14 qarasha. Týǵan kún ıeleri

NUR-SULTAN. QazAqparat - Búgin, ıaǵnı 14 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

74 jyl buryn (1947) Qazaqstan Respýblıkasy Parlament Senaty janyndaǵy Senatorlar keńesiniń múshesi Qýanysh Aıtahanuly AITAHANOV dúnıege keldi.

Ońtústik Qazaqstan oblysynda týǵan. Máskeý mal dárigerlik akademııasyn, Almaty joǵary partııa mektebin bitirgen. Mal dárigeri, saıasattanýshy. Ekonomıka ǵylymdarynyń kandıdaty. Qazaqstan Respýblıkasy Joǵarǵy Keńesi on ekinshi shaqyrylymynyń depýtaty bolyp saılanǵan. Ońtústik Qazaqstan oblysynyń Arys qalasy, Sozaq, Saıram jáne Otyrar aýdandarynyń ákimi bolyp qyzmet istegen. QR Parlamenti Senatynyń depýtaty, Tabıǵatty paıdalaný jáne aýyldyq aýmaqtardy damytý komıtetiniń múshesi, Táýelsiz Memleketter Dostastyǵyna qatysýshy memleketterdiń Parlamentaralyq Assambleıasynyń. Ulybrıtanııa jáne Soltústik Irlandııa Qurama Koroldiginiń Parlamentimen, Japonııa Keńesshiler Palatasymen yntymaqtastyq tobynyń múshesi boldy.

«Qurmet belgisi», «Qurmet», «Parasat» ordenderimen jáne birneshe medalmen marapattalǵan.

57 jyl buryn (1964) Atyraý oblysynyń prokýrory Halıdýlla Zınollauly DÁÝEShOV dúnıege keldi.

Atyraý oblysy, Mahambet aýdanynda týǵan. 1991 jyly S.Kırov atyndaǵy Qazaq memlekettik ýnıversıtetin bitirgen.

Prokýratýra organdaryndaǵy qyzmetin 1991 jyly burynǵy Gýrev oblysy Gýrev qalalyq prokýratýrasynyń tálimgeri bolyp bastaǵan. 1992-1994 - Atyraý qalasy prokýrorynyń kómekshisi. 1994-1999 – Atyraý oblystyq prokýratýrasynyń bólim prokýrory, bólim aǵa prokýrory, azamattardyń quqyqtary men bostandyqtarynyń saqtalýyn qadaǵalaý bóliminiń bastyǵy. 1999-2002 – Qazaqstan Respýblıkasy Bas prokýratýrasynyń áleýmettik-ekonomıkalyq salada zańdylyqty qadaǵalaý boıynsha departamentiniń aǵa prokýrory, Arnaıy prokýrorlar jáne jedel-izdestirý qyzmetiniń zańdylyǵyn qadaǵalaý departamentiniń aǵa prokýrory. 2002-2012 - Batys Qazaqstan oblysy Oral qalasynyń prokýrory, Atyraý oblysynyń Jylyoı jáne Maqat aýdanynyń jáne Atyraý qalasynyń prokýrory. 2012-2016 – Jambyl jáne Batys Qazaqstan oblysy prokýrorynyń orynbasary. 2016-2019 jyldary Qyzylorda oblysynyń prokýrory boldy.

Qazirgi qyzmetinde – 2019 jyldyń sáýirinen.

48 jyl buryn (1973) Mańǵystaý oblystyq sotynyń qylmystyq ister jónindegi apellıatsııalyq sot alqasynyń tóraǵasy Erjan Óserhanuly QARABAEVdúnıege keldi.

Túrkistan oblysy Tóle bı aýdany Alǵabas aýylynda dúnıege kelgen. 1995 jyly Q.A.ıAssaýı atyndaǵy Halyqaralyq qazaq-túrik ýnıversıtetin támamdaǵan.

Ońtústik Qazaqstan oblysy boıynsha memlekettik tergeý komıteti basqarmasynda, Ońtústik Qazaqstan oblystyq sotynyń jetekshi mamany, bas mamany, Maqtaaral aýdandyq sotynyń sýdıasy, Maqtaaral aýdandyq sotynyń tóraǵasy, Ońtústik Qazaqstan oblystyq sotynyń apellıatsııalyq sot alqasynyń tóraǵasy bolyp jumys istegen. 2012 jyly Qyzylorda oblystyq sotynyń qylmystyq ister jónindegi apellıatsııalyq sot alqasynyń tóraǵasy, 2016 jyly Mańǵystaý oblystyq sotynyń qylmystyq ister jónindegi apellıatsııalyq sot alqasynyń tóraǵasy bolyp taǵaıyndaldy.