138 myń oqýshy jańa oqý jylyn jańartylǵan mektepterde bastaıdy
ASTANA. KAZINFORM — Jańa oqý jyly bastalǵanǵa deıin 163 bilim berý uıymynda jóndeý jumystary aıaqtalyp, 138 myńnan astam oqýshy jańartylǵan jáne tolyqtaı qaıta jabdyqtalǵan mektepterde bilim alady dep josparlanǵan. Bul týraly Oqý-aǵartý mınıstrligi málim etti.
Memleket basshysynyń tapsyrmasy boıynsha elimizdiń bilim berý salasynda aýqymdy ınfraqurylymdyq jobalar júzege asyrylyp jatyr. Olardyń maqsaty — árbir balaǵa zamanaýı ári qaýipsiz bilim alý úshin qolaıly jaǵdaı jasaý.
— Renovatsııa baǵdarlamasy aıasynda 127 mektep jańartyldy, onda 99 myńǵa jýyq bala bilim alady. Sonymen qatar 1 myńǵa jýyq aýyldyq mektep jańǵyrtylyp, olarǵa kúrdeli jóndeý júrgizilýde. Robototehnıka, hımııa, bıologııa, fızıka jáne STEM pánderi boıynsha 1108 zamanaýı kabınet ornatyldy, — delingen habarlamada.
Keshendi jobalarǵa mektepterdi kúrdeli jóndeý, synyptardy zamanaýı qural-jabdyqtarmen qamtamasyz etý, jıhazdardy jańartý, kitaphanalar men ashanalardy modernızatsııalaý, zamanaýı qaýipsizdik júıelerin engizý kiredi.
Bul sharalardyń barlyǵy qala men aýyl arasyndaǵy bilim sapasyndaǵy alshaqtyqty azaıtýǵa, qazaqstandyq balalar úshin jaıly jáne zamanaýı bilim berý ortasyn qalyptastyrýǵa baǵyttalǵan.
Eske sala keteıik, buǵan deıin oqýshylardy mektepten mektepke aýystyrýdy EGov portaly arqyly rásimdeýge bolatynyn jazǵan edik.
