14 aqpanda Burabay Ice 2026 halyqaralyq muzda júgirý jarysy ótedi
ASTANA. KAZINFORM – 14 aqpanda Býrabaı ulttyq tabıǵı parki aýmaǵynda qalyń muz aıdynynda júgirýden dástúrli Burabay Ice 2026 halyqaralyq jarysy ótedi.
Qysqy maýsymdaǵy bul sporttyq festıval 2026 jylǵa arnalǵan is-sharalar kúntizbesine engizilgen.
Uıymdastyrýshylardyń málimetinshe, búgingi kúnge deıin jarysqa 500-den astam sportshy tirkelgen. Qatysýshylar arasynda Qazaqstannyń túrli óńirlerinen bólek, Frantsııa, Ulybrıtanııa, Vengrııa, Kanada, Reseı, Ózbekstan, Japonııa, Jańa Zelandııa jáne Perý elderinen kelgen treılrannıng ókilderi men ekstremaldy júgirýdi tańdaǵan týrıster bar.
Muz aıdynyndaǵy jarys 7, 14 jáne 21 shaqyrym qashyqtyqtar boıynsha ótedi.
Atalǵan is-shara Býrabaı kýrortynyń kórkem tabıǵatynda belsendi demalys uıymdastyrýǵa múmkindik berip, óńirdiń týrıstik tartymdylyǵyn arttyrýǵa yqpal etedi.
2026 jylǵa arnalǵan kúntizbege mádenı, etnomádenı, sporttyq, gastronomııalyq jáne ekologııalyq baǵyttaǵy is-sharalar engizilgen.
Tolyq aqparat pen is-sharalar kúntizbesi QazTourism platformasynda qoljetimdi.
Aıta keteıik, buǵan deıin Býrabaı ulttyq parkine kirý tarıfi ózgeretini habarlandy.