14 qarashada elimizde ótetin mańyzdy oqıǵalarǵa sholý

Astana

El ordasy Astanada negizgi sharalar tańerteńgi 9-00-de bastalady. Atap aıtqanda dál osy ýaqytta «Hilton-Garden Inn» qonaq úıinde «Geolokatsııa basymdyǵy: Ortalyq Azııa jahandyq tranzıttik ortalyq retinde» dep atalatyn halyqaralyq óńirlik konferentsııa jumysyn bastaıdy.

Saǵat 9-00-den bastap keshki 17-00-ge deıin «Redısson» qonaq úıinde Afrıka elderi men Qazaqstannyń úkimettik jáne zertteý ınstıtýttary ókilderiniń arasynda tájirıbe almasýǵa baǵyttalǵan jahandyq sımpozım ótedi. Sharanyń maqsaty - Afrıka elderine ekonomıkalyq qurylymdaryna reformalaýǵa kómek kórsetý. Bul jıynǵa keminde 43 Afrıka eliniń Úkimetiniń ókilderi, zertteý ortalyqtary men ózge de damý ınstıtýttarynyń músheleri qatyspaq. Sondaı-aq, halyqaralyq jıynǵa QR Syrtqy ister mınıstriniń orynbasary Erjan Ashyqbaev, BUU Damý baǵdarlamasynyń Qazaqstandaǵy turaqty ókiliniń orynbasapry Mýnhtýıa Altangerel, BUU DB Afrıka elderi jónindegi óńirlik bıýrosynyń bas ekonomısi Aıodele Odýsola qatysady dep kútilýde.

Al saǵat 09-30-da Ulttyq tennıs ortalyǵynda 12 jasqa deıingi balalar arasynda Tennısten Qazaqstan chempıonatynyń ashylý saltanaty QR Tennıs federatsııasynyń atqarýshy dırektory ıÝrıı Polskıı men atalǵan ortalyqtyń dırektory Qýandyq Eljanovtyń qatysýymen ótedi.

Saǵat 10-00-de Premer-Mınıstr Baqytjan Saǵyntaevtyń tóraǵalyǵymen dástúrli seısenbilik Úkimet otyrysy bolady. Otyrystyń kún tártibinde aýyl sharýashylyǵyn memlekettik qoldaýdyń jetildirýdiń odan arǵy sharalary, elektrondy saýdany damytý máselesi, densaýlyq saqtaý salasyn tsıfrlandyr, sonymen qatar Ońtústik Koreıanyń Phenchhan qalasynda ótetin 2018 jylǵy 23-shi Qysqy Olımpıada oıyndaryna daıyndyq máseleleri bar. Aıta keterligi, otyrystan keıin Úkimettiń baspasóz ortalyǵyna aýyl sharýashylyǵy mınıstrliginiń ókilderi kelip, BAQ tilshileriniń saýaldaryna jaýap beretin bolady.

11-00-de Astaa qalasy ákimdiginiń ǵımaratynda elordada tartymdy servıs qurý máselelerine arnalǵan birinshi bıznes-semınar ótkizý jáne uıymdastyrý jaıy egjeı-tegjeıli talqylanatyn baspasóz máslıhaty mejelenip otyr.

Saǵat 14-00-de The Ritz-Carlton, Astana qonaq úıinde Huawei ınnovatsııalyq kompanııasynyń «Tsıfrly «Jibek joly» jolyn zertteý otyryp» dep atalatyn túńǵysh Ortalyq Azııadaǵy kúni ótedi.

15.00-de QR Ulttyq akademııalyq kitaphanasynda QR Din isteri jáne azamattyq qoǵam mınıstrligi janynadaǵy ÚEU-lermen ózara is-qımyl jónindegi úlestirýshi keńestik otyrysy bolady.

Al saǵat 16-00-de elimizdiń Ulttyq mýzeıinde ızraıldik fotosýretshi Dmıtrıı Brıkmannyń «Ierýsalım tek qana qala emes» dep atalatyn birinshi kórmesiniń ashylý saltanaty ótedi. Sharaǵa Izraıl Elshiligi men elimizdiń Mádenıet jáne sport mınıstrligi qoldaý kórsetip otyr.

Saǵat 16-20-da Ortalyq kommýnıkatsııalar qyzmetinde «Úlken Eýrazııa-2027: konfrongtatsııa nemese seriktestik» taqyrybynda ótken Astana klýbynyń úshinshi otyrysynyń qorytyndysyna arnalǵan baspasóz máslıhaty bolady. Oǵan QR Tuńǵysh Prezıdenti - Elbasy qorynyń atqarýshy dırektory Qanat Jumabaev, Álemdik ekonomıka jáne saıasat ınstıtýtynyń dırektory Erjan Saltybaev jáne Astana klýbynyń halyqaralyq qonaqtary qatysady. 

Almaty

Bul shaharda saǵat 10-00-de  Qazaq ulttyq agrarlyq ýnıversıteti janyndaǵy «Elbasy kitaphanasy» ortalyǵynyń ashylý rásimi ótip, odan ary «Qoǵamdyq sanany jańǵrytý: jastar kózqarasy» atty halyqaralyq ǵylymı konferentsııaǵa ulasady.

Saǵat 11-00-de QR Ulttyq kitaphanasynda «Bereke» qarjylyq saýattylyq ortalyǵynyń  saltanatty ashylýy bolady. Aıta keterligi, Ulttyq kitaphana men «Aıgúl Ábdiraıymovanyń qarjylyq saýattylyq mektebiniń» birlesken áleýmettik-bilim berý jobasy.

Sonymen qatar saǵat 11-00-de Ál-Farabı atyndaǵy Qazaq ulttyq ýnıversıtetiniń  Fılologııa jáne álem tilderi fakýltetinde QR PRezıdenti Nursultan Nazarbaevtyń «Rýhanı jańǵyrý» baǵdarlamasy aıasynda «T.Ábdikovtiń kórkemdik álemi» dep atalatyn shara ótedi.

Óńirler

Saǵat 11-00-de Petropavlda SQO boıynsha óńirlik kommýnıkatsııalyq qyzmeti alańynda «QR Ulttyq valıýtasy» taqyrybynda brıfıng uıymdastyrylady. Onda elimizdiń Ulttyq bankiniń Soltústik Qazaqstan oblystyq fılıalynyń dırektorf Mırash Jumashev sóz sóıleıdi.

Al saǵat 15-00-de Kókshetaýda áleýmettik jýrnalıstıka boıynsha trenıng ótedi.

Al ońtústik jurtshylyǵy bul kúndi «Rýhanı jańǵyrý: bereke basy - birlik» baǵdarlamasy aıasynda Ońtústik Qazaqstan oblysynda shyǵarylatyn taýarlardy óńirdiń ardagerleri men zııalylaryna tanystyrýdan bastamaq.  Shara saǵat 9-00-de bastalady dep josparlanǵan.

Sonymen qatar  bul óńirde  saǵat 11-00-de Túrkistandaǵy «Áziret Sultan» memlekettik tarıhı-mádenı qoryq-mýzeıinde «15 qarasha ulttyq valıýta - teńge kúnine» oraı «Táýelsizdik nyshany - tól teńge» taqyrybynda kórme ótedi. Kórmede Qazaq jerindegi aqsha aınalymynan syr shertetin jádigerler jáne mýzeı qorynda saqtaýǵa alynǵan táýelsiz Qazaqstannyń tól teńgeleriniń úlgileri el nazaryna usynylady.