14 aqpan. Aýa raıyna boljam
NUR-SULTAN. QazAqparat - 14 aqpanda ortalyǵy Máskeý mańynda ornalasqan tsıklon jyrasy óz áserin QR batys, soltústik-batys jáne soltústik aýdandaryna tıgize bastaıdy – jaýyn-shashyn (jańbyr, qar) jaýady, kóktaıǵaq, jaıaý burqasyn kútiledi. Qazaqstannyń qalǵan terrıtorııasynda antıtsıklon jotasy jaýyn-shashynsyz aýa raıyn qalyptastyrady. Respýblıka boıynsha keı jerlerde tuman, jeldiń kúsheııýi saqtalady, dep habarlaıdy Qazgıdromet.
Batys Qazaqstan, Qostanaı oblystarynyń keı jerlerinde tuman, kóktaıǵaq, jeldiń 15-20 m/s kúsheııýi, jaıaý burqasyn kútiledi.
Aqmola, Soltústik Qazaqstan oblystarynda keı jerlerde tuman, kúndiz – kóktaıǵaq, jeldiń 15-20 m/s kúsheıýi, Soltústik Qazaqstan oblysynda jaıaý burqasyn kútiledi.
Almaty, Aqtóbe, Atyraý oblystarynda keı jerlerde tuman, kóataıǵaq, Atyraý oblysynda kúndiz jeldiń 15-20 m/s kúsheıýi kútiledi.
Jambyl, Qaraǵandy, Qyzylorda oblystarynda keı jerlerde tuman, jeldiń 15-20 m/s kúsheıýi kútiledi.
Túrkistan, Shyǵys Qazaqstan, Mańǵystaý oblystarynyń keı jerlerinde tuman kútiledi.
