14 aqpan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparattyq agenttigi Qazaqstanda beısenbi - 14 aqpanda ótetin mańyzdy sharalar sholýyn usynady.
ASTANA
10.00-de QR Parlamenti Senatynyń kezekti otyrysy bastalady.
10.30-da 2018 jyldyń qorytyndysy boıynsha Qazmedıa ortalyǵynda QR Qarjy mınıstrligi alqasynyń keńeıtilgen otyrysy ótedi.
10.30-da Astana qalasy Qoǵamdyq keńesiniń tóraǵasy Sansyzbaı Esilovtiń qatysýymen «Qoǵamdyq keńes jumysynyń nátıjesi» taqyrybynda baspasóz máslıhaty ótedi.
11.00-de «Samuryq-Qazyna» AQ-da satyp alýdyń jańa júıesin engizý qorytyndysy boıynsha baspasóz máslıhaty ótedi.
13.00-de «Sputnik Qazaqstan» mýltımedıalyq baspasóz ortalyǵynda Astana-Bishkek-Mınsk-Tallın vıdeokópiri arqyly «Aýǵanstannan Ortalyq Azııaǵa tónetin qaýip-qaterler» taqyrybynda baspasóz máslıhaty ótedi.
14.30-da Vladımır Bojko men depýtattar qatysqan dóńgelek ústelde Qazaqstandaǵy brakonerlikpen kúresýdiń ózekti máseleleri men zańnamalyq qamtamasyz etý sharalary talqylanady.
15.00-de Qazmedıa ortalyǵynda Qazaqstan Respýblıkasynyń qorǵanys-ónerkásiptik kesheni kásiporyndarynyń ónimderine arnalǵan kórme ashylady.
15.45-te ІІM-niń klýbynda Aýǵanstannan áskerlerdiń shektelgen kontıngentin shyǵarýdyń 30 jyldyǵyn merekeleýge arnalǵan saltanatty is-shara ótkiziledi.
16.00-de «Alaý» muz aıdyn saraıynda Tórt qurlyq týrnırinde kúmis júlde ıegeri atanǵan qazaqstandyq mánerlep syrǵanaýshy Elızabet Tursynbaeva Astananyń jas mánerlep syrǵanaýshylarymen kezdesedi.
KÓKShETAÝ
15:00-de Óńirlik kommýnıkatsııalar qyzmetinde Aqmola oblysynyń densaýlyq saqtaý basqarmasy basshysynyń orynbasary Bolat Ábishev jáne «SK-Farmatsııa» JShS-nyń Aqmola oblysy boıynsha ókili Roza Tilespaeva «Aqmola oblysynda dári-dármekpen qamtamasyz etý jáne «SK-Farmatsııa» JShS qyzmeti» taqyrybynda brıfıng ótkizedi.
QYZYLORDA
10.00-de N. Bekejanov atyndaǵy drama teatrynda respýblıkalyq jastar aıtysy bastalady. Oǵan elimizge belgili aqyndar qatysady.
TÚRKІSTAN
15.00-de TURKISTAN MEDIA ortalyǵynda Monopolııaǵa qarsy departamenti óńirdegi tarıf baǵalaryn tómendetý boıynsha baspasóz máslıhatyn ótkizedi. Spıker: departament basshysy Erbolat Ybyraıhanov.
Sondaı-aq, 14 aqpan kúni QR Premer-mınıstriniń birinshi orynbasary A.Mamınniń Túrkistan qalasyna kezekti resmı sapary bastalady. Sapar barysynda oblys ortalyǵyndaǵy qurylys jumystarymen tanysyp, qalanyń damýy jóninde alqaly jıyn ótkizedi.
