14 qańtardan bastap Qostanaıdan Túrkistanǵa áýe reısi ashylady

Avıareısterdiń quny bir baǵytta 27 000 teńgeni quraıdy, dep habaralaıdy Kazinform. 

Áýe saparlarynyń qoljetimdiligin arttyrý jáne ishki týrızmdi damytý maqsatynda QAZAQ AIR áýekompanııasy 14 qańtardan bastap Qostanaı-Túrkistan-Qostanaı baǵyty boıynsha áýe reısin iske qosady. Reıster seısenbi jáne jeksenbi kúnderi, ıaǵnı aptasyna 2 ret keste boıynsha oryndalady.

Sýbsıdııalanatyn áleýmettik mańyzy bar avıareısterdiń quny bir baǵytta 27 000 teńgeni quraıdy. 14 jasqa deıingi balalarǵa 50% jeńildik bar. Qol júgin tasymaldaý normasy 5 keli bolsa, bagaj 20 keli.

Ushý kúnin ózgertý jáne bıletterdi qaıtarý tegin.

Aıta keteıik, budan buryn Túrkistannan Ábý-Dabıge 20 000 teńgemen barýǵa bolatyndyǵyn jazǵan bolatynbyz.