14 aqpan. Tulǵalar týǵan kún
Búgin, 14 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
56 jyl buryn (1968) Qazaqstan Respýblıkasy Іshki ister mınıstrligi Esirtki qylmysyna qarsy kúres basqarmasynyń bastyǵy Qajy-ǵalı Saquly IMANJANOV dúnıege keldi.
Almaty qalasynda týǵan.
Lenıngrad ınjenerlik-qurylys ınstıtýtyn, Qazaqstan Respýblıkasy Ulttyq qaýipsizdik komıtetiniń Qaraǵandy joǵary mektebin, Reseı Federatsııasy Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.
Eńbek joly: 1994-1996 jyldary Almaty qalasy Kalının aýdandyq ІІB qylmystyq izdestirý bóliminiń anyqtaýshysy, 1996-1997 jyldary QR Memlekettik tergeý komıteti Memlekettik qylmystyq izdestirý departamenti bopsalaýmen kúres bóliminiń anyqtaýshysy, 1997-2000 jyldary Almaty qalasy ІІB Krımınaldyq polıtsııa qyzmeti janyndaǵy Uıymdasqan qylmysqa qarsy kúres basqarmasynyń aǵa anyqtaýshysy, Almaty oblysy ІІD Krımınaldyq polıtsııa qyzmeti Uıymdasqan qylmysqa qarsy kúres basqarmasynyń Talǵar, Eńbekshiqazaq, Raıymbek aýdandary boıynsha uıymdasqan qylmysqa qarsy kúres bólimi bastyǵynyń orynbasary, 2001-2002 jyldary Almaty oblysy ІІD 6-basqarmasynyń qylmystyq terrorızmge jáne dinı ekstremızmge qarsy kúres bóliminiń tergeýshisi, Almaty oblysy ІІB Krımınaldyq polıtsııa basqarmasynyń bólim bastyǵynyń orynbasary, bólim bastyǵy, 2002-2004 jyldary Almaty oblysy ІІB uıymdasqan qylmysqa qarsy kúres departamentiniń aǵa anyqtaýshysy, asa qaýipti qylmystarǵa qarsy kúres bóliminiń bastyǵy, 2004-2006 jyldary Almaty oblysy Іshki ister departamenti Іle aýdandyq ishki ister basqarmasy bastyǵynyń jedel jumys jónindegi orynbasary, 2006-2008 jyldary Almaty qalasy Bostandyq aýdandyq ishki ister basqarmasy bastyǵynyń birinshi orynbasary, 2008-2011 jyldary Astana qalasy ІІD Almaty oblysy Іshki ister departamentiniń bastyǵy, 2011-2012 jyldary QR Іshki ister mınıstrligi Krımınaldyq polıtsııa komıtetiniń Ekstremızmge qarsy kúres basqarmasynyń bastyǵy, 2012-2016 jyldary Astana qalasy Іshki ister departamenti ekstremızmge qarsy is-qımyl basqarmasynyń bastyǵynyń orynbasary, bastyǵy, 2016-2017 jyldary Astana qalasy «Almaty» aýdandyq ishki ister departamenti ishki ister basqarmasynyń bastyǵy, 2018-2019 jyldary Іshki ister mınıstrligi Esirtki bıznesine qarsy kúres jáne esirtki bıznesin baqylaý departamentiniń «A» dırektsııasyn qoldaý jáne jedel-aqparattyq qamtamasyz etý boıynsha «A» uıymy bóliminiń asa mańyzdy ister jónindegi bas tergeýshisi, QR Іshki ister mınıstrligi Esirtki qylmysyna qarsy kúres departamenti Kınologııalyq qyzmet basqarmasy bastyǵynyń orynbasary, QR ІІM Esirtki qylmysyna qarsy kúres departamenti Vedomstvoaralyq úılestirý jáne profılaktıka basqarmasynyń bastyǵy, 2020-2022 jyldary Almaty qalasy boıynsha Qylmystyq izdestirý departamenti bastyǵynyń orynbasary boldy.
2022 jyldyń mamyr aıynan bastap qazirgi qyzmetinde.
50 jyl buryn (1974) Petropavl qalasy ákimdiginiń qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi basshysynyń mindetin atqarýshy Erkin Eskendiruly ELEÝSІZOV dúnıege keldi .
Soltústik Qazaqstan oblysy, Esil aýdany, ıAvlenka aýylynda týǵan.
Eńbek joly: 1996 jyly Soltústik Qazaqstan oblysy Presnovskıı aýdandyq ekologııa jáne bıoresýrstar bóliminiń bas mamany, «Kazstroısıstema» JShS tehnıkalyq qadaǵalaý tobynyń óndiristik-tehnıkalyq qamtamasyz etý bóliminiń basshysy qyzmetterin atqardy.
2023 jyldyń sáýir aıynan bastap qazirgi qyzmetinde.
47 jyl buryn (1977) Aqmola oblysynyń prokýrory Aıdos Serikhanuly MAILYBAEV dúnıege keldi.
Almaty qalasynda týǵan.
Ortalyq Azııa ýnıversıtetin quqyqtaný mamandyǵy boıynsha bitirgen.
Eńbek joly: 2009-2012 jyldary aýdan prokýratýrasynyń prokýrory, Jambyl, Qordaı aýdandary prokýrorynyń orynbasary, Almaty oblysy prokýratýrasynyń Jambyl jáne Panfılov aýdandarynyń prokýrory, 2012-2018 jyldary Jambyl oblysy prokýrorynyń orynbasary, 2018-2019 jyldary Aqtóbe oblysy prokýrorynyń birinshi orynbasary, 2019-2020 jyldary Bas prokýratýranyń Quqyq qorǵaý qyzmeti ortalyǵy departamentiniń basshysy qyzmetin atqardy.
2020 jyldyń aqpan aıynan bastap qazirgi qyzmetinde.
2-dárejeli «Aıbyn» ordenimen marapattalǵan, «Jaýyngerlik erligi úshin» medalimen marapattalǵan.
42 jyl buryn (1982) «Halyq Lızıng» AQ dırektorlar keńesiniń tóraǵasy, basqarma múshesi, «Qazaqstan Halyq banki» AQ basqarma tóraǵasynyń orynbasary Dáýren Jankiseuly SARTAEV dúnıege keldi.
Qazaq gýmanıtarlyq-zań ýnıversıtetin «quqyqtaný» mamandyǵy boıynsha, Máskeý halyqaralyq joǵary bıznes mektebin, T.Rysqulov atyndaǵy Qazaq ekonomıkalyq ýnıversıtetin «MVA strategııalyq menedjment» mamandyǵy boıynsha bitirgen.
Eńbek joly: 2004-2009 jyldary Shaǵyn kásipkerlik basqarmasynyń birinshi sanatty menedjeri, Pavlodar fılıaly front-ofısi shaǵyn jáne orta bıznes bóliminiń bastyǵy, «Kazkommertsbank» AQ Almaty fılıaly front-ofısi shaǵyn kásipkerlik bóliminiń bastyǵy, 2009-2010 jyldary qarjylyq taldaýshy, «Oıl-Star» JShS taldaý bóliminiń bastyǵy, 2010-2012 jyldary Bas keńseniń nesıelik táýekel bóliminiń bastyǵy, Óskemen qalasyndaǵy fılıalynyń dırektory, «Temirbank» AQ problemalyq nesıelermen jumys departamentiniń dırektory, 2012-2014 jyldary «KCell» AQ Shymkent qalasyndaǵy fılıaldyń aımaqtyq basqarmasynyń basshysy, 2014-2015 jyldary «Ernst and Young Consulting Services» JShS bıznes tıimdiligin arttyrý bóliminde bıznes-konsaltıng bóliminiń menedjeri, 2015-2016 jyldary «KCell» AQ Satý jáne qyzmet kórsetý departamentiniń Almaty oblystyq keńsesinde menedjer (2015-2016); Basqarýshy dırektor – «Kazkommertsbank» AQ basqarma múshesi, basqarma tóraǵasynyń orynbasary, basqarma múshesi (2016-2018).
Qyzmetinde 2018 jyldyń shildesinen beri.
80 jyl buryn (1943-2018) sáýletshi, dızaıner, Qazaqstannyń eńbek sińirgen óner qaıratkeri Tımýr Bımashuly SÚLEIMENOV dúnıege kelgen.
Ońtústik Qazaqstan oblysynda týǵan. Lenıngrad ınjenerlik-qurylys ınstıtýtyn, Qazaq polıtehnıkalyq ınstıtýtyn bitirgen.
«Qazqalaqurylysjoba» jobalaý ınstıtýtynyń sáýletshisi, Almaty qalasy Kalının aýdanynyń bas sáýletshisi bolyp qyzmet istegen.
1968-1982 jyldary - «Almatygıprogor» ınstıtýty sáýletshiler tobynyń jetekshisi, «Qazqalaqurylysjoba» jobalaý ınstıtýtynyń bas sáýletshisi.
1982-1987 jyldary - Qazaqstan Kórkemsýret qorynyń bas sýretshisi.
Qazirgi qyzmetinde 1987 jyldan bastap isteıdi. Qazaqstan Dızaınerler odaǵynan Qazaqstan Respýblıkasy Joǵarǵy Keńesiniń 12-shi shaqyrylymyna depýtat bolyp saılanǵan.
«Parasat» ordenimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006) medaldarimen marapattalǵan.
