136 almatylyq memlekettik nagradaǵa ıe boldy
«Elbasy Jarlyǵymen bıyl memlekettik nagradaǵa 136 almatylyq usynyldy. Bul byltyrǵydan eki ese kóp. Muny Memleket basshysynyń almatylyqtardyń eńbegin erekshe baǵalaýy dep túsinsek kerek», - dedi búgin Táýelsizdik kúnine arnalǵan saltanatty sharada Almaty ákimi Baýyrjan Baıbek.
Óz sózinde ol eki almatylyq: QR Ulttyq ǵylym akademııasynyń prezıdenti Murat Jurynov pen «Qazaqstan Kamaretasy» memlekettik ansambliniń dırektory Gaýhar Myrzabekova Aqordada Elbasy qolynan ІІ dárejeli «Barys» jáne «Parasat» ordenin alǵanyn aıtty.
Búgingi saltanatty keshte qala ákimi Baýyrjan Baıbek sahna tórinde birqatar almatylyqqa memlekettik nagradalaryn tabys etti.
Atap aıtqanda, «Bazıs» holdıngi dırektorlar keńesiniń tóraǵasy Aleksandr Belovıch ІІІ dárejeli «Barys» ordenimen, «Turan» ýnıversıtetiniń rektory Rahman Alshanov jáne arhıtektor Qazbek Jarylǵapov «Parasat» ordenimen, rejısser Rústem Ábdirashov, «Kazlegprom-Almaty» JShS dırektory Aıbek Bekturǵanov «Qurmet» ordenimen marapattaldy.
