$135 myń para berýge deldal bolǵan «Ilın» qylmystyq tobynyń múshesi sottaldy

ALMATY. QazAqparat - Almaty qalasynyń №2 Medeý aýdyndyq sotynda qylmystyq toptyń múshesi A.V.Kosyrkovqa qatysty úkim shyqty, dep habarlaıdy QazAqparat Sybaılas jemqorlyqqa qarsy qyzmetke silteme jasap.

Ol 2014 jylǵy naýryz – 2015 jylǵy aqpan aralyǵynda S.ıÝ.Ilın basqarǵan uıymdasqan qylmystyq toptyń quramynda bolǵan.

«Kosyrkov «Ilın» qylmystyq toby men Almaty qalasy salyq departamenti bastyǵynyń burynǵy orynbasary E.J.Jeksembınovtiń arasynda paraqorlyqqa deldal bolǵan. Bul para departament bastyǵynyń burynǵy orynbasaryna jalǵan kásipkerlik qyzmetke qamqorlyǵy úshin berilgen. Osyǵan baılanysty Kosyrkov kináli dep tanyldy. Berilgen paranyń jalpy somasy - 135 000 AQSh dollary» delingen habarlamada.

Kosyrkovqa memleketaralyq izdeý jarııalanyp, ol Reseı Federatsııasynyń aýmaǵynda ustaldy.

Sot úkimimen Kosyrkov 5 jylǵa bas bostandyǵynan aıyryldy.

Buǵan deıin habarlanǵandaı, 2016 jyly qylmystyq uıym qatysýshylary, sonyń ishinde Almaty qalasy qarjy polıtsııasynyń burynǵy bastyǵy, general Amanbaevqa da túrli jaza túrleri taǵaıyndalǵan bolatyn.