14 qarashada aýa raıy kúrt nasharlaıdy: 16 oblysqa eskertý jasaldy
ASTANA. KAZINFORM — 14 qarashada Qazaqstannyń 16 oblysynda eskertý jarııalandy. Bul týraly «Qazgıdromet» RMK baspasóz qyzmeti málim etti.
Jetisý oblysy
Túnde jáne tańerteń oblystyń ortalyq bóliginde jáne taýly aýdandarynda tuman túsip, kóktaıǵaq bolady. Soltústik-shyǵystan soǵatyn jeldiń Alakól kólderi aýdanyndaǵy ekpini sekýndyna 15–20 metrge jetedi. Oblystyń ońtústik-shyǵysynda joǵary órt qaýpi saqtalady. Taldyqorǵanda túnde jáne tańerteń tuman kútiledi.
Qaraǵandy oblysy
Túnde oblystyń batysy men soltústiginde, kúndiz soltústiginde, shyǵysynda jáne ońtústiginde kóktaıǵaq bolady. Túnde jáne tańerteń oblystyń batysynda, soltústiginde jáne shyǵysynda tuman túsedi. Qaraǵandyda kúndiz kóktaıǵaq, túnde jáne tańerteń tuman kútiledi.
Almaty oblysy
Oblystyń ońtústiginde, ortalyǵynda jáne taýly aýdandarynda tuman túsedi. Soltústik-shyǵystan soǵatyn jeldiń oblystyń shyǵysy men taýly aýdandaryndaǵy ekpini sekýndyna 15–20 metrge jetedi. Oblystyń soltústigi men shyǵysynda joǵary órt qaýpi saqtalady. Almaty men Qonaev qalalarynda túnde jáne tańerteń tuman kútiledi.
Aqtóbe oblysy
Túnde oblystyń batysy men soltústiginde kóktaıǵaq bolady. Ońtústik-shyǵystan soǵatyn jeldiń oblystyń batysy men soltústigindegi ekpini sekýndyna 15–18 metrge jetedi. Aqtóbede túnde kóktaıǵaq bolady. Ońtústik-shyǵystan soǵatyn jeldiń kúndizgi ekpini sekýndyna 15 metrge deıin jetedi.
Jambyl oblysy
Oblystyń soltústiginde, ońtústiginde jáne taýly aýdandarynda tuman túsedi. Tarazda túnde jáne tańerteń tuman kútiledi.
Atyraý oblysy
Túnde jáne tańerteń oblystyń batysy men ońtústiginde tuman túsedi. Ońtústik-shyǵystan, ońtústikten soǵatyn jeldiń oblystyń batysy men ońtústigindegi ekpini sekýndyna 15–20 metrge jetedi. Atyraýda túnde jáne tańerteń tuman kútiledi.
Qostanaı oblysy
Túnde oblystyń batysynda, soltústiginde jáne shyǵysynda kóktaıǵaq bolady. Atalǵan aýdandarda tuman túsedi. Qostanaıda túnde jáne tańerteń kóktaıǵaq pen tuman kútiledi.
Pavlodar oblysy
Oblystyń batysy men soltústiginde kóktaıǵaq bolady. Shyǵysy men ortalyǵynda tuman túsedi. Pavlodarda da tuman kútiledi.
Batys Qazaqstan oblysy
Ońtústik-shyǵystan, ońtústikten soǵatyn jeldiń kúndizgi ekpini sekýndyna 15–20 metrge jetedi. Oral qalasynda da jeldiń ekpini sekýndyna 15–20 metr bolady.
Soltústik Qazaqstan oblysy
Túnde qar jaýady, kúndiz jaýyn-shashyn (jańbyr, qar) kútiledi. Tómengi burqasyn soǵyp, kóktaıǵaq bolady. Oblystyń batysy men ońtústiginde tuman túsedi. Ońtústik-batystan, ońtústikten soǵatyn jeldiń oblystyń batysy men ońtústigindegi ekpini sekýndyna 15–20 metrge jetedi. Petropavlda túnde qar jaýyp, kúndiz jańbyr men qar túrinde jaýyn-shashyn túsedi. Kóktaıǵaq bolady.
Mańǵystaý oblysy
Túnde jáne tańerteń oblystyń batysynda tuman túsedi. Ońtústik-shyǵystan soǵatyn jeldiń túnde oblystyń batysyndaǵy ekpini sekýndyna 15–20 metrge jetedi. Aqtaýda da ońtústik-shyǵystan soǵatyn jeldiń túngi ekpini sekýndyna 15–20 metr bolady.
Qyzylorda oblysy
Túnde jáne tańerteń oblystyń soltústiginde, shyǵysynda jáne ortalyǵynda tuman túsedi. Oblystyń ońtústik-batysy men soltústiginde joǵary órt qaýpi saqtalady. Qyzylordada túnde jáne tańerteń tuman kútiledi.
Abaı oblysy
Túnde oblystyń soltústigi men ortalyǵynda kóktaıǵaq bolady. Soltústiginde, shyǵysynda jáne ońtústiginde tuman túsedi.
Shyǵys Qazaqstan oblysy
Kúndiz oblystyń soltústiginde, shyǵysynda jáne taýly aýdandarynda kóktaıǵaq bolady. Soltústigi men taýly aýdandarynda tómengi burqasyn soǵady. Oblystyń batysynda, soltústiginde jáne shyǵysynda tuman kútiledi.
Aqmola oblysy
Oblystyń soltústigi men shyǵysynda kóktaıǵaq bolady. Ońtústik-batystan soǵatyn jeldiń oblystyń batysyndaǵy ekpini sekýndyna 15–18 metrge jetedi. Kókshetaýda kóktaıǵaq kútiledi.
Aıta keteıik, aldaǵy kúnderi Qazaqstannyń basym bóliginde jańbyr jáne qar túrinde jaýyn-shashyn kútiledi.
