14 qazan. Týǵan kún ıeleri.
ESІMDER
102 jyl buryn (1916-1997) aqyn, Qazaqstannyń halyq jazýshysy, Qazaqstan Memlekettik syılyǵynyń laýreaty Hamıt ERǴALIEV dúnıege keldi.
Atyraý oblysynyń Mahambet aýdanynda týǵan. Qazaq memlekettik ýnıversıtetin bitirgen. Uly Otan soǵysyna qatysqan. 1945-1950 jyldary - «Sotsıalıstik Qazaqstan» (qazirgi «Egemen Qazaqstan») gazetiniń ádebı qyzmetkeri. 1950-1957 jyldary - Qazaqstan Jazýshylar odaǵy poezııa sektsııasynyń meńgerýshisi. 1958-1959 jyldary Qazaqstan memlekettik ádebıet baspasy poezııa sektsııasynyń meńgerýshisi bolǵan. Aqynnyń 30-ǵa tarta jyr jınaǵy, «Áke syry», «Úlken joldyń ústinde», «Bizdiń aýyldyń qyzy», «Qurmanǵazy», «Kúı dastan», «Jyldar, jyldar» atty poemalary bar. Aqyn poezııasynda Azamat soǵysynyń otty jyldary, ýkraın halqynyń uly aqyny T.Shevchenko taǵdyry, akademık, kompozıtor A.Jubanov beınesi, dáýirimizdiń basqa da ózekti máseleleri kórkem beınelengen. Sonymen qatar onyń qalamynan týǵan áńgimeler men estelikter, ádebı maqalalar men esseler de bar. Ol D.Baıronnyń, P.Nerýdanyń, N.Hıkmettiń, A.Pýshkınniń, M.Lermontovtyń, A.Nekrasovtyń, V.Maıakovskııdiń, R.Ǵamzatovtyń, A.Sýrkovtyń keıbir poezııalyq týyndylaryn, Shekspır sonetterin qazaq tiline aýdarǵan. Qyrǵyz halqynyń «Manas», qaraqalpaq halqynyń «Qyryq qyz» epostaryn qazaq tiline tárjimalaýǵa at salysqan. Aqynnyń óz shyǵarmalary da birqatar shet el tilderine aýdarylǵan.
Eki márte Eńbek Qyzyl Tý, «Qurmet belgisi», І, ІІ dárejeli Otan soǵysy ordenderimen, medaldarmen marapattalǵan.
71 jyl buryn (1947) «KAZENERGY» qaýymdastyǵy tóraǵasynyń orynbasary, Qazaqstannyń Eńbek Eri Uzaqbaı Súleımenuly QARABALIN dúnıege keldi.
Atyraý oblysy Embi aýdany Qosshaǵyl kentinde týǵan. 1970 jyly I.M. Gýbkın atyndaǵy Máskeý munaı-hımııa jáne gaz ónerkásibi ınstıtýtyn «Munaı men gaz kenishterin ıgerýdiń keshendi mehanızatsııasy jáne tehnologııasy» mamandyǵy boıynsha bitirdi.
Eńbek joly: 1973 jyldan - «Qazmunaıgazbarlaý» basqarmasy Ońtústik Embi munaı-gaz barlaý ekspedıtsııasynyń ınjener-tehnology, 1974 jyldan - Qazaq ǵylymı-zertteý geologııalyq barlaý munaı ınstıtýtynyń shaıylmaly eritindiler, burǵylaý tehnologııasy zerthanasynyń meńgerýshisi, 1981 jyldan - Qazaq ǵylymı-zertteý geologııalyq barlaý munaı ınstıtýty dırektorynyń ǵylymı jumys jónindegi orynbasary, 1988 jyldan - «Kaspıımańygeologııa» Bas aýmaqtyq basqarmasy tereńdeı burǵylaý basqarmasynyń bastyǵy, 1990 jyldan - V.I. Lenın atyndaǵy Qazaq polıtehnıkalyq ınstıtýtynyń Gýrev fılıalynyń kafedra meńgerýshisi, 1991 jyldan - QR Prezıdenti Apparatynyń jáne QR Mınıstrler kabınetiniń ónerkásip bóliminiń aǵa referenti, 1992 jyldan - QR Energetıka jáne otyn resýrstary mınıstrliginiń munaı jáne gaz bas basqarmasynyń bastyǵy, 1994 jyldan - QR Energetıka jáne otyn resýrstary mınıstriniń, QR Munaı jáne gaz ónerkásibi mınıstriniń orynbasary, 1997 jyldan - «Qazaqoıl» UMK birinshi vıtse-prezıdenti, 2000 jyldan - «QazTransGaz» JAQ prezıdenti, 2001 jyldan - QR Energetıka jáne mıneraldy resýrstar vıtse-mınıstri, 2003 jyldan - «QazMunaıGaz» Ulttyq kompanııasy» AQ prezıdenti, 2008 jyldan - «MańǵystaýMunaıGaz» AQ bas dırektory, 2013 jyldan - QR Munaı jáne gaz mınıstri. 2014 jylǵy tamyz aıynan QR Energetıka mınıstriniń birinshi orynbasary. 2016 jyldyń naýryzynan «KAZENERGY» qaýymdastyǵy tóraǵasynyń orynbasary.
54 jyl buryn (1964) jazýshy, dramatýrg Roza MUQANOVA dúnıege keldi.
Shyǵys Qazaqstan oblysy Úrjar aýdanynda týǵan.
Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti) jýrnalıstıka fakýltetin bitirgen.
Ortalyq murajaıdyń Ádebıet jáne óner bóliminde, Qazaqstan Jazýshylar odaǵynyń Aýdarma alqasynyń aǵa redaktory, QR Aqparat mınıstrliginiń jaýapty qyzmetkeri bolǵan.
«Jaryq dúnıe», «Qyz jylaǵan», «Dúnıe kezek», «Qudiret-Kıe», «Máńgilik bala beıne» áńgimeleri men dramalyq shyǵarmalardyń avtory. 2001 jyly Rabǵuzıdiń «Qıssa-súl-Ánbıı-ıa» kitabyn qazaq tiline tárjimalaǵan.
1996 jyly M.Áýezov atyndaǵy Qazaq memlekettik akademııalyq drama teatrynda «Máńgilik bala beıne» pesasy qoıyldy. 1997 jyly Ǵ.Músirepov atyndaǵy memlekettik akademııalyq jastar men balalar teatrynda M.Áýezovtiń «Qaraly sulý» áńgimesiniń jelisinde jazylǵan dramalyq qoıylymy sahnalandy. 2001 jyly Sh.Aımanov atyndaǵy «Qazaqfılm» kınostýdııasy «Qyz jylaǵan» áńgimesiniń jelisimen kıno túsirdi.
Qazaqstan Jastar odaǵy syılyǵynyń, «Jalyn» jýrnalynyń T.Aıbergenov atyndaǵy syılyǵynyń, Halyqaralyq «Alash» ádebı syılyǵynyń laýreaty.
52 jyl buryn (1966) Pavlodar oblysy Pavlodar aýdanynyń ákimi Aleksandr Vıtalevıch BABENKO dúnıege keldi.
Pavlodar oblysynda týǵan. 1987 jyly KSRO ІІM Qaraǵandy joǵary mektebin támamdady.
2005-2007 jyldary Máskeý qalasynda RF Úkimetiniń janyndaǵy Halyq sharýashylyǵy akademııasynda MVA baǵdarlamasy boıynsha bilim aldy. 2007 jyly «Quqyqtaný» mamandyǵy boıynsha kandıdattyq dıssertatsııa qorǵady. Eńbek jolyn 1983 jyly Qazaqstan Respýblıkasynyń ІІM bastap, onda 1992 jylǵa deıin jumys istedi. 1992-1994 jyldary jeke bıznespen aınalysty; 1994-2004 jyldary - «Tokkata» JShS quryltaıshysy, bas dırektory, baıqaý keńesiniń tóraǵasy; 2014 jylǵy sáýir-maýsym - Pavlodar oblysy kásipkerlik, saýda jáne týrızm basqarmasy basshysynyń orynbasary; 2014-2015 jyldary - Pavlodar oblysy kásipkerlik, saýda jáne týrızm basqarmasynyń basshysy; 2015 jylǵy mamyrdan qazirgi qyzmetinde.
46 jyl buryn (1972) Qazaqstan Respýblıkasy Qoǵamdyq damý mınıstri Darhan Amanuly KÁLETAEV dúnıege keldi.
Shyǵys Qazaqstan oblysy Tarbaǵataı aýdany Tuǵyl (Prıozernoe) kentinde týǵan. 1994 jyly Shyǵys Qazaqstan memlekettik ýnıversıtetin tarıhshy mamandyǵy boıynsha bitirdi. 1996-1997 jyly QR Prezıdenti janyndaǵy Memlekettik basqarý ulttyq joǵary mektebin bitirgen.
1995 jyly Qazaqstan Respýblıkasy Mınıstrler Kabınetiniń Tilder komıtetiniń jetekshi mamany, 1 sanattaǵy maman; 1995-1996 jyldary Qazaqstan Respýblıkasynyń ulttyq saıasat jóninde memlekettik komıtettiń bas mamany, jetekshi maman; 05.1997-11.1997 jyldary Qazaqstan Respýblıkasy Bilim jáne mádenıet mınıstrligi Til saıasatyn úılestirý departamentiniń basqarma basshysynyń orynbasary; 1997-2001 jyldary Qazaqstan Respýblıkasy Aqparat jáne qoǵamdyq kelisim mınıstrligi Іshki saıasat departamenti Jastar saıasaty bóliminiń basshysy; 2001-2002 jyldary Qazaqstan Respýblıkasy Mádenıet, aqparat jáne qoǵamdyq kelisim mınıstrligi Іshki saıasat departamenti basshysynyń orynbasary; 02.2002-11.2002 jyly Qazaqstan Respýblıkasy Mádenıet, aqparat jáne qoǵamdyq kelisim mınıstrligi Jastar isi jónindegi departament basshysy; 2002-2004 jyldary Qazaqstan Respýblıkasy Prezıdent Ákimshiligi ishki saıasat sektorynyń meńgerýshisi, bólim basshysy; 2004-2005 jyldary Qazaqstan Respýblıkasy Prezıdent Ákimshiligi Іshki saıasat basqarmasy áleýmettik-saıası bóliminiń meńgerýshisi; 2005-2006 jyldary Qazaqstan Respýblıkasy Prezıdent Ákimshiligi áleýmettik-saıası bólimniń meńgerýshisi; 2006-2007 jyldary Qazaqstan Respýblıkasy Prezıdent Ákimshiligi memlekettik baqylaý jáne uıymdastyrý bóliminiń meńgerýshisi; 2007-2008 jyldary Qazaqstan Respýblıkasy Prezıdent Ákimshiligi basshysynyń orynbasary; 2008-2009 jyldary «Nur Otan» HDP Tóraǵasynyń Birinshi orynbasary jáne QR Prezıdentiniń keńesshisi; 2009 - 2013 jyldary «Samuryq-Qazyna» ulttyq ál-aýqat qorynyń basqarýshy dırektory. «Samuryq-Qazyna» UÁQ qoǵammen baılanys jónindegi bas dırektor (2013-2016). Qazaqstan velosport federatsııasynyń prezıdenti (2015 jyldan beri). 2016-2018 jyldary QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń hatshysy. 2018 jyldyń sáýir-maýsymynda QR Din isteri jáne azamattyq qoǵam mınıstri. Qazirgi qyzmetinde 2018 jyldyń shilde aıynan beri.
«Qurmet» ordenimen jáne medaldarmen marapattalǵan.
45 jyl buryn (1973) Almaty qalasy Bostandyq aýdanynyń ákimi - Altaı Erǵazyuly RAHYMBETOV dúnıege keldi.
Shyǵys Qazaqstan oblysynda týǵan. 1992 jyly Óskemen energetıka tehnıkýmyn, Óskemen qalasy jol qurylysy ınstıtýtyn ınjener-qurylysshy mamandyǵy boıynsha támamdaǵan.
Eńbek jolyn Almaty qalalyq ekologııa jáne bıoresýrstar basqarmasynda bastaǵan. Almaty qalalyq qorshaǵan ortany qorǵaý basqarmasynda, Almaty qalasy tabıǵı reýrstar jáne tabıǵat paıdalanýdy retteý basqarmasynda jumys istegen. 2015-2018 jyldary Almaty qalasy Áýezov aýdanynyń ákimi boldy.
Qazirgi qyzmetinde - 2018 jyldyń qyrkúıeginen beri.
42 jyl buryn (1976) Qazaqstan Respýblıkasy Іshki ister mınıstrligi Tótenshe jaǵdaılar komıteti tóraǵasynyń birinshi orynbasary Sábıt Kenjehanuly BITAEV dúnıege keldi.
Almaty oblysy Sarqan aýdany, Sadovoe aýylynda týǵan. 1998 jyly Qazaqstan Respýblıkasy Іshki ister mınıstrligi Almaty joǵary tehnıkalyq ýchılışesin, 2001 jyly Qazaqstan Respýblıkasy Tótenshe jaǵdaılar agenttiginiń Kókshetaý tehnıkalyq ınstıtýtyn «Órt qaýipsizdigi» mamandyqtary boıynsha aıaqtady. 2013 jyly «Kókshe» akademııasyn «Zańtaný» mamandyǵy boıynsha aıaqtady.
1995-2008 jyldar aralyǵynda Almaty oblysy memlekettik órtke qarsy qyzmet organdarynda orta jáne aǵa basshy quramda ártúrli laýazymdar atqardy. 2008 jylǵy qyrkúıekten bastap - Almaty oblysy Tótenshe jaǵdaılar departamenti bastyǵynyń orynbasary. 2011 jylǵy qazannan bastap - Almaty oblysy Tótenshe jaǵdaılar departamentiniń bastyǵy. 2016 jylǵy naýryzdan bastap - Qazaqstan Respýblıkasy Іshki ister mınıstrligi Tótenshe jaǵdaılar komıteti tóraǵasynyń orynbasary. Qazirgi qyzmetinde 2016 jyldyń sáýir aıynan beri.
ІІ, ІІІ dárejeli «Órtke qarsy qyzmet organdaryndaǵy minsiz qyzmet úshin», «Astana qalasyna - 10 jyl», «Qazaqstan Respýblıkasy táýelsizdigine 20 jyl», Qyrǵystan Respýblıkasy TJM «Áskerı-azamattyq yntymaqtastyqty nyǵaıtýdaǵy úlesi úshin», «Shanhaı yntymaqtastyq uıymyna 10 jyl», «Qazaqstan Respýblıkasy Qarýly kúshterine 20 jyl», «Qazaqstan Respýblıkasy TJM Kazseldenqorǵaýyna 40 jyl», «№ 28237 áskerı bólimine 40 jyl», «Qazaqstan Respýblıkasy Іshki ister mınıstrligi Tótenshe jaǵdaılar komıtetine 20 jyl» medaldarymen, Qazaqstan Respýblıkasy Tótenshe jaǵdaılar organdarynyń qurmetti qyzmetkeri», «Órt sóndirýshi» AQ 15 jyl» tós belgilerimen, Qazaqstan Respýblıkasy TJM qurmet gramotasymen marapattalǵan.
38 jyl buryn (1980) sportshy Ardaq NAZAROV dúnıege keldi.
Almaty oblysynyń Raıymbek aýdanynda týǵan. Djıý-djıtsýdan Qazaqstan chempıony (1999, Almaty). Erejesiz jekpe-jekten álemniń eki dúrkin chempıony (2004, Habarovsk, Reseı, 2005, Seýl, Koreıa) jáne álem kýbogynyń ıegeri (2004, Habarovsk, Reseı). Eýrazııanyń eki márte chempıony (2001, Astana, 2002 Qaraǵandy). Azııa chempıony (2003, Bishkek, Qyrǵystan). Eýropa - Azııa matchtyq kezdesýiniń jeńimpazy (2005, Ekaterınbýrg, Reseı). Eýropa chempıony (2007, Tallın). Sankt-Peterbýrg, Bishkek, Vladıvostok, Seýl qalalarynda ótken halyqaralyq týrnırlerdiń jeńimpazy.