14 qarasha. Tulǵalar týǵan kún

Qýanysh AITAHANOV, Qazaqstannyń memleket jáne qoǵam qaıratkeri

1947 jyly Ońtústik Qazaqstan oblysynda týǵan. Máskeý mal dárigerlik akademııasyn, Almaty joǵary partııa mektebin bitirgen.

Eńbek joly: 1965 jyly Qyzylqum aýdandyq veterınarııalyq stantsııasynda feldsher, 1970-1973 jyldary Shymkent oblysy Alǵabas aýdany XXII sezi atyndaǵy sovhozdyń bas mal dárigeri, 1973 jyly Shymkent oblystyq partııa komıtetiniń nusqaýshysy, 1973-1975 jyldary LKSMK Shymkent oblystyq komıtetiniń ekinshi hatshysy, 1975-1977 jyldary Lenın aýdandyq partııa komıtetiniń ekinshi hatshysy, 1977-1983 jyldary Shardara aýdandyq atqarý komıtetiniń tóraǵasy, 1983-1987 jyldary Lenın aýdandyq atqarý komıtetiniń tóraǵasy, 1987-1988 jyldary Shymkent oblystyq aýyl sharýashylyǵy basqarmasy tóraǵasynyń birinshi orynbasary, 1988-1992 jyldary Arys qalalyq komıtetiniń birinshi hatshysy, Arys qalalyq keńesiniń tóraǵasy, 1992-1993 jyldary Arys qalasy ákimshiliginiń basshysy qyzmetin atqardy. 1993 jyly Ońtústik Qazaqstan oblysy ákimshiligi basshysynyń orynbasary, apparat basshysy, Ońtústik Qazaqstan oblysy Sozaq aýdanynyń ákimi boldy. 1999-2003 jyldary Ońtústik Qazaqstan oblysy Saıram aýdanynyń ákimi, 2003-2005 jyldary Ońtústik Qazaqstan oblysy Otyrar aýdanynyń ákimi, 2005 jyldan QR Parlamenti Senatynyń depýtaty, Ekonomıkalyq jáne óńirlik saıasat jónindegi turaqty komıssııanyń múshesi, 2008 jyldan Agrarlyq máseleler jáne qorshaǵan ortany qorǵaý komıtetiniń hatshysy, 2014-2017 jyldary Agrarlyq máseleler, tabıǵatty paıdalanýdy basqarý jáne aýyldyq aýmaqtardy damytý komıtetiniń múshesi; Qazaqstan Respýblıkasy Parlamenti Senaty janyndaǵy Senatorlar keńesiniń múshesi (2029-2026)

«Qurmet», «Parasat» ordenderimen; «Tyń jáne tyńaıǵan jerlerdi ıgergeni úshin», «Astana», «QR Táýelsizdigine 10 jyl», «Qazaqstannyń Konstıtýtsııasyna 10 jyl», «Qazaqstan Parlamentine 10 jyl» medaldarymen marapattalǵan.

Álibek QÝANTYROV, Qazaqstan Respýblıkasynyń Ekologııa jáne tabıǵı resýrstar mınıstri

1983 jyly Gýrev (Atyraý) qalasynda týǵan. 2005-2006 jyldary Tomsk memlekettik ýnıversıtetin «Qarjy jáne kredıt», «Lıngvıstıka jáne mádenıet aralyq kommýnıkatsııa» mamandyqtary boıynsha támámdaǵan. 2008-2010 jyldary Mıchıgan ýnıversıtetin «Qoldanbaly ekonomıka magıstri» dárejesimen «Bolashaq» halyqaralyq stıpendııasy boıynsha támamdaǵan. Prezıdenttik jastar kadrlyq rezerviniń múshesi.

2005-2006 jyldary QR Ekonomıka jáne bıýdjettik josparlaý mınıstrligi Іshki ákimshilik departamenti, Halyqaralyq qatynastar departamentiniń jetekshi mamany retinde qyzmet atqardy. 2007 jyly Japonııanyń Qarjy mınıstrliginde ekonomıkalyq saıasat boıynsha eki aılyq taǵylymdamadan ótti. 2006-2010 jyldary QR Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń sarapshysy jáne QR Ekonomıkalyq damý jáne saýda mınıstrligi atalǵan departamentiniń bas sarapshysy bolyp jumys istegen. 2010 jyly QR Ekonomıkalyq damý jáne saýda mınıstrliginiń Strategııalyq josparlaý jáne taldaý departamenti Strategııalyq ázirlemeler basqarmasynyń bastyǵy qyzmetin atqardy. 2010-2013 jyldary QR Qarjy mınıstrliginiń Bıýdjet saıasaty jáne josparlaý departamenti, Bıýdjettik josparlaý jáne boljamdaý departamenti dırektorynyń orynbasary boldy. 2013 jyly QR Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıteti tóraǵasynyń orynbasary laýazymynda boldy. 2013-2019 jyldary QR Prezıdenti Ákimshiliginiń Strategııalyq ázirlemeler jáne taldaý ortalyǵy meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetinde jumys atqarǵan. 2019-2021 jyldary QR Tuńǵysh Prezıdenti keńsesiniń bólim meńgerýshisiniń orynbasary qyzmetin atqardy. 2021-2022 jyldary Qazaqstan Respýblıkasynyń Ulttyq ekonomıka vıtse-mınıstri qyzmetin atqardy; «KAZENERGY» qaýymdastyǵynyń bas dırektory (2024); Qazaqstan Respýblıkasy syrtqy ister mınıstriniń orynbasary (2024-2026).

Qazirgi laýazymyn 2026 jyldyń qyrkúıeginen beri atqaryp keledi.

Baýyrjan OMARBEKOV, Qazaqstan Respýblıkasynyń Ulttyq ekonomıka vıtse-mınıstri

1983 jyly Túrkistan oblysynda týǵan. M. Áýezov atyndaǵy Ońtústik Qazaqstan memlekettik ýnıversıtetin bitirgen.

Eńbek jolyn 2005 jyly «Qazkommertsbank» AQ menedjeri qyzmetinen bastaǵan. 2006-2015 jyldary bank júıesi men kommertsııalyq uıymdarda jumys istedi. 2015 jyly OQO kásipkerlik, ındýstrıaldy-ınnovatsııalyq damý jáne týrızm basqarmasynda basshylyq qyzmetter atqardy. 2015-2016 jyldary — Ońtústik Qazaqstan oblysy ákiminiń keńesshisi, 2016-2018 jyldary — OQO Ordabasy aýdany ákiminiń orynbasary, 2018-2021 jyldary — Túrkistan oblysy Tólebı aýdanynyń ákimi, 2021-2022 jyldary — QR Prezıdent Ákimshiliginiń memlekettik ınspektory.

2022 jyldyń naýryz aıynan bastap QR Ulttyq ekonomıka vıtse-mınıstri.

Rınat ZAIYT, qazaqtyń aıtysker aqyny, Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynyń basshysy

1984 jyly Shyǵys Qazaqstan oblysy Aıagóz aýdanynda týǵan.

Semeı qalasyndaǵy M. Tólebaev atyndaǵy kolledjdi drama akteri mamandyǵy boıynsha, Semeı pedagogıkalyq ınstıtýtyn qazaq tili men qazaq ádebıeti muǵalimi, Qazaq kólik ýnıversıtetin Bıznes jáne menedjment magıstri.

2001 jyldan beri kóptegen aıtystarǵa qatysyp, jeńimpaz atanǵan, qazaq tilindegi tanymal ánder sóziniń avtory.

Eńbek joly: 2001-2003 jyldary «Darıǵa-aı» jastar teatrynyń akteri, 2005-2008 jyldary Sh. Qudaıberdiuly atyndaǵy Semeı memlekettik ýnıversıtetiniń tárbıe jumysy jáne áleýmettik máseleler bóliminiń mamany, 2008-2010 jyldary «Darıǵa-aı» jastar teatrynyń kórkemdik jetekshisi, 2017-2018 jyldary «Alataý» dástúrli óner teatrynyń ártisi, 2021-2023 jyldary «Alataý» dástúrli óner teatrynyń dırektory qyzmetin atqardy; QR Parlamenti Májilisiniń depýtaty (2023-2026).

«Qurmet» ordenimen, «Astanaǵa 10 jyl», «Qazaqstan táýelsizdigine 30 jyl», «Mádenıet salasynyń úzdigi» tós belgisimen marapattalǵan.

Dıas ESDÁÝLETOV, Jetisý oblysy ákiminiń orynbasary

1987 jyly Almaty oblysynda dúnıege kelgen. «Bolashaq» baǵdarlamasy boıynsha Shanhaı Tszıao Týn ýnıversıtetin aqparattyq tehnologııalar jáne telekommýnıkatsııa júıeleri mamandyǵy boıynsha bitirgen (2010).

Eńbek joly: «Ulttyq aqparattyq tehnologııalar» AQ elektrondyq qyzmetterdi ilgeriletý departamentiniń menedjeri (2012); Monıtorıng mamany, aqparattyq-taldaý ortalyǵynyń basshysy, jobalardy basqarý departamentiniń dırektory, «Qazaqstan tarıhy» ınternet jobasynyń basshysy, «Qazkontent» AQ medıa jobalarynyń basqarýshy dırektory (2012-2015); Ortalyq kommýnıkatsııalar qyzmetiniń aqparattyq josparlaý qyzmetiniń basshysy (2015-2016); Ortalyq kommýnıkatsııalar qyzmetiniń medıa josparlaý jáne aımaqtardaǵy jumys departamentiniń basshysy (2016); Qazaqstan Respýblıkasy Aqparat jáne kommýnıkatsııalar mınıstrligi Aqparat komıtetiniń qoǵammen baılanys jáne memlekettik organdarmen úılestirý departamentiniń basshysy (2016-2017); Qazaqstan Respýblıkasy Premer-Mınıstriniń Baspasóz qyzmetiniń bas sarapshysy (2017); Qazaqstan Respýblıkasy Premer-Mınıstriniń Keńsesi Aqparattyq-taldaý ortalyǵynyń sektor meńgerýshisi (2017-2018); Qazaqstan Respýblıkasy Premer-Mınıstriniń Keńsesi Aqparattyq-taldaý ortalyǵy meńgerýshisiniń orynbasary (2018-2019); Qazaqstan Respýblıkasy Prezıdenti Ákimshiliginiń Taldaý jáne boljaý ortalyǵy meńgerýshisiniń orynbasary (2019); Almaty qalasy ákimdiginiń Áleýmettik damý bóliminiń meńgerýshisi (2019-2022); Qazaqstan Respýblıkasy Prezıdenti janyndaǵy Ortalyq kommýnıkatsııalar qyzmeti dırektorynyń orynbasary (2022-2024).

2024 jyldyń shilde aıynan bastap qazirgi qyzmetinde.

«Qurmet» ordenimen marapattalǵan (2021).

Eldar ǴUMAROV, «Qazindustry» Qazaqstandyq ındýstrııa jáne eksport ortalyǵy» AQ Basqarma Tóraǵasy

1988 jyly týǵan. Qazaqstan menedjment, ekonomıka jáne boljaý ınstıtýtyn (KIMEP) «Іskerlik ákimshilendirý jáne býhgalterlik esep bakalavry» mamandyǵy boıynsha bitirgen.

Ár jyldary KPMG Tax and Advisory qurylymynda, «Samuryq-Qazyna» UÁQ» AQ kompanııalar tobynda jumys istegen. Sondaı-aq «Qazaqstan Ipotekalyq Kompanııasy» AQ men «Transtelekom» AQ-da basshylyq laýazymdardy atqarǵan.

Taǵaıyndalǵanǵa deıin «Qazaqstan ınjınırıng» ulttyq kompanııasy» AQ Dırektorlar keńesiniń tóraǵasy, táýelsiz dırektory qyzmetin atqardy.

Qazirgi laýazymyna 2026 jylǵy maýsymda taǵaıyndaldy.