14 qarasha. Týǵan kún ıeleri
ASTANA. QazAqparat - Búgin, ıaǵnı 14 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
54 jyl buryn (1964) Qyzylorda oblysynyń prokýrory DÁÝEShOV Halıdýlla Zınollauly dúnıege keldi.
Atyraý oblysy, Mahambet aýdanynda dúnıege kelgen. 1991 jyly S.Kırov atyndaǵy Qazaq memlekettik ýnıversıtetin bitirgen.
Prokýratýra organdaryndaǵy qyzmetin 1991 jyly burynǵy Gýrev oblysy Gýrev qalalyq prokýratýrasynyń tálimgeri bolyp bastaǵan. 1992-1994 - Atyraý qalasy prokýrorynyń kómekshisi. 1994-1999 - Atyraý oblystyq prokýratýrasynyń bólim prokýrory, bólim aǵa prokýrory, azamattardyń quqyqtary men bostandyqtarynyń saqtalýyn qadaǵalaý bóliminiń bastyǵy. 1999-2002 - Qazaqstan Respýblıkasy Bas prokýratýrasynyń áleýmettik-ekonomıkalyq salada zańdylyqty qadaǵalaý boıynsha departamentiniń aǵa prokýrory, Arnaıy prokýrorlar jáne jedel-izdestirý qyzmetiniń zańdylyǵyn qadaǵalaý departamentiniń aǵa prokýrory. 2002-2012 - Batys Qazaqstan oblysy Oral qalasynyń prokýrory, Atyraý oblysynyń Jylyoı jáne Maqat aýdanynyń jáne Atyraý qalasynyń prokýrory. 2012-2016 - Jambyl jáne Batys Qazaqstan oblysy prokýrorynyń orynbasary.
Qazirgi qyzmetinde - 2016 jyldyń maýsymynan.
35 jyl buryn (1983) Túrkistan oblysy Tólebı aýdanynyń ákimi OMARBEKOV Baýyrjan Baqytuly dúnıge keldi.
Qazirgi Túrkistan oblysynda dúnıege kelgen, bilimi joǵary, mamandyǵy boıynsha ekonomıst.
Eńbek jolyn 2005 jyly «Qazkommertsbank» AQ Shymkent fılıaly bólshek bıznesin damytý sektorynyń klıenttermen jumys júrgizý menedjeri bolyp bastaǵan. 2006-2015 jyldary aralyǵynda «Qazkommertsbank» AQ Shymkent fılıaly № 814 operatsııalyq bóliminiń tutyný nesıelerin satý bóliminiń menedjeri, «Bank Týran Alem» AQ OQF nesıe jelisi sektorynyń meńgerýshisi, «Alıans Bank» AQ dırektorynyń bólshek bıznesi boıynsha orynbasary, «Kásipkerlikke qyzmet kórsetý ortalyǵy» JShS-niń dırektory qyzmetterin atqarǵan. Al 2015-2016 jyldary aralyǵynda Ońtústik Qazaqstan oblysy kásipkerlik, ındýstrııalyq-ınnovatsııalyq damý jáne týrızm basqarmasy basshysynyń orynbasary, basqarma basshysy, Ońtústik Qazaqstan oblysy ákiminiń keńesshisi qyzmetin atqarǵan. 2016 jyldyń shilde aıynan bastap Ordabasy aýdany ákiminiń orynbasary boldy.
2018 jyldyń shildesinen qazirgi qyzmetinde.
