14-15 maýsym kúnderi polıtsııa basshylaryna tikeleı júginýge bolady
NUR-SULTAN. QazAqparat - 14 jáne 15 maýsym kúnderi qazaqstandyqtar aldyn ala jazylmaı-aq, polıtsııa basshylaryna júgine alady, dep habarlaıdy QazAqparat QR Іshki ister mınıstrliginiń baspasóz qyzmetine silteme jasap.
Respýblıka boıynsha «Jol ústindegi qabyldaý» naýqanynyń kezekti bóligi ótedi.
Polıtsııa departamentteriniń basshylary, ákimshilik polıtsııa, jergilikti jáne kóshi-qon qyzmetteriniń basshylary adam kóp jınalatyn oryndarda arnaıy qabyldaý ornyn ashady jáne turǵyndardy tolǵandyryp júrgen suraqtarǵa jaýap beredi.
Atalǵan sharalardyń ótetin orny men baılanys nómirlerin QR ІІM resmı portalynan anyqtaýǵa bolady.
Anyqtama úshin 71-58-03, 71-52-08, 71-52-31, 71-46-39 nómirlerine habarlasqan jón.
