14 aqpanda elimizdiń soltústik bóliginde boran soǵyp, jel kúsheıedi
ASTANA. QazAqparat - Búgin Qazaqstannyń basym bóliginde boran soǵady, kóktaıǵaq bolady, jel kúsheıip, keı jerlerde tuman túsedi. Tek elimizdiń batys jáne ońtústik-batys óńirlerinde tymyq aýa raıy saqtalady, dep habarlaıdy QR ІІM TJK baspasóz qyzmeti.
Qostanaı, SQO, ShQO jáne Qaraǵandy oblystarynda jer-jerde tuman túsedi, jeldiń jyldamdyǵy 15-20 m/s-qa jetip, boran soǵady.
Al Aqmola jáne Pavlodar oblystarynda jeldiń kúshi odan da asyp, 17-22 m/s bolady.
Almaty, Qyzylorda, Atyraý, BQO jáne Aqtóbe oblystarynyń keı jerlerinde tuman túsedi. Al Jambyl oblysynda tańerteń jáne kúndiz 15-20 m/s jyldamdyqpen jel uıytqyp, keı jerlerde tuman túsedi.
Sondaı-aq, OQO jáne Mańǵystaý oblystarynda da tuman bolady dep kútiledi. Ásirese Mańǵystaý oblysynda kóktaıǵaq bolýy yqtımal.
