14 eldiń týrısteri úshin Eýropaǵa kirýge ruqsat etildi
BRıÝSSELЬ. TASS – QazAqparat – Eýroodaq 1 shildeden bastap 14 elmen shekarasyn ashady. Reseı men AQSh bul tizimge enbegen. Bul týraly seısenbi kúni jarııalanǵan EO Keńesiniń málimdemesinde aıtylǵan, dep habarlaıdy QazAqparat TASS agenttigine silteme jasap.
Qujatta aıtylǵandaı, Qytaı óz tarapynan EO azamattary úshin shekarany ashýǵa daıyn ekenin rastasa, tizimge 15-shi el bop qosyla alady.
«Qoǵamdastyq elderi 1 shildeden bastap myna memleketter úshin syrtqy shekaralar arqyly kirip-shyǵýǵa qoıylǵan shekteýlerdi alýy tıis: Aljır, Aýstralııa, Kanada, Grýzııa, Japonııa, Chernogorııa, Marokko, Jańa Zelandııa, Rýanda, Serbııa, Ońtústik Koreıa, Taıland, Týnıs jáne Ýrýgvaı. Qytaı óz tarapynan qarsy emes ekenin rastaýy kerek», - delingen málimdemede.
Degenmen, EO elderi atalǵan memlekettermen shekarany bir mezgilde jáne dereý ashýǵa mindetti emes.
«Bul tizim zań júzinde mindettelgen qujat bolyp tabylmaıdy», - delingen onda.
