137 mlrd teńgeniń qarjylyq buzýshylyqtary anyqtaldy – Erulan Jamaýbaev

ASTANA. QazAqparat – Qańtar-shildede 137 mlrd teńgeniń qarjylyq buzýshylyqtary anyqtaldy. Bul týraly Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Osy jyldyń 7 aıynda kameraldyq baqylaýmen 8,4 trln teńgege 274 myńnan asa memlekettik satyp alý rásimderi qamtyldy. Tekserý qorytyndylary boıynsha 40 myńǵa jýyq rásim boıynsha buzýshylyqtar anyqtaldy. Onyń ishinde memlekettik aýdıt obektileri buzýshylyqtardy joıý týraly habarlamalardyń 93 paıyzyn oryndady», - dedi Erulan Jamaýbaev.

Vedomstvo basshysynyń atap ótýinshe, jeti aıda 1 300-den asa aýdıtorlyq is-shara ótkizildi. Aýdıtpen 771 mlrd teńge bıýdjet qarajaty qamtyldy.

«Shamamen 137 mlrd teńge somasynda qarjylyq buzýshylyqtar anyqtaldy. Taýarlardy jetkizý, qyzmetterdi kórsetý men jumystardy oryndaý, bıýdjetke óteý jáne esepke alý boıynsha kórsetý jolymen 104 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 1,3 myńnan astam usynym berildi», - dedi mınıstr.