14 qazan. Kazinform kúntizbesi. Tulǵalar týǵan kún

Uzaqbaı QARABALIN, Qazaqstan Respýblıkasynyń kórnekti memleket jáne qoǵam qaıratkeri, «KAZENERGY» munaı-gaz jáne energetıka kesheni qaýymdastyǵy tóraǵasynyń orynbasary

1947 jyly Atyraý oblysynda dúnıege kelgen. 1970 jyly I. M. Gýbkın atyndaǵy Máskeý munaı-hımııa jáne gaz ónerkásibi ınstıtýtyn taý-ken ınjeneri mamandyǵy boıynsha támamdaǵan.

Eńbek joly: 1973-1974 jyldary Atyraý oblysyndaǵy «Qazmunaıgazbarlaý» basqarmasyna qarasty Ońtústik Embi munaı-gaz barlaý ekspedıtsııasynda burǵylaý jónindegi ınjener-tehnolog bolyp qyzmet etti. 1974-1981 jyldary Qazaq ǵylymı-zertteý geologııalyq barlaý munaı ınstıtýtynyń shaıylmaly eritindiler, burǵylaý tehnologııasy zerthanasynyń meńgerýshisi, 1981-1988 jyldary atalǵan ınstıtýt dırektorynyń ǵylymı jumys jónindegi orynbasary bolyp eńbek etti. 1988-1990 jyldary «Kaspıı mańy geologııa» bas basqarmasynda tehnıkalyq progress pen tereń burǵylaýdy damytý basqarmasynyń basshysy, 1990 jyly Gýrev fılıalyndaǵy Qazaq polıtehnıkalyq ınstıtýtynyń kafedra meńgerýshisi qyzmetin atqardy. 1991-1992 jyldary QR Prezıdenti Apparatynyń jáne QR Mınıstrler kabınetiniń ónerkásip bóliminiń aǵa referenti, 1992-1994 jyldary QR Energetıka jáne otyn resýrstary mınıstrliginiń munaı jáne gaz bas basqarmasynyń basshysy, 1994-1995 jyldary Energetıka jáne otyn resýrstary mınıstriniń, sondaı-aq munaı jáne gaz ónerkásibi mınıstriniń orynbasary qyzmetterin atqardy. 1995-1997 jyldary Italııanyń «Agip» munaı kompanııasynda taǵylymdamadan ótti. 1997-2000 jyldary «Qazaqoıl» UMK birinshi vıtse-prezıdenti, 1999 jylǵy tamyz-qazan aılarynda «Qazaqoıl» kompanııasynyń prezıdenti mindetin atqardy. 2000-2001 jyldary «QazTransGaz» JAQ prezıdenti, 2001-2003 jyldary QR Energetıka jáne mıneraldy resýrstar vıtse-mınıstri, 2003-2008 jyldary «QazMunaıGaz» Ulttyq kompanııasy» AQ prezıdenti boldy. 2008 jyly «Mańǵystaýmunaıgaz» AQ prezıdenti qyzmetin atqardy, 2008-2009 jyldary bas dırektorynyń mindetin oryndady. 2010-2013 jyldary Qazaqstan munaı jáne gaz ınstıtýtynyń bas dırektory bolyp qyzmet etti. 2013-2014 jyldary QR Munaı jáne gaz mınıstri, 2014-2016 jyldary QR Energetıka mınıstriniń birinshi vıtse-mınıstri bolyp qyzmet atqardy. 2016 jyldan bastap «KAZENERGY» qaýymdastyǵy tóraǵasynyń orynbasary qyzmetterin atqaryp keledi.

ıÝrıı TsHAI, «Caspian Group» AQ dırektorlar keńesiniń tóraǵasy

1948 jyly Jambyl oblysy, Shý aýdanynyń Novotroıtskoe aýylynda dúnıege kelgen. 1972 jyly Qyrǵyz memlekettik dene shynyqtyrý jáne sport ınstıtýtyn dene shynyqtyrý jáne sport pánderiniń oqytýshysy mamandyǵy boıynsha támamdaǵan.

Eńbek joly: 1968 jyly «Lokomotıv» qoǵamynyń Shý aýdandyq keńesiniń jattyqtyrýshysy, 1968-1980 jyldary orta mektep muǵalimi, Shý qalasyndaǵy BJSM dırektorynyń orynbasary, Jambyl oblysy boksshylar komandasynyń aǵa jattyqtyrýshysy bolyp eńbek etti. 1980-1989 jyldary QazKSR, Keńes Odaǵy qurama komandalarynyń bokstan jattyqtyrýshysy boldy. 1989-1991 jyldary Ońtústik Koreıanyń bokstan ulttyq quramasyn jattyqtyrdy. 1991-2007 jyldary «Dostar» kompanııasynyń prezıdenti qyzmetterin atqardy. 2007 jyly QR Týrızm jáne sport mınıstriniń keńesshisi bolyp taǵaıyndaldy. 2004-2007 jyldary «Kaspıı ınvestıtsııalyq holdıngi» AQ prezıdenti, dırektorlar keńesiniń negizin qalaýshy jáne tóraǵasy (qazirgi «Caspian Group» AQ) boldy. 2013 jyldan bastap kompanııa «Caspian Group» AQ dep atalady. 2007-2013 jyldary QR Parlament Senatynyń depýtaty, Qarjy jáne bıýdjet komıtetiniń múshesi boldy.

Roza MUQANOVA, jazýshy-dramatýrg, stsenarıst, halyqaralyq «Alash» ádebı syılyǵynyń laýreaty

1964 jyly Shyǵys Qazaqstan oblysynda dúnıege kelgen. Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan.

Eńbek jolyn Ortalyq mýzeıdiń ádebıet jáne óner bóliminde bastady. Keıin Jazýshylar odaǵynyń aýdarma alqasynda aǵa redaktor, Aqparat mınıstrliginde jaýapty qyzmetker bolyp eńbek etti.

«Jaryq dúnıe», «Qyz jylaǵan», «Dúnıe kezek», «Qudiret-Kıe», «Máńgilik bala beıne» atty áńgimeler men dramalyq shyǵarmalardyń avtory. 2001 jyly Rabǵýzıdiń «Qıssa-súl-Ánbııa» kitabyn arab tilinen qazaq tiline aýdardy. «Máńgilik bala beıne» pesasy 1996 jyly M. Áýezov atyndaǵy Qazaq akademııalyq drama teatrynyń sahnasynda qoıyldy. M. Áýezovtiń «Qaraly sulý» áńgimesi negizinde daıyndalǵan spektakl 1997 jyly Ǵ.Músirepov atyndaǵy memlekettik akademııalyq balalar men jasóspirimder teatrynyń sahnasynda kórsetildi. Al «Qyz jylaǵan» áńgimesiniń jelisimen 2001 jyly «Qazaqfılm» kınostýdııasy fılm túsirdi.

Serikqalı BREKEShEV, KAZENERGY qaýymdastyǵynyń tóraǵasy

1972 jyly Pavlodar qalasynda dúnıege kelgen. 1995 jyly Sh. Esenov atyndaǵy Aqtaý polıtehnıkalyq ınstıtýtyn «Munaı jáne gaz ken oryndaryn ıgerý jáne paıdalaný» mamandyǵy boıynsha támamdaǵan.

Eńbek joly: 1995-1997 jyldary «Qazaqstan-Reseı saýda úıi» birlesken kásipornynda ekonomıst jáne bas dırektordyń orynbasary qyzmetterin atqardy. 1997 jyly Aqtaý qalalyq salyq bóliminde ınspektor boldy. 1997-1998 jyldary «Mańǵystaýmunaıgaz» AQ-nyń «Munaıgermes» basqarmasynda ınjener, 1998-2006 jyldary «Qaraqudyqmunaı» JAQ-ta munaı óndirý sheberi, paıdalaný jónindegi ınjener jáne ken ornynyń menedjeri qyzmetterin atqardy. 2007-2008 jyldary Energetıka jáne mıneraldyq resýrstar mınıstrliginiń Munaı ónerkásibin damytý departamentinde munaı óndirýdi monıtorıngileý basqarmasyn basqardy. 2009-2010 jyldary atalǵan mınıstrliktiń Gaz ónerkásibin damytý departamenti dırektorynyń orynbasary boldy. 2010-2014 jyldary Munaı jáne gaz mınıstrliginiń Gaz ónerkásibin damytý departamentiniń dırektory, 2014-2015 jyldary «BNG Ltd» JShS bas dırektorynyń orynbasary, 2015 jyly «QazTransGaz» AQ-da tehnıkalyq saıasat departamentiniń dırektory jáne gaz tasymaldaý júıesin basqarý jónindegi basqarýshy dırektor qyzmetterin atqardy. 2015-2016 jyldary «QazTransGaz» AQ-nyń tehnıkalyq saıasat jónindegi basqarýshy dırektory, 2016-2018 jyldary óndiristik-tehnıkalyq departamentti basqardy. 2018-2020 jyldary tehnıkalyq saıasat jónindegi bas dırektordyń orynbasary, 2020-2021 jyldary Qazaqstan Respýblıkasynyń Ekologııa, geologııa jáne tabıǵı resýrstar vıtse-mınıstri boldy. 2021-2023 jyldary Ekologııa, geologııa jáne tabıǵı resýrstar mınıstri, 2023 jylǵy aqpannan 2025 jylǵy sáýirge deıin «QazMunaıGaz» UK AQ-da gaz jobalaryn damytý jónindegi basqarma tóraǵasynyń orynbasary boldy.

Qazirgi qyzmetin 2026 jylǵy shildeden bastap atqaryp keledi.

Indıra RYSTINA, L. N. Gýmılev atyndaǵy Eýrazııa ulttyq ýnıversıtetiniń sapany qamtamasyz etý jáne ishki baqylaý jónindegi prorektory, basqarma múshesi

1987 jyly dúnıege kelgen. 2008 jyly L. N. Gýmılev atyndaǵy Eýrazııa ulttyq ýnıversıtetin saıasattaný mamandyǵy boıynsha támamdady. 2014 jyly saıasattaný boıynsha PhD dárejesin, 2020 jyly qaýymdastyrylǵan professor (dotsent) ǵylymı ataǵyn aldy.

Eńbek joly: 2011-2018 jyldary Eýrazııa ulttyq ýnıversıtetiniń saıasattaný kafedrasynda oqytýshy, aǵa oqytýshy jáne dotsent qyzmetterin atqardy. 2018-2020 jyldary «Teleradıo jáne qoǵammen baılanys» kafedrasynyń meńgerýshisi boldy. 2020-2021 jyldary rektor keńesshisi ári Saıasattaný kafedrasynyń meńgerýshisi qyzmetin atqardy. 2021 jylǵy naýryzdan 2022 jylǵy sáýirge deıin Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynyń áleýmettik-saıası zertteýler bólimin basqardy. 2022-2023 jyldary Qazaqstan halqy Assambleıasy Hatshylyǵy meńgerýshisiniń orynbasary boldy. 2023-2025 jyldary Qazaqstan Respýblıkasy Prezıdenti Ákimshiliginiń Іshki saıasat bóliminiń basshysynyń orynbasary qyzmetin atqardy.

Qazirgi qyzmetin 2025 jylǵy qarashadan bastap atqaryp keledi.