14 aqpanda Qazaqstannyń eki oblysynda kúshti aıaz bolady
ASTANA. QazAqparat - Antıtsıklon burynǵysha Qazaqstannyń ońtústik bóligine óz yqpalyn saqtaıdy - 14 aqpanda aýa raıynyń ashyq bolýy kútiledi, dep habarlady QR TJM baspasóz qyzmeti Qazgıdrometke silteme jasap.
Túnde Almaty jáne Jambyl oblystarynda keı jerlerde kúshti aıaz bolýy kútiledi.
Respýblıkanyń soltústik bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde qar jaýady, birqatar aýdandarda burqasyndy jel kúsheıedi. Respýblıka boıynsha keı jerlerde tuman túsip, kóktaıǵaq bolady.
Qostanaı oblysynda keı jerlerde burqasyn kóteriledi, tuman túsedi, jeldiń kúshi 15-20 m/s-qa jetedi. Atyraý, Batys Qazaqstan oblystarynyń birqatar aýdandarynda tuman túsedi, kóktaıǵaq bolady. Aqtóbe oblysynda keı jerlerde tuman túsedi, jeldiń ekpini 18-m/s-qa deıin kúsheıedi. Almaty, Jambyl, Ońtústik Qazaqstan, Soltústik Qazaqstan oblystarynyń keıbir aýdandarynda tuman túsedi. Mańǵystaý, Shyǵys Qazaqstan oblystarynda keı jerlerde jeldiń kúshi 15-20 m/s-qa jetedi.
