14 aqpan. Tulǵalar týǵan kún
Búgin, 14 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
48 jyl buryn (1977) Mańǵystaý oblysynyń prokýrory Aıdos Serikhanuly MAILYBAEV dúnıege keldi.
Almaty qalasynda týǵan.
Ortalyq Azııa ýnıversıtetin quqyqtaný mamandyǵy boıynsha bitirgen.
Eńbek joly: 2009-2012 jyldary aýdan prokýratýrasynyń prokýrory, Jambyl, Qordaı aýdandary prokýrorynyń orynbasary, Almaty oblysy prokýratýrasynyń Jambyl jáne Panfılov aýdandarynyń prokýrory, 2012-2018 jyldary Jambyl oblysy prokýrorynyń orynbasary, 2018-2019 jyldary Aqtóbe oblysy prokýrorynyń birinshi orynbasary, 2019-2020 jyldary Bas prokýratýranyń Quqyq qorǵaý qyzmeti ortalyǵy departamentiniń basshysy qyzmetin atqardy.
2020 jyldyń aqpan aıynan bastap qazirgi qyzmetinde.
2-dárejeli «Aıbyn» ordenimen marapattalǵan, «Jaýyngerlik erligi úshin» medalimen marapattalǵan.
48 jyl buryn (1977) - Pavlodar oblysy bilim basqarmasynyń basshysy Samal Ospanqyzy AITQAZINA dúnıege keldi.
Pavlodar oblysy, Maı aýdany Maı aýylynda týǵan. Pavlodar pedagogıkalyq ınstıtýtyn orys mektebindegi qazaq tili pániniń muǵalimi (1995); Pavlodar pedagogıkalyq ýnıversıteti (2000); Innovatsııalyq Eýrazııa ýnıversıteti (2015); Innovatsııalyq Eýrazııa ýnıversıteti, menedjment mamandyǵy boıynsha bitirgen (2018).
Eńbek joly: Maı orta mektebiniń qazaq tili men ádebıeti muǵalimi (1995-1996); №37 orta mektepte qazaq tili men ádebıeti pániniń muǵalimi (1996-2000); Pavlodar qalasynyń №8 mektep-lıtseıiniń qazaq tili muǵalimi (2000-2003); Pavlodar qalasyndaǵy №8 mektep-lıtseı dırektorynyń tárbıe isi jónindegi orynbasary (2003-2004); Pavlodar qalasyndaǵy №8 mektep-lıtseıi dırektorynyń tárbıe isi jónindegi orynbasary (2004-2011); Pavlodar qalasy, №25 orta mektep dırektory (2011-2015); Pavlodar qalasyndaǵy daryndy balalarǵa arnalǵan Abaı atyndaǵy №10 mektep-lıtseıiniń dırektory (2015-2018); Pavlodar qalasy bilim bóliminiń basshysy (2018-2022).
2022 jyldyń shildesinen beri qazirgi qyzmetinde.
43 jyl buryn (1982) «Qazaqstan Halyq banki» AQ basqarma tóraǵasynyń orynbasary Dáýren Jankiseuly SARTAEV dúnıege keldi.
Qazaq gýmanıtarlyq-zań ýnıversıtetin «quqyqtaný» mamandyǵy boıynsha, Máskeý halyqaralyq joǵary bıznes mektebin, T.Rysqulov atyndaǵy Qazaq ekonomıkalyq ýnıversıtetin «MVA strategııalyq menedjment» mamandyǵy boıynsha bitirgen.
Eńbek joly: 2004-2009 jyldary Shaǵyn kásipkerlik basqarmasynyń birinshi sanatty menedjeri, Pavlodar fılıaly front-ofısi shaǵyn jáne orta bıznes bóliminiń bastyǵy, «Kazkommertsbank» AQ Almaty fılıaly front-ofısi shaǵyn kásipkerlik bóliminiń bastyǵy, 2009-2010 jyldary qarjylyq taldaýshy, «Oıl-Star» JShS taldaý bóliminiń bastyǵy, 2010-2012 jyldary Bas keńseniń nesıelik táýekel bóliminiń bastyǵy, Óskemen qalasyndaǵy fılıalynyń dırektory, «Temirbank» AQ problemalyq nesıelermen jumys departamentiniń dırektory, 2012-2014 jyldary «KCell» AQ Shymkent qalasyndaǵy fılıaldyń aımaqtyq basqarmasynyń basshysy, 2014-2015 jyldary «Ernst and Young Consulting Services» JShS bıznes tıimdiligin arttyrý bóliminde bıznes-konsaltıng bóliminiń menedjeri, 2015-2016 jyldary «KCell» AQ Satý jáne qyzmet kórsetý departamentiniń Almaty oblystyq keńsesinde menedjer (2015-2016); Basqarýshy dırektor – «Kazkommertsbank» AQ basqarma múshesi, basqarma tóraǵasynyń orynbasary, basqarma múshesi (2016-2018).
Qyzmetinde 2018 jyldyń shildesinen beri.
88 jyl buryn (1937-2022) Keńestik jáne qazaqstandyq memleket qaıratkeri Andreı Georgıevıch BRAÝN dúnıege keldi.
S.M.Kırov atyndaǵy Omby aýyl sharýashylyǵy ınstıtýtyn bitirgen, zootehnık (1965); Aýyl sharýashylyǵy ǵylymdarynyń kandıdaty. Dıssertatsııa taqyryby: «Soltústik Qazaqstannyń sútti malynyń ónimdilik qasıetteri men bıologııalyq sıpattamasy» (1994).
Eńbek joly: Kýpchanovkadaǵy qosalqy sharýashylyqta mal mamany (1958-1961); Tselınograd oblysy Makın aýdanyndaǵy «Kapıtonovskıı» sovhozynyń mal mamany, bas mal mamany (1961-1967); Sochınskıı sovhozynyń dırektory, Tselınograd oblysy Atbasar aýdany Karl Marks sovhozynyń dırektory (1967-1973); Qazaqstan Kompartııasy Krasnoznamensk aýdandyq komıtetiniń birinshi hatshysy (1973-1982); Tselınograd oblystyq atqarý komıteti tóraǵasynyń birinshi orynbasary, agroónerkásip birlestigi agroónerkásiptik keńesiniń tóraǵasy (1982-1986); Qazaqstan Kompartııasy Tselınograd oblystyq komıtetiniń birinshi hatshysy (1986-1991); Tselınograd oblystyq keńesiniń tóraǵasy (1990-1992); apparat basshysy, Aqmola oblysynyń ákimi (1992-1997); Qazaqstan Respýblıkasy Prezıdentiniń keńesshisi (1997).
82 jyl buryn (1943-2018) sáýletshi, dızaıner, Qazaqstannyń eńbek sińirgen óner qaıratkeri Tımýr Bımashuly SÚLEIMENOV dúnıege kelgen.
Ońtústik Qazaqstan oblysynda týǵan. Lenıngrad ınjenerlik-qurylys ınstıtýtyn, Qazaq polıtehnıkalyq ınstıtýtyn bitirgen.
«Qazqalaqurylysjoba» jobalaý ınstıtýtynyń sáýletshisi, Almaty qalasy Kalının aýdanynyń bas sáýletshisi bolyp qyzmet istegen.
1968-1982 jyldary - «Almatygıprogor» ınstıtýty sáýletshiler tobynyń jetekshisi, «Qazqalaqurylysjoba» jobalaý ınstıtýtynyń bas sáýletshisi.
1982-1987 jyldary - Qazaqstan Kórkemsýret qorynyń bas sýretshisi.
Qazirgi qyzmetinde 1987 jyldan bastap isteıdi. Qazaqstan Dızaınerler odaǵynan Qazaqstan Respýblıkasy Joǵarǵy Keńesiniń 12-shi shaqyrylymyna depýtat bolyp saılanǵan.
«Parasat» ordenimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006) medaldarimen marapattalǵan.