14 qańtarda eldegi qaı joldarda qozǵalys tártibi ózgerdi
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, 2026 jylǵy 14 qańtar tańǵy ýaqytta birneshe óńirdegi respýblıkalyq mańyzy bar avtojoldarda kóliktiń barlyq túri úshin qozǵalys ashyldy.
Almaty oblysy
• «Almaty — Taldyqorǵan — Óskemen — Shemonaıha — RF shekarasy» avtomobıl jolynyń 25-67-shaqyrym aralyǵyndaǵy ýchaskesi (Almaty aqy alý pýnktinen Qonaev qalasyna deıin);
• «Almaty — Shelek — Qorǵas» avtomobıl jolynyń 24-118-shaqyrym aralyǵyndaǵy ýchaskesi (Arman aqy alý pýnktinen Lavar eldi mekenine deıin).
Jetisý oblysy
• «Úsharal — Dostyq» avtojolynyń 84-164-shaqyrym aralyǵyndaǵy ýchaskesi (Kóktuma aýyly — Dostyq stansasy).
Batys Qazaqstan oblysy
• «Atyraý — Oral» avtojolynyń 492-371-shaqyrym aralyǵy (Oral qalasy — Chapaev aýyly);
• «Chapaev — Jalpaqtal — Kaztalovka — RF shekarasy» avtojolynyń 0-201-shaqyrym aralyǵy (Chapaev aýyly — Kaztalovka eldi mekeni);
• «Atyraý — Oral» avtojolynyń 371-189-shaqyrym aralyǵy (Chapaev aýyly — Atyraý oblysynyń shekarasy).
Atyraý oblysy
• «Atyraý — Oral — RF shekarasy» avtojolynyń 67-178-shaqyrym aralyǵy (Mahambet eldi mekeninen Inder eldi mekenine deıin);
• «Atyraý — Oral — RF shekarasy» avtojolynyń 179-189-shaqyrym aralyǵy (Inderbor kentinen Batys Qazaqstan oblysynyń shekarasyna deıin).
Jabyq joldar
Atyraý oblysynda aýa raıynyń buzylýyna baılanysty respýblıkalyq mańyzy bar «Atyraý — Oral — RF shekarasy» avtojolynyń 67-178-shaqyrym aralyǵyndaǵy ýchaskesinde (Mahambet eldi mekeninen Inder eldi mekenine deıin) barlyq kólik túriniń qozǵalysyna shekteý engizildi.
Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avto jolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.
Sonymen birge «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman eldi mekenine kireberis pen Astana baǵytyna shyǵatyn jol ýaqytsha jabyq.
Aýa raıy
2026 jylǵy 14 qańtarda Batys Qazaqstan, Mańǵystaý, Atyraý jáne Túrkistan oblystarynyń keı jerinde qar men boran boljanyp otyr.
Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.
Eske salaıyq, buǵan deıin sınoptıkter Astana men 13 óńirde kóktaıǵaq, tuman jáne boranǵa baılanysty eskertý jasaǵan edi.