
Amerıkalyq WTI munaıynyń baǵasy 2,73% ósip, barreli 102,78 dollar boldy.
Reseılik Urals markaly munaıy aıtarlyqtaı qymbattap, barreli 103,70 dollarǵa teń boldy.
Munaı baǵasynyń ósýiniń negizgi sebebi — Saýd Arabııasyndaǵy strategııalyq mańyzdy Shyǵys-Batys qubyrynyń toqtatylýy. Er-Rııad pen Medına aımaqtaryndaǵy shabýyldardan keıin táýligine shamamen 7 mıllıon barrel ótkizý qabileti bar qubyrdy jabý týraly sheshim qabyldandy.
Buryn Brent markaly munaıdyń baǵasy barreline 100 dollardan asyp, aptany kúrt óskeni týraly habarlanǵan edi.
Sonymen qatar prezıdent Masýd Pezeshkıan AQSh-tyń blokadasy men shabýyldary toqtaǵan jaǵdaıda Iran Ormýz buǵazyn ashýǵa daıyn ekenin málimdedi.
