134 myńnan astam jambyldyq vaktsına saldyrdy

TARAZ. QazAqparat – Jambyl oblysynda ekpeniń 1 komponentin - 134 182, ekinshi komponentin - 67 919 adam alǵan, dep habarlaıdy QazAqparat tilshisi.

№5 qalalyq emhananyń jyljymaly brıgadasy №32 orta mekteptiń shaqyrtýy boıynsha baryp, muǵalimder men basqa jumysshylarǵa koronavırýs ınfektsııasyna qarsy vaktsınanyń mańyzy men qajettiligi týraly aqparat berdi.

Sondaı-aq nıet bildirgen 46 adamǵa ekpe saldy.

Kóshpeli egý brıgadalary tońazytqysh qondyrǵysy ornatylǵan refrıjeratorlyq úlgidegi termokonteınerlerdi paıdalanýda.

Vaktsınany tasymaldaý «sýyq tizbekti» saqtaı otyryp júzege asyrylady. Bul týraly oblystyq densaýlyq saqtaý basqarmasynyń baspasóz qyzmeti habarlady.

«Mobıldi egý brıgadanyń quramynda terapevt dáriger men egý medbıkesi bar. Vaktsına salar aldynda ár qyzmetkerdiń qan qysymy men júrek soǵysy tekserildi. Ekpe salynǵan soń patsıent 30 mınýtqa dárigerdiń qaraýyna jiberildi. Bul qyzmetkerlerdiń jumysyna kedergi jasamaı ujymdyq ımmýnıtet qalyptastyrý úshin mańyzdy»,-delingen habarlamada.

Jyl sońyna deıin oblysta 582 myńnan astam turǵynǵa ekpe salý josparlanǵan.