14 aqpan. Tulǵalar týǵan kún
Búgin, 14 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
74 jyl buryn (1952) «Munaıshy — Geologterdyń Qazaqstandyq Qoǵamy» Qoǵamdyq birlestiginiń prezıdenti, «Timal Consulting Group» JShS dırektory Mánsııa Nurǵalıqyzy BABAShEVA dúnıege keldi.
Gýrev oblysy, Embi aýdany, Qosshaǵyl kentinde týǵan. 1976 jyly Groznyı munaı ınstıtýtyn bitirdi.
Eńbek joly: 1969-1971 jyldary Gýrev irilendirilgen aýmaqtyq munaı barlaý ekspedıtsııasynyń (GІAMBE), «Batys Qazaqstan geologııalyq basqarmasy» birlestiginiń qurylymdyq-izdestirý dalalyq partııasynda tehnık-laborant retinde jumys istedi. 1986 jyly QazǴZGBI munaı qorlaryn esepteý zerthanasynyń meńgerýshisi bolyp qyzmet etti. 2000-2006 jyldary «Kaspıımunaıgaz» ǴZJI AQ-ǵy jańa baǵyt — rezervýarlardyń munaıkásipshilik geologııasy departamentiniń dırektory, 2006-2016 jyldary «Kaspıımunaıgaz» ǴZI JShS Geologııa jáne ıgerý jónindegi Bas dırektorynyń orynbasary boldy. 2016 jyldan beri — «Timal Consulting Group» JShS dırektory.
«Qurmet» ordenimen marapattalǵan (2011).
49 jyl buryn (1977) Pavlodar oblysy Pavlodar aýdany ákiminiń orynbasary Samal Ospanqyzy AITQAZINA dúnıege keldi.
Pavlodar oblysy, Maı aýdany Maı aýylynda týǵan. Pavlodar pedagogıkalyq ınstıtýtyn orys mektebindegi qazaq tili pániniń muǵalimi (1995) mamandyǵy, Pavlodar pedagogıkalyq ýnıversıtetin (2000), Innovatsııalyq Eýrazııa ýnıversıtetin (2015), Innovatsııalyq Eýrazııa ýnıversıtetin menedjment mamandyǵy boıynsha bitirgen (2018).
Eńbek joly: 1995-1996 jyldary Maı orta mektebiniń qazaq tili men ádebıeti muǵalimi, 1996-2000 jyldary № 37 orta mektepte qazaq tili men ádebıeti pániniń muǵalimi, 2000-2003 jyldary Pavlodar qalasy № 8 mektep-lıtseıiniń qazaq tili muǵalimi, 2003-2004 jyldary Pavlodar qalasy № 8 mektep-lıtseıi dırektorynyń tárbıe isi jónindegi orynbasary, 2004-2011 jyldary Pavlodar qalasy № 8 mektep-lıtseıi dırektorynyń oqý-tárbıe isi jónindegi orybasary, 2011-2015 jyldary Pavlodar qalasy № 25 orta mektep dırektory, 2015-2018 jyldary Pavlodar qalasyndaǵy daryndy balalarǵa arnalǵan Abaı atyndaǵy № 10 mektep-lıtseıiniń dırektory, 2018-2022 jyldary Pavlodar qalasy bilim bóliminiń basshysy, 2022-2025 jyldary Pavlodar oblysy bilim basqarmasynyń basshysy bolyp qyzmet atqarǵan.
2025 jyldyń tamyzynan beri qazirgi qyzmetinde.
44 jyl buryn (1982) «Qazaqstan Halyq banki» AQ Basqarma múshesi, Basqarma tóraǵasynyń orynbasary Dáýren Jankisiuly SARTAEV dúnıege keldi.
Qazaq gýmanıtarlyq-zań ýnıversıtetin «quqyqtaný» mamandyǵy boıynsha, Máskeý halyqaralyq joǵary bıznes mektebin, T.Rysqulov atyndaǵy Qazaq ekonomıkalyq ýnıversıtetin «MVA strategııalyq menedjment» mamandyǵy boıynsha bitirgen.
Qarjy salasyndaǵy kásibı jolyn «Kazkommertsbank» AQ irgesinen bastap, 2004-2009 jyldary Shaǵyn bıznes bóliminiń birinshi sanattaǵy menedjeri, Pavlodar fılıaly front-ofısiniń shaǵyn jáne orta bıznes bóliminiń basshysy, Almaty fılıalynyń front-ofısi shaǵyn bıznes basqarmasynyń basshysy qyzmetterin atqardy. 2009-2010 jyldary «Oıl-Star» JShS saraptaý bóliminiń qarjy sarapshysy, basshysy. 2010-2012 jyldary «Temirbank» AQ Bas ofısiniń nesıelik táýekelder basqarmasynyń basshysy, Óskemen q. fılıalynyń dırektory, problemalyq nesıelermen jumys departamentiniń dırektory, 2012-2014 jyldary «KCell» AQ Shymkent qalasyndaǵy fılıaldyń aımaqtyq basqarmasynyń basshysy, 2014-2015 jyldary «Ernst and Young Consulting Services» JShS bıznes tıimdiligin arttyrý bóliminde bıznes-konsaltıng bóliminiń menedjeri, 2015-2016 jyldary «KCell» AQ Satý jáne qyzmet kórsetý departamentiniń Almaty oblystyq keńsesinde menedjer, 2016-2018 jyldary «Kazkommertsbank» AQ Basqarma múshesi, Basqarma tóraǵasynyń orynbasary, Basqarma múshesi bolyp qyzmet atqardy.
89 jyl buryn (1937-2022) Keńestik jáne qazaqstandyq memleket qaıratkeri Andreı Georgıevıch BRAÝN dúnıege keldi.
1965 jyly S. M. Kırov atyndaǵy Omby aýyl sharýashylyǵy ınstıtýtyn zootehnık mamandyǵy boıynsha bitirgen. Aýyl sharýashylyǵy ǵylymdarynyń kandıdaty. Dıssertatsııa taqyryby: «Soltústik Qazaqstannyń sútti malynyń ónimdilik qasıetteri men bıologııalyq sıpattamasy» (1994).
Eńbek joly: 1958-1961 jyldary Kýpchanovkadaǵy qosalqy sharýashylyqta mal mamany, 1961-1967 jyldary Tselınograd oblysy Makın aýdanyndaǵy «Kapıtonovskıı» keńsharynyń mal mamany, bas mal mamany, 1967-1973 jyldary «Sochınskıı» keńsharynyń, Tselınograd oblysy Atbasar aýdany Karl Marks keńsharynyń dırektory, 1973-1982 jyldary Qazaqstan Kompartııasy Krasnoznamensk aýdandyq komıtetiniń birinshi hatshysy, 1982-1986 jyldary Tselınograd oblystyq atqarý komıteti tóraǵasynyń birinshi orynbasary, agroónerkásip birlestigi agroónerkásiptik keńesiniń tóraǵasy, 1986-1991 jyldary Qazaqstan Kompartııasy Tselınograd oblystyq komıtetiniń birinshi hatshysy, 1990-1992 jyldary Tselınograd oblystyq keńesiniń tóraǵasy, 1992-1997 jyldary Aqmola oblysy ákimshiliginiń basshysy, ákimi, 1997 jyly QR Prezıdentiniń keńesshisi bolyp qyzmet atqarǵan.
83 jyl buryn (1943-2018) sáýletshi, dızaıner, Qazaqstannyń eńbek sińirgen óner qaıratkeri Tımýr Bımashuly SÚLEIMENOV dúnıege kelgen.
Ońtústik Qazaqstan oblysynda týǵan. Lenıngrad ınjenerlik-qurylys ınstıtýtyn, Qazaq polıtehnıkalyq ınstıtýtyn bitirgen.
Eńbek joly: 1965-1968 jyldary «Qazqalaqurylysjoba» jobalaý ınstıtýtynyń sáýletshisi, Almaty qalasy Kalının aýdanynyń bas sáýletshisi bolyp qyzmet istegen. 1968-1982 jyldary «Almatygıprogor» ınstıtýty sáýletshiler tobynyń jetekshisi, «Qazqalaqurylysjoba» jobalaý ınstıtýtynyń bas sáýletshisi, 1982-1987 jyldary Qazaqstan Kórkemsýret qorynyń bas sýretshisi bolyp qyzmet atqarǵan. Qazaqstan Dızaınerler odaǵyn basqarǵan. Qazaqstan Dızaınerler odaǵynan Qazaqstan Respýblıkasy Joǵarǵy Keńesiniń 12-shi shaqyrylymyna depýtat bolyp saılanǵan.
«Parasat» ordenimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006) medaldarimen marapattalǵan.