14 aqpannan bastap elordalyq oqýshylar dástúrli formatta oqıdy

NUR-SULTAN. QazAqparat – Jyl basynan beri elordada 6 myńǵa jýyq oqýshydan koronavırýs anyqtaldy. Bul týraly Nur-Sultan qalasynyń bas sanıtarlyq dárigeri Sarhat Beısenova aıtty, dep habarlaıdy QazAqparat tilshisi.

«Jyl basynan beri oqýshylar arasynda 5 929 jaǵdaı tirkeldi. Onyń ishinde 365 bala offlaın, 3 346 bala onlaın oqý kezinde aýyryp qalsa, 2 219 bala demalysta júrgen kezinde koronavırýsqa shaldyqqan», - dedi Sarhat Beısenova elorda ákimdiginde uıymdastyrylǵan brıfıng barysynda.

Sonymen qatar bas sanıtar dáriger 14 aqpannan bastap elordalyq barlyq oqýshy offlaın formatta oqıtynyn atap ótti.

«Mektep jasyndaǵy balalar arasyndaǵy aýrýshańdyqqa jáne onyń jeńil ári ortasha deńgeıde ótetindigine saraptama jasaı otyryp, vedomstvoaralyq kommıssııanyń sheshimi negizinde QR Bas memlekettik sanıtar dárigeri osy jyldyń 9 aqpanynda 14 aqpannan bastap barlyq synyp oqýshylaryn oqýdyń dástúrli formatyna aýystyrý týraly №8 qaýlysyn shyǵardy», - dedi ol.