14 aqpanda eldegi qaı joldar jabyq, qaısysy ashyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 14 aqpan saǵat 08:00–degi jaǵdaı boıynsha aýa raıynyń nasharlaýyna baılanysty respýblıkalyq mańyzy bar kelesi avtomobıl joldary ýchaskelerinde kólik qozǵalysy shekteldi:

Jetisý oblysy

• «Úsharal — Dostyq» avtojolynyń 84-164-shaqyrymy (Kóktuma aýyly — Dostyq stantsııasy).

Pavlodar oblysy

• «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Sonymen qatar Shyǵys Qazaqstan oblysynda Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.

Budan bólek, aýa raıynyń jaqsarýyna baılanysty kelesi avtojoldarda barlyq kólik túri úshin jyldamdyq 60 shaq/saǵattan 110 shaq/saǵatqa deıin ózgertildi:

Aqmola oblysy

• «KAZ 01 «Astana — Qaraǵandy — Almaty» avtojoly, 30-92-shaqyrym (Jibek Joly kenti — Anar stantsııasy).

Qaraǵandy oblysy

• «KAZ 01 «Astana — Qaraǵandy — Almaty» avtojoly, 92-164-shaqyrym (Anar stantsııasy — Temirtaý aqyly jol beketi).

Buǵan deıin «Qazgıdromet» RMK 14-16 aqpanǵa arnalǵan aýa raıy boljamyn jarııalaǵan edi.