134 úmitker «Bolashaq» baǵdarlamasynyń stıpendıaty atandy
NUR-SULTAN. QazAqparat - Qazaqstan Respýblıkasynyń Memlekettik hatshysy Marat Tájınniń tóraǵalyǵymen shetelde kadr daıarlaý jónindegi respýblıkalyq komıssııanyń kezekti jıyny ótti. Bul týraly QazAqparat ortalyqtyń baspasóz qyzmetine silteme jasap habarlaıdy.
Komıssııa otyrysynyń qorytyndysy boıynsha 134 qazaqstandyq shetelde bilim alýǵa múmkindik alyp, stıpendııa taǵaıyndaldy. Olar magıstratýra jáne doktorantýra baǵdarlamalary boıynsha shet elderdegi úzdik joǵary oqý oryndarynda bilim alady. Olardyń ishinde álemniń jetekshi ǵylymı jáne óndiristik ortalyqtaryna taǵylymdamadan ótetin stýdentter de bar. Olardyń tolyq tizimin myna jerden kórýge bolady.
