14 aqpanǵa arnalǵan aýa raıy boljamy
ASTANA. QazAqparat - Búgin el aýmaqtarynyń basym bóliginde atmosferalyq aǵyndardyń áserinen aýa raıy qubylmaly bolady, keı jerlerde qar jaýyp, burqasyndatady, jel kúsheıip, tuman túsedi, kóktaıǵaq bolady, tek respýblıkanyń batys óńirinde kún ashyq bolady, dep habarlaıdy QR TJM baspasóz qyzmeti «Qazgıdrometke» silteme jasap.
Aqmola oblysyndaǵy jeldiń kúshi sekýndyna 15-20 metrge deıin jetedi, keı jerlerde boran soǵady, tuman túsedi, kóktaıǵaq bolady. Almaty oblysynyń keı jerlerinde jel 28 m/s deıin kúsheıedi. Jambyl oblysynda tuman túsedi, ekpindi jel soǵyp, onyń kúshi 23-28 m/s deıin jetedi. Ońtústik Qazaqstan oblysynda da qatty jel soǵady. Túnde taýly aýdandarda jeldiń kúshi 25 m/s deıin jetýi yqtımal. Qyzylorda, Atyraý, Aqtóbe, Qostanaı, Soltústik Qazaqstan, Pavlodar, Qaraǵandy oblystarynda tuman túsedi, jer taıǵaq bolyp, kúshi 15-20 m/s jetetin jel soǵady, keı jerlerlerde qar jaýyp, burqasyndaýy múmkin. ShQO-daǵy jeldiń kúshi sekýndyna 17-22 metrge jeıin jetýi yqtımal, kóktaıǵaq bolyp, túnde tuman túsedi.
