14,5 mln. teńge jymqyrǵan «Tulpar Talgo» JShS-niń bas esepshisi 7 jylǵa bas bostandyǵynan aıyryldy
ASTANA. 29 qazan. QazAqparat - Memleketke 14,5 mln. teńge zalal keltirgen «Tulpar Talgo» JShS-niń bas esepshisi 7 jylǵa bas bostandyǵynan aıyryldy. Bul týraly búgin Astana qalasy boıynsha Qarjy polıtsııasy departamentiniń Damý ınstıtýttary men ulttyq kompanııalardaǵy qylmystardy ashý basqarmasynyń basshysy Beıbit Moldabekov baspasóz máslıhatynda málimdedi.
«Tulpar Talgo» JShS-niń («QTJ» AQ UK enshiles kompanııasy) bas esepshisi Táńirbergenovaǵa qatysty qylmystyq is qozǵalyp, óndirispen aıaqtaldy. Ol 2011-2012 jyldar aralyǵynda 14,5 mln. teńge jymqyrǵan. Astana qalalyq sotynyń úkimimen joǵaryda atalǵan azamatsha 7 jylǵa bas bostandyǵynan aıyryldy», - dedi B. Moldabekov.
Sonymen qatar, basqarma basshysynyń málimeti boıynsha, memlekettik ınvestıtsııalyq jobany iske asyrý kezinde memleketke 14,84 mln. teńge shyǵyn keltirgen «Neıston» JShS basshysyna qatysty alaıaqtyq faktisi boıynsha birneshe qylmystyq is qozǵaldy. Ol sot úkimimen shartty túrde 3 jylǵa bas bostandyǵynan aıyryldy.
Sondaı-aq, «Parasat» ulttyq ǵylymı-tehnologııalyq holdıngi» AQ (onyń 100% úlesi memleketke tıesili) bas esepshisi Maılına shartty túrde 7 jylǵa bas bostandyǵynan aıyryldy. Ol óziniń qyzmetin asyra paıdalanyp, 2012 jyldyń naýryzy men jeltoqsany aralyǵynda kásiporynnyń 7,4 mln. teńge qarjysyn jymqyrǵan.
