14 qazanda Qazaqstannyń basym bóliginde jaýyn jaýady
ASTANA. QazAqparat - Búgin Qazaqstannyń basym bóliginde aýa raıy qubylmaly bolyp, jaýyn-shashyn kútiledi, tek respýblıkanyń ońtústik-batysynda jańbyr jaýmaıdy, dep habarlaıdy Qazgıdromet.
Qyzylorda oblysynyń keı jerlerinde tuman túsedi, jeldiń jyldamdyǵy túnde 15-20 m/s, kúndiz 15-20, keı jerlerde 23-28, ekpini 30 m/s-ǵa deıin kúsheıedi.
Jambyl, Túrkistan oblystarynyń keı jerlerinde tuman kútiledi, jeldiń jyldamdyǵy 15-20, ekpini 23-28 m/s; Jambyl oblysynyń ońtústik-batysynda 30 m/s jáne odan da asady.
Pavlodar oblysynyń basym bóliginde jeldiń jyldamdyǵy 15-20, keı jerlerde 23-28 m/s-ǵa jetedi, keı jerlerde tuman kútiledi.
Qaraǵandy, Qostanaı, Soltústik Qazaqstan oblystarynyń keı jerlerinde tuman kútiledi, jeldiń jyldamdyǵy 15-20 m/s, Qaraǵandy oblysynda keı ýaqyttarda epkini 25 m/s jetedi.
Aqmola, Shyǵys Qazakstan oblystarynyń keı jerlerinde jeldiń jyldamdyǵy 15-20, ekpini 23-28 m/s-ǵa deıin kúsheıedi.
Mańǵystaý oblysynyń keı jerlerinde túnde jáne tańerteń tuman túsip, kúndiz jeldiń jyldamdyǵy 15-20 m/s-ǵa deıin kúsheıedi.
Batys Qazaqstan, Aqtobe, kúndiz Almaty oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
