14 aqpan. Jylnama
Kazinform oqyrman nazaryna 14 aqpanǵa arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Halyqaralyq kitap syılaý kúni
2012 jyldan beri jyl saıyn atalyp ótiledi. Bul kún balalarǵa kitap syılap, olardyń kitapqa degen súıispenshiligin oıatatyn adamdardyń basyn qosady. Oǵan AQSh-tyń qarapaıym turǵyny, balalar kitaby saıtynyń negizin qalaýshy Emmı Brodmýr hanym bastamashyl boldy.
Júrektiń týabitti aqaýy týraly aqparat taratý kúni
Týabitti júrek aqaýymen týǵan balalary bar otbasylarǵa kómek usynatyn kanadalyq Children's Heart Society kommertsııalyq emes qaıyrymdylyq uıymy quryldy. Bastamany HeartKids (Avstralııa) jáne Dr. Mani Children Heart Foundation (Úndistan) sııaqty uıymdar qoldady.
ESTE QALAR OQIǴALAR
1992 jyly Memlekettik onomastıka komıssııasynyń sheshimimen Gýrev oblysy men Gýrev qalasynyń ataýy Atyraý oblysy jáne Atyraý qalasy bolyp ózgerdi. Al Pavlodar oblysynyń Ermak aýdany Aqsý aýdany ataldy.
1994 jyly Qazaqstan Respýblıkasy Halyqaralyq atom energııasy jónindegi agenttikke (MAGATE) kirdi.
1997 jyly Aq úıde Qazaqstan Respýblıkasy men Amerıka Qurama Shtattary prezıdentteriniń kezdesýi boldy. Kelissózderdiń qorytyndysyna oraı, QR Prezıdenti Nursultan Nazarbaev pen AQSh ákimshiliginiń basshysy Bıll Klınton Demokratııalyq áriptestik týraly hartııaǵa qol qoıdy.
2011 jyly Qazaqstan Respýblıkasy Úkimeti Astana qalasy Qan ortalyǵynyń bazasynda QR Densaýlyq saqtaý mınıstrliginiń «Transfýzıologııa ǵylymı-óńdiristik ortalyǵy» respýblıkalyq memlekettik kásiporny quryldy.
2013 jyly Almatyda Halyqaralyq bıznes akademııasynda (HBA) Nıderlandy marketıng ınstıtýtynyń (NIMA) (NIMA-baǵdarlama), Qazaqstan marketıng, jarnama jáne PR federatsııasynyń (HMJF jáne PR) Halyqaralyq marketıng mektebiniń baǵdarlamasyna qatysýshylardyń birinshi toby bitirip shyqty.
2014 jyly Almatyda Qazaqstan úshin biregeı «MEDEÝ DREAM FEST» festıvali ótti.
2017 jyly Qazaqstan kásipqoı bokstaǵy tıtýldar sany boıynsha álemniń úzdik bes eli qataryna qosyldy. Qazaqstandyq boksshy Janat Jaqııanovtyń 53,5 kg salmaq sanatynda WBA Super jáne IBO beldikterin jeńip alýy osy nátıjege jetýge múmkindik berdi.
2017 jyly Dýbaıda ótken The World Government Summit halyqaralyq úkimettik sammıtinde Qazaqstan «Egov mgov» mobıldi qosymshasyn engizgeni úshin halyqaralyq «First World Govtechineers Race-2017» syılyǵymen marapattaldy. Nagradany Dýbaı ámiri, BAÁ Premer-mınıstri ári vıtse-prezıdenti sheıh Muhammed ıbn Rashıd Ál Maktým tabys etti.
2017 jyly Aqtaý qalasyndaǵy hımııa-bıologııalyq baǵyttaǵy «Nazarbaev Zııatkerlik mektebiniń» 12-synyp oqýshysy Sáttiǵalı Joldasbaı nashar kóretin jáne zaǵıp jandar úshin arnaıy smart-taqııa oılap tapty.Mundaı ıdeıa Sáttiǵalıǵa atasynyń úıine aýylǵa barǵan kezde kelgen eken. Ol aýylda aǵasynyń kózi nashar kórgendikten ylǵı kedergilerge tap bola beretinin baıqaıdy. Aqtaýǵa kelgen soń mektep oqýshysy ustazymen aqyldasa otyryp, arnaıy qozǵalys qurylǵysy ornatylǵan taqııa jasap shyǵarady.Bul qurylǵy jolda kezdesetin kedergiler jóninde dybystap, taqııanyń ıesine belgi berip otyrady.
2018 jyly Olımpıada arnasy (Olympic Channel) Sochıdegi Olımpıada oıyndarynyń qola júldegeri, qazaqstandyq mánerlep syrǵanaýshy Denıs Ten týraly derekti fılm jarııalady.
2019 jyly Nıý-Iorkte BUU janyndaǵy Qazaqstan Respýblıkasy men Tanzanııa Birikken Respýblıkasynyń turaqty ókilderi Qaırat Omarov pen Modast Djonatan Mero eki el arasynda dıplomatııalyq qarym-qatynastar ornatý týraly birlesken kommıýnıkege qol qoıdy.
2021 jyly frıstaıl akrobatıkadan Qazaqstan quramasynyń ókili Janbota Aldabergenova 85,68 upaı jınap, Soltústik Amerıka kýbogynda altyn medal jeńip aldy. Týrnır ıÝta shtatynda (AQSh) ótti.
2024 jyly Katar Ámiriniń Dıýan Amırı saraıynda QR Prezıdentin qarsy alý rásimi ótti. Qurmet qaraýylynyń basshysy eki el basshylaryna raport berdi, Qazaqstan men Katardyń ánurany oryndalyp, Qasym-Jomart Toqaev pen sheıh Tamım ben Hamad Ál Tanı resmı delegatsııa múshelerin tanystyrdy.
Saltanatty rásimnen keıin Prezıdent Qasym-Jomart Toqaev Katar Ámiri sheıh Tamım ben Hamad Ál Tanımen kelissózder júrgizdi. Memleket basshysy óziniń osy elge jasaǵan alǵashqy memlekettik saparynyń erekshe mańyzdylyǵyn atap ótti. «Katar bizdiń ıslam álemindegi mańyzdy jáne senimdi seriktesimiz. Bizdiń ekijaqty qarym-qatynasymyzǵa jańa serpin beretin ýaqyt keldi dep esepteımin. «Qazaqstan men Katar arasyndaǵy ózara is-qımyldy tolyqqandy strategııalyq seriktestik deńgeıine kóterýdi usynamyn», - dedi Qasym-Jomart Toqaev.
Sheıh Tamım ben Hamad Ál Tanı Qazaqstan Prezıdentiniń saparyn qanaǵattanarlyqpen qarsy aldy. «Búgingi kelissózder aldyńǵy kelissózder nátıjesinde qol jetkizilgen ýaǵdalastyqtardyń oryndalý barysyn baqylaýǵa jáne bolashaqqa arnalǵan josparlardy belgileýge múmkindik beredi. Yntymaqtastyq aıasynda biz energetıkalyq, saýda-ekonomıkalyq jáne ınvestıtsııalyq jobalardy júzege asyrýǵa múddelimiz», – dedi Katar Ámiri.
2024 jyly Qazaqstan Respýblıkasynyń Prezıdenti Qasym-Jomart Toqaevtyń Katarǵa memlekettik sapary aıasynda Prezıdent teleradıokesheni Katar medıa salasynyń jetekshilerimen yntymaqtastyq týraly memorandýmdarǵa qol qoıdy. Al Jazeera halyqaralyq telearnasy men Katar aqparat agenttigi Qatar News Agency - Prezıdent teleradıokompanııasynyń seriktesteri.